Dwagi Yai Gesi Po Lukgo Asęani 12:27 - Godigo dwagi yai po buku

²⁷ Te bulu wel noswai duduli walobo dagego suiąo. Augwaligo sę dene bomo elama, augwa au ebo menio. Augwaligo te ugwa dabe me nigibeo. Tiali goli, te eno dagebolo obe dao. Te polobadu bidali king bidi nogi Solomongo te nai hauwa mu muani bidi agai aga tigide me te ugwa wiegi wiegi yai au yali goli, te e noswai dabe duduligo yali augo te Solomongo au yali aiyaba elaluali.

Dwagi Yai Gesi Po Lukgo Asęani 12:27 Referans Kwoze

Dwagi Yai Gesi Po Lukgo Asęani 12:24

Te ba dabe suao. Augwaligo nai me bulama, nogogo sabe dao. Augwa tubo nai muabo be me meni dao. Tialima, Godigo augwali gesebo dao. Ba dabe da sęgę menio. Dage bidi da, sęgę ebaso, Godigo tubo nai mawaibao.

Dwagi Yai Gesi Po Lukgo Asęani 12:26

Te dagego te tama tiwai dwasianu sęnu me yabo usu isąbaso da, teda magi baso dagego te gasa me me naide moni homu ebawe?