Dwagi Yai Gesi Po Lukgo Asęani 11:47 - Godigo dwagi yai po buku

^47-48 Polobadu duga nǫųgo God aga po pusa momainu tagala palali profet bidi dabe ela muai dao. Tama dagego te pubulali madigi gų page ma aulubao. Tama te ebogo dage nosali genuai dene saibao.

Dwagi Yai Gesi Po Lukgo Asęani 11:47 Referans Kwoze

1 Tesalonaika 2:15

Tama te dwai sę yali Juda bage augwaligo Godigo po pusa mani profet bidi elama isai, tama augwaligo Genuai Bidi Jisas me eleyu yai. Tama tiyu, augwaligo da me ela guduluyu sela sąwai dao. Tama augwaligo ebo sęde te Godigo dwagi yai homu isiąwai sę dao. Tama augwaligo tigidali bidi dali boi bidi mu ebo dao.

Godigo Sęba Tagala Palai Bidigo Po 7:51

Te bidi Stivengo te kaunsil dabebolo te po ma wai, “Dage da te po sela sąbo bidi dabe dao. Dagego kolesaga da, Godigo po odisąbo bidigo kolesaga tiwai dao. Dagego Godigo Dwagi Yai Mobogo po tigidali sogo sela sąbo dao. Polobadu duga wąį dabego po sela sąyani tiwai megi dagego te tibao.

Matyu 23:27

“Dage bomai po page ola mabo bidi me, dage Farisi dabe dali, hobede ya. Dageba te dwai sogo mu pedelaibao. Dage te gų page ola be augwaligo te tedela yai pengo pilali tiwai dao. Bulu badu da, te bidigo subo dwagi yai ilali, tiali goli tomode da, te isai bidi dabego dili dabe me te tigidali dwai meda yai mobia pai nai te pągąnalubo dao.