Dwagi Yai Gesi Po Lukgo Asęani 11:40 - Godigo dwagi yai po buku

⁴⁰ Dage da, te mu umawai bage te yabao. Te nai dabe bulu badu nigali Godigo te nai dabe tomo badu me nigibe homu eba, agawe?

Dwagi Yai Gesi Po Lukgo Asęani 11:40 Referans Kwoze

Dwagi Yai Gesi Po Lukgo Asęani 12:20

Tiali goli, Godigo te bidibolo te po wali, ‘Nage da, mu umawai bidi dao. Megi hulide tama nage isaibao. Nage isaide, mena bidigo naga tobade yogwaluali nai dabe tigidali saibawe?’” Jisasgo te po wali.

1 Korin 15:36

Te eno te po wei ponoyu e po obao: nage kolesaga meni yai bidi dawe? Nago hanalu wali po si te kidu meni yai po naga dao. Naga digi te nai yiyu ge bulubo naga koneani, tama te nai ge bulama tama tǫ tomode te ge peda pelama tama kulubi holisiayu da, teda te holabo yiyu aga bidabo ula me sogobeo.

Matyu 23:26

Nage Farisi, nage gedu widai. Hasia bolo nago te kap tomode elalubo pobele bage penao, tama te kap bulu badu me te hogomu meniama usu elaluaibao.”

Hibru 12:9

Dagego te me koneao. Te dena e tǫde aya augwaligo da dodoloyu yai, tama dago augwali nogi ugwaba sai. Teda dago dagalude bidibo Aya dologoba mu pelama, tama dago te bidibo ula mu sao.

Dwagi Yai Gesi Po Lukgo Asęani 24:25

Te Jisasgo te tama po augwali sibolo wai, “Ao, dage sigo homu kolesaga meniwe? Dage sigo homu te polobadu Godigo sę nosali pedelabo po ola mani bidigo po naga konealuai dawe?” Jisas po augwali si dali wai.

Matyu 23:17

Dage esela pelama gedu widalio. Magi nai da te polalubo nai dawe? Ma, te gol da, te polalubawe? Ma, te Moni Lotu Be tempelgo te gol wiegi yai ilali, ma te da te polalubo nai dawe? Te be tempel polalubo dao.

Sekaraia 12:1

Te e po da, te Genuai Bidigo po da, aga te dagalu genuai kegelalma, me te tǫ dodolama nigali God dao, tama agai te we bidi dabe augwaliba bidibo ula mabo da. Agai po te Israel dabeba mayu, te tama wali,

Jeremaia 5:21

“Dage we bidi dabe te wiegi yai homu kolesaga meni yai. Duga gedu elalubao, tiali goli te elalubo nai dagego me susiąwai. Te dagego olo elalubao, tiali te dagego po me odobeo. Tiali te dagego olo eno te poba bugagia muiąo,

Bugagia Bidibo Kolesagade Po Asęai Buku 8:5

Dage kolesaga konesiąwani bidi, te kolesaga koneiąo. Dage te homu kolesaga siąo.

Bugagia Bidibo Kolesagade Po Asęai Buku 1:22

“Dage te homu kolesaga meni yani hani, dage te tiwai sesemane bidabo homu eba, agawe? Dage te wabo pabo bidi dabe tiwai ebao. Dagego te wiegi yai kolesaga sabo homu wei me isiąma, tama dagego tede posobo po wabo dao. Mena sogo dagego te kolesaga ebo tagalaibawe?

Godigo Nogi Ugwaba Sabo Tęąbi Po Wabo Buku Dabe 33:15

Aga digi te tigidali we bidigo homu kolesaga pedalumainu ilibo dao, tama te augwaligo ebo kolesaga tigidali konebo dao.

Godigo Nogi Ugwaba Sabo Tęąbi Po Wabo Buku Dabe 14:1

Kolesaga meni yai dwai sę ebo bidi dabe augwa hasi te po wabo dao, “God bidibo menio,” wabo dao. Te bidi dabe augwali te dwai bidi dao. Augwaligo dwai kolesaga mu naga ebo dao. Bidi me deligo dwagi yai kolesaga me ebo menio.

Israel Hanigo Namba 16:22

Tiali goli, Moses de Aron si gesabidi tǫba elama, degasa duliyu, augwali sigo Genuai Bidibolo e tama po wali, “God, nago deli naga te tigidali tǫde bidibo we bidi nigilama, augwali te bidibao. Te bidi deligo dwai sęgę sai madi, tama nago tigidali Israel we bidi ela silaibawe?”

Tigidali Nai Gagalama Nigali Side 2:7

Tama Yawe Godigo te tǫ meba selama, tama te tǫgo bidi nigai. Tama agai bidibo ula maiabo mobo te bidigo guni tomoba ponama, tama bidi te bidibo ula pedelai.

Tigidali Nai Gagalama Nigali Side 1:26

Tama Godigo te po wai, “Megi da, dago te we bidi dena tiwai niginao,” wali. “Dago augwali te sųgų dabe me, te ba dabe me, te be pąde bidibo kibu dabe me, te bulude bidibo genuai hasa me, dwasianu hasa dabe, te tigidali nai tonaluabo bidi nigilinao,” te po wai.