Dwagi Yai Gesi Po Lukgo Asęani 11:24 - Godigo dwagi yai po buku

²⁴ Jisasgo te po wabo ma gagalali, “Te dwai nomago bidi me taga pelama, wa pai buluba toma nabo pesage gegegi pobao. Tiwai pesage me susiąbaso da, aga homugo tama te ebao, ‘Ena taga soali beba ma geasa paibao.’

Dwagi Yai Gesi Po Lukgo Asęani 11:24 Referans Kwoze

1 Pita 5:8

Te dagego duga homu bugagia dodolao, tama bugagia tonaluao. Te dagego boi bidi Satan aga susa bilibo dao. Te moni hasa nogi laion, te aga nasi baso bomo elama, tama moni hwa olama gaa weyu aga tuabo nai gegeyu bilibo dao. Tama te boi bidi Satan aga te tiwai eyu susa bilibo dao, te dage dolainogo ebo dao.

Godigo Nogi Ugwaba Sabo Tęąbi Po Wabo Buku Dabe 63:1

O God, nage eno God dao. Eno nage gegebo sę bomo ebao. Te eno homu ogwa waigo te nage dali bidabo homu godolo mu ebao. Eno tigigo me, te nage dali bidabo homu godolo yali, te bidi te wę meni yai wa pai bulude te wę nogonego sabo tiwai gilama yai.

Jopgo Po Asęani Elalubo Buku 2:2

Tama tibaso, Godigo agabolo hanalu wali, “Nage menade bidama, asobawe?” po wali. Te po obaso, Satango te po wali, “Ena te tǫ deli badu naga bidama, asobeo. Ena te tigidali tǫde usu elama, bilama, asobao,” wali.

Jopgo Po Asęani Elalubo Buku 1:7

Tama tibaso, Genuai Bidigo te Satan hanaluyu, te po wali, “Nage menade bidama asaliwe?” wali. Te Satango te po wei ponoyu, te po wali, “Ena te tǫ deli badu naga bidibo menio. Ena te tǫ tigidali bulu badu bilama, tama ena e asobao,” wali.

Dwagi Yai Gesi Po Makgo Asęani 5:10

Tama agai Jisasbolo i bomo elama weyu, Jisasgo te dwai haubo noma bidi dabe te moni tǫde munu me sela sągio po widu geai.

Aisaia 48:22

Genuai Bidigo te tiwai po wali, “Te dwai kolesaga ebo we bidi dabe, te augwa bugagia wiegi yai bidabo sogo me gegegobeo,” te po wai dao.

Efesus 2:2

Tama te sogo dage e tǫde bidibo we bidigo ebo dwai kolesaga wali bilaluai dao. Tama tiyu, dagego te dwai haubo noma tobolu bidigo kolesaga wali pai dao. Agai te dagalude bidibo dwai haubo noma bage tonalubo dao, tama megi me agai te Godigo po sela sąbo we bidigo homu kolesaga tonalubo dao.

Dwagi Yai Gesi Po Makgo Asęani 9:25

Jisasgo te genuai we bidi hani augwali sisinagasobo suali. Tama tibaso agai te dwai haubo bidiba wado iliyu, te po wali, “Nage te pedauwali pania sai, me nage te olo degai haubo bidi, eno nagebolo obe dao, nago te ogwa taga pao! Tama nage aga tomode munu ma bidilamu dao,” te po wai.

Aisaia 44:3

Te ąį sǫą pabo tǫba eno te ąį gelaibao, tama te wa pai tǫde te ąį somainu ilaibao. Te eno mobo bidi te dagego wai dabeba gelaibao. Te eno dagego waigo ame nabo wai dabeba wiegi yai bugagia ilaibao.

Aisaia 35:7

Te olo kemi tǫ bulude te sigi ąį tiwai pedelaibao. Te wa pali tǫ dologode me wę ulu pedelaibao. Te polobadu te uni yowi dabe naga te wa pali tǫde bidali. Tiali goli, te sogo te nosai, me awi hauwa tede pedelaibao.

Bugagia Bidibo Kolesagade Po Asęai Buku 4:16

Magi baso meni. Te dwai sę ebo bidi dabego te dwai sę me isąbadi da, teda augwali me pigobeo. Te augwali gasa bidiba te dwai sę bolo elama da, teda augwali te bugagia pibaso usu ebo dao.

Dwagi Yai Gesi Po Lukgo Asęani 11:25

Tama tibaso, bugagia ma dodolama, pobele bage meni yai beba ma pabo ąǫ te bidi pageba peyu te ebo dao.