Dwagi Yai Gesi Po Lukgo Asęani 11:22 - Godigo dwagi yai po buku

²² Tiali goli, te boma pai bidi me deli pedelama, te boi sulama te bidi dali hwįnama, te bidigo bomo aiyaba elalubaso da, teda te be page bidi aga tobade tiąduali te boi hwįbo nai dabe tigidali te bomai bidigo sela pabo dao. Tama te be page bidigo polobadu wi sali nai te bomai bidigo ma selama, tama dobabo dao.

Dwagi Yai Gesi Po Lukgo Asęani 11:22 Referans Kwoze

Aisaia 53:12

Te we bidi dabego aga te dwai bidi me deli tonobo tiwai yai. Tiali goli, aga bidibo ula digi te olo wę mu gelebo tiwai eyu, agai te hauwa we bidigo dwai sę yali sęgę tolalio. Tama augwali dolidali weyu, agai te dwai sę ebo we bidi tau siyu, gedu haluasa po wai dao. Tama tibaso, eno agaba te genuai bidi dabe tomode te agaba genuai nogi mawaibao. Eno te bomai ami bidi dabego te boi hwįnama, te sali nai dabe agaba dobolama mawaibao,” wali.

Aisaia 27:1

Te sogo te Genuai Bidigo agai genuai bomo olamayu, te Leviatan, te tamu węde bulu hwą bidigula mane elaibao. Genuai Bidi agai aga poa pai genuaiboma pai ge hwą selama, tama te bulu hwą bidi gula, tegagela bilibo gula mane toga sąwaibao.

Tigidali Nai Gagalama Nigali Side 3:15

Tama eno nago te webolo boi bidi ilibo sę iliyu, tama wego nagebolo boi bidi ilibo sę ilibadi yaibao. Tama eno nago te wego nosali ame nabo hani dali boi bidi ebo sę ilaibao. Te agai nago tobolude agalama, tama nago aga sągą gabulude gąų kelaibao,” Godigo te po wai.

1 Jon 4:4

Dage eno wai dabe o, dage Godigo we bidi hani, tama dagego te tibo po ola mabo bidi aiyaba elaluai dao. Magi baso meni. Te Mobo dage tomode bidibo Mobo Bidi agai bomogo te tǫde bidi dali tomode bidibo mobogo bomo aiyaba elalubo dao.

1 Jon 3:8

Niwai bidigo dwai sę idu bidibo, te bidi Satango hani bidi dao. Magi baso meni, te Godigo tigidali nai nigisiąbadi, polobadu mu Satango dwai sę ebo gagalama, tama eyu, tama megi me aga tama tibo dao. Tama agai te Satango we bidi tomode ebo dwai kolesaga ela silimainogo te Godigo Ogwa aga hania pedalai.

Kolosi 2:15

Tama te ni pedaide Krais agai aga bomogo te bomo elaluyu tonalubo sę ebo genuai dwai mobo bidi dabego bomo aiyaba elaluama, tama dili eleyu, tama tigidali bidigo gedude te dolali mobo bidi dabe hania waselali.

Ma Dobola Sali 15:9

“Te boi bidi dabe augwaligo te po wai, ‘Dago augwali pobelama, tama augwali dąų waibao. Tama dago augwaligo wiegi wiegi yai nai dena hanibolo dobola saibao. Tama tigidali nai dago sainogo yali nai te dago siyu naga yaibao. Tama dago augwali dali te poapi ge hwągo hwįnama, tama dena bomogo digi te dago augwali dolaibao.’”

Dwagi Yai Gesi Po Lukgo Asęani 11:21

Jisasgo te po ma wadolali. “Bomai bidi me deligo aga te boi hwįbo bainat hwą te nai dabe dali te aga bede sisi elalu, aga be tonalubadi yaide, te bede mubo nai dabe bugagia munalubo da.

Dwagi Yai Gesi Po Lukgo Asęani 11:23

Bidi mebago ena dali homu muisąbo bidi da, te bidigo ena dali te boi bidi tiwai te ebao. Ena sipsip tonalubo tau sisąbo bidi da, te agai eno sipsip dabe osalubo bidi tiwai eyu te ebao,” Jisasgo te po wali.

Efesus 6:11

Tama eno dagebolo hwįbo po digi po begelama megi obao. God agai dagebolo te duga tigi duala sabo nai mobao. Tama dagego bomo eyu, te dwai haubo noma bidi Satango geme dualama ebo dwai kolesaga tigidali te aiyaba elaluyu, dage bugagia dolalumainogo eyu, tama dagego te tigi duala sabo nai tigidali selama tigide muao.

Efesus 6:13

Tama tibaso, Godigo dagebolo mabo tigi duala sabo nai megi duga tigide muao. Tama tiyu, te augwaligo dage dali dwai sę ebo sogo pedalobo si, te dage bomo elama augwali dali hwįdu gelama, tama aiyaba elaluama, tama dage bomo yai bidi mu me dolaluaibao, wi pogobeo.