Dwagi Yai Gesi Po Lukgo Asęani 10:37 - Godigo dwagi yai po buku

³⁷ Tama te bomo yai po ola mabo bidigo wei ponoyu, te po wali, “Homu dene elama, tau sali bidi dao,” te bidigo te po wali. Jisasgo ma te po wali, “Te yaligia te nago me tiao.”

Dwagi Yai Gesi Po Lukgo Asęani 10:37 Referans Kwoze

Maika 6:8

Genuai Bidigo dabolo te wiegi yai kolesaga yabo po walio. Tama agai homugo dago te tiwai kolesaga naga emainu yai. Dago te doloba pai kolesaga wali pao, te gasa bidi dabe homu dene eyu, tau sao, te dena homu kolesaga digi tegaluama, te dena God dali deli haliga elama bidiyu, tama aga wali pabo usu dao.

1 Pita 2:21

Tama dagego te sęgę bugagia tolomainogo, God agai dage i wali. Magi baso meni. Krais aga digi dage tobade dene sai. Tama aga tama tiyu, dagebolo te sę page agai bugagia hanilama ola mawai, dage aga tiwai gilama, bugagia pąde wali asomainogo yai.

2 Korin 8:9

Magi baso meni. Dagego te dago Genuai Bidi Jisas Kraisgo olo tau sabo wiegi yai kolesaga ebo sę koneai. Aga God dali hodobo bidiyu, tama genuai nogi dali, bomo yai ula dali si umabo elalubadi, tiali goli agai dage tau somainogo eyu tama aga magi nai meni yai bidi pedalali. Tama aga te magi nai meni yai bidi tiwai pedalaligo te dagebolo te God dali bidiyu bomo yai ula umabo sabo tų dawai dao.

Matyu 23:23

“Dage bomai po page ola mabo bidi me, dage Farisi dabe dali, hobede ya. Dageba te dwai sogo mu pedelaibao, dage tibo po wabo bage. Dage te dwasianu bomai po wali peyu, te tigidali gide elalubo dwasianu nai te kaya dabe dagego nogo si bugulama, deli te Godibolo menama, tama nogo a naga olama me badu nogo me si me si dagego sabo dao. Ao, te usu dao. Tiali goli dagego te bomo yai po genuai tigidali me badu sula tagalali, te bidi dagalobo doloba pai kolesaga me, te bidi homu dene eyu tau sabo kolesaga me, te bidi dabe dali dolo sę naga ebo kolesaga me dao. Te Godibolo nogo si nai bugulama deli mabo bomai po badi, te po dagego tagaligio, tiali goli e tobage te genuai bomai po te sę dagego mu iyąo.

Efesus 5:2

Tama tiyu, dagego duga hasi godolo mu ebo kolesaga eyu, tama dagego yabo sę tigidali ebo si te kolesagago dage tonalumainogo, te Kraisgo da godolo eyu wiegi yai homu ebo tiwai gilama. Agai da godolo eyu, tama aga digi aga bidabo ula da hagede tagalama, tama augwaligo aga isilali. Tama tiyu, agai aga tigi te Godibolo olo mani, te polobadu bidali bagego Godibolo mani wiegi yai denami ebo nai mani tiwai yai dao. Tama te sęde God aga Kraisde dwagi yai homu ebo dao.

Hosea 6:6

Dagego te hasa elama, tama enabolo olo mabo kolesaga, te tobage ofa sę ebo te eno godolo homu mu egobeo. Menio. Te dagego gasa we bidide homu dene eyu, tau sabo kolesaga ebo, te eno godolo mu ebo dao. Eno godolo ebo homu te dagego homu kolesaga te enaba sesemane momainu homu ebao, tama tiyu, te dagego ena bugagia konemainu homu ebo dao,” wali.

Bugagia Bidibo Kolesagade Po Asęai Buku 14:21

Te bidigo gasa bidiba dwai po weyu dolobo bidi da, teda aga te dwai sę dolo ebo bidi mu yali. Tiali goli, te doado bage meni yai bidi dabe te bidigo wiegi yai homu elama, te olo mu tau sabo kolesaga ebo bidi da, te aga wiegi yai homu pemene yao.

Kraisgo Geme Dualali Sę Pedelabo Po Jonbolo Ola Mani 1:5

Tama Jisas Krais me, agai dagebolo te kolesaga si dagebolo momainao, te eno homugo. Aga te Godide homu kęą pai bidi bidiyu, tama agai Godigo po tigidali dolo mu pusali bidi dao. Aga da te isama, tama isali we bidi dabe tomode bidama, tama aga te hasia mu gų pagede ma hodaloali bidi dao. Aga da, te tigidali tǫde bidibo tuni bidigo polalubo genuai bidi dao. Agai da dali dwagi yai homu eyu godolo mu ebo dao, tama aga isaligo dago dwai sę yali sęgę tigidali sela sąwai dao, tama da megi olo bidibo dao.

Matyu 20:28

Te tiwai naga gilama te Godigo Bidi Mu aga te bidi mego tau somainogo me asobeo. Menio. Aga asali te augwali digi tau somainogo asali, tama agai bidibo ulago te we bidi hauwa mu ma abelemainogo asai dao,” Jisasgo te po wai.

Dwagi Yai Gesi Po Lukgo Asęani 10:36

Te Jisasgo te po hanalu wali, “Te bidi sela tomode nago homugo mena bidigo te elali bidi te bidi aga abagi da homu yaliwe?”

Dwagi Yai Gesi Po Lukgo Asęani 10:38

Te Jisas aga wali pabo bidi dabe dali pobadi yaide, be nani me deliba sabolali. Tama tede te we me nogi Martago Jisas asobadi, dwagi yai homu elama, bugagia gesali.