Dwagi Yai Gesi Po Lukgo Asęani 10:32 - Godigo dwagi yai po buku

³² Tama nosali te tųdu naga Livai sibi bidi me deli teba sabolali. Te bidi munalubo sulama, te tų bogo badu me ela solama pali.

Dwagi Yai Gesi Po Lukgo Asęani 10:32 Referans Kwoze

Godigo Sęba Tagala Palai Bidigo Po 18:17

Augwali te be tagalama, buluba soali. Tede augwaligo te Juda dabego bomo yai po ola mabo be tonalubo bidi nogogo tuali. Te bidi nogi Sostenes. Augwaligo te po tų ebo be sesegede te bidi osogo elali. Tiali goli, Galiogo sulama, tama agai te dwai sę ebode moni homu ebe.

Bugagia Bidibo Kolesagade Po Asęai Buku 27:10

Nago naga abagi dabe, me naga we wai sibi te homu gegeda palama, tama augwali tudiba me munamuo. Tama te dwai sę mego nage gegebaso da, teda naga amago nage tau somai da homu elama, te nage digibulu pelama, agaba munu me hanalugi pelamuo. Te nage pąde bidibo bidigo te nage tau sabo usu yaibao.

Godigo Nogi Ugwaba Sabo Tęąbi Po Wabo Buku Dabe 109:25

Te we bidi dabego ena sulama, tama enaba posobo po wabo dao. Tama augwa tobolu bebegelu, tama ena gisugu mobao.

Polgo Si Wali Pas Timotiba Asęani - 2TI 3:2

Te bidi dabe augwa digi te augwa naga godolo elama, tama augwaligo te mone ge godolo mu yaibao. Te augwa digi augwa nogi ugwaba siyu, tama subigila hagoma eyu, tama posobo po waibao. Te meba augwaligo aya idago po sela sąwaibao. Te augwaligo buba hwi po te Godibolo me, te gasa we bidibolo me wagobeo. Augwaligo Godigo kolesaga tudiba muaibao.

Aisaia 58:7

Eno godolo homu ebo kolesaga e tiwai dao. Eno homugo dagego te nasi ebo bidi dabeba nai mao homu ebao. Te magi nai doado bage meni yai bidi te dagego aga piabo be meni yai subo sogo, eno homugo dagego augwali te duga beba odasa pao homu ebao. Te dagego te bidi aga tigi bea sabo ugwa meni yai subaso, te eno homugo dagego augwaliba ugwa maiąo homu yali. Tama eno homugo te duga deli kaneme sibi te augwa sęgę elalubo sogo, te augwali tudiba munamo dao.”

Dwagi Yai Gesi Po Lukgo Asęani 10:31

Tebadi yaide, te pris bidi me deli te tųdu naga pali. Tama agai te elali bidi te tama telalubo sulama, te tų bogo badu bogelama ela soyu pali. Te bidi tau sabeo.

Dwagi Yai Gesi Po Lukgo Asęani 10:33

Tiali goli, Samaria bidi me te tųdu naga asiyu, te bidi suali. Te sulama, tama te boi yai bidi dao, te homu elama, tagalobe, moni homu dene yali.

Godigo Sęba Tagala Palai Bidigo Po 16:28

Tiali goli, Polgo agai moni po mu tama wali, “Naga digi ma elegio,” wali. “Da wi pabeo, da tigidali me bidibao,” wali.