Dwagi Yai Gesi Po Lukgo Asęani 10:15 - Godigo dwagi yai po buku

¹⁵ Tama dage Kaperneam hanude bidibo bage, te dagego homu te dagego nogi te we bidi augwaligo te sigiba dagaluba ugwanu mu holobao, te homu eba, agawe?. Tiali goli, mu menio. Te dage tigi dene ebo dwai sia dabo dedage pageba sąwaibao,” Jisasgo te po wali.

Dwagi Yai Gesi Po Lukgo Asęani 10:15 Referans Kwoze

Matyu 4:13

Tama aga te Nasaret hanude osogo bidama, tama tedu pelama, te Kaperneam buluba pelama bidigi pai. Te Kaperneam hanu te sigi wę sesegede elaluali, te Sebulun bidi hanigo tǫ me te Naptali bidi hanigo tǫ me te tǫ si te badu elalubo dao.

2 Pita 2:4

Magi baso meni. E tiwai dao. Te Godigo ensel mobo bidi dabe augwali mebago polobadu dwai kolesaga yai. Tiali goli Godigo augwali sula tagalobeo. Menio. Agai augwali te sao dedage pagede kalabus elaluyu, tama te sau dedage page dwai be mu hulia side bidibao. Tama megi me augwali te po tų yabo sogo te pedalobo tonaluyu bidibo dao.

Dwagi Yai Gesi Po Lukgo Asęani 13:28

Tama olama, dage tede bidiyu, te polobadu bidali bidi dabe te Abraham me, Aisak me, Jekop me, te Godigo po ola mabo profet bidi dabe me, augwali tigidali Godigo we bidi tonalubo madigi tomode bidibo dagego sueibao. Tiali goli, dage te bulu badu bidaibao. Dage bulu badu bidibaso, dage hwa waibao, duga kele gąųgo ma halua tueibao, te duga sębę ebaso tieibao.

Matyu 11:23

Tama dage Kaperneam hanude bidibo bage, te dagego homu te dagego nogi ugwaba siyu, te sigiba mu, te dagaluba paio, te homu yali. Tiali goli, mu menio. Te dage tigi dene ebo dwai sia dabo dedage pageba sąwaibao. Tama bidi me deli agai bomai sę dabe te eno dagego hanude yali bomai sę dabe tiwai te bomai sę te Sodom hanude egi sogo da, teda megi me te Sodom hanu elalugi dao.

Matyu 10:28

Dagego tigi naga ela mubo bidi dabe te dage wi egio. Augwaligo dagego po wabo mobo noma bidi te dali me ela mugobeo. Menio. Te Godigo dagego tigi me noma bidi dali te genuai dene sabo te siade mu dolobo bomo elalubaso, te dage agade naga wi yao.

Obadia 1:4

Tialima, eno dageba te po obao, dage te ugwadu mu bola soabo ba kemodage tiwai elalubo te tagalao, tama te be ugwadu daide te hǫ tomode sę yani tiwai elalubo, teda eno dage aiyaba mu kekasa dulaibao.”

Esekiel 32:27

Te bidi dabego te ami bidi dabe augwali te dwai bidi dabe pubalobo tiwai tama pubalai dao. Augwaligo te polobadu bidali genuai nogi yai ami bidi dabe pubalobo tiwai kolesagago pubulai menio. Augwaligo te nogi yai polobadu bidali bage pubaluyu, augwaligo augwa bainat augwa tobolu dologode muyu yai dao. Te Mesek me Tubal dabe augwali augwa dagede augwali isalio. Magi baso meni. Te augwali bidibadi, augwaligo te we bidi hauwa wi mu iliyu yai dao,” wali.

Esekiel 32:20

“Tǫde bidio, bainat hwą te Isip tǫde ami bidi dabe polo elabo dola muai elalubao. Augwali isimainu sula tagalama, tama augwali te gasa hani meba te boide isali bage dali bidigi pomainu yao.

Esekiel 32:18

“Tǫde bidi, nago hobedai gela te genuai Isip we bidi hanide wao. Tama nago augwali te meba gasa bomai kantri we bidi dabe bidibo pesageba, te isai bidigo buluba talua sigi pomainu nago tagala palao.

Esekiel 31:18

“‘Te Isip king, aga we bidi umabo mu dali, augwali te ni bǫ sida tiwai dao. Te Iden gide te ni bobobage wiegi yai te ni tiwai me holai menio. Tiali goli, megi da, te ni aga te Iden gide ni tiwai pedelama, tama aga te isibo bidigo buluba aiyaba dulaibao. Tama aga te wiegi yai kolesaga wali pisąbo bidi dabego bidi hani dali bidaibao, me te boi bidi dabego boide elali bidi dabe dali bidaibao, te gų pagede.’ Ena God Genuai Bidi, eno po polo wali dao,” wali.

Esekiel 26:20

Te sogo eno nage te isai bidi dabego bulu pesageba tagala palaibao, tama nage te polobadu bidi dabe dali bidaibao. Te eno nage te tǫ dologode te dolali taun dabe dali sesemane sogo bidimainogo yaibao. Tama nagede te bidi dabe bidimainogo me egobeo. Tama nage te tǫde wiegi yai taun ma pedelama bidainogo ebaso, te usu munu ma egobeo.

Jeremaia 51:53

“Babilon te dagaluba ugwanu dąį mu igulama, te boi hwįbo bomai pesage nigali da, tagalao, eno te nai dabe dolabo bidi augwali tagala palama, te augwaligo aga doligi dao. Ena Genuai Bidi, eno te po wai dao,” wali.

Aisaia 5:14

Megi dage wiegi yai homu elama, gana paide dagego daa hauwa mu te tubao. Tiali goli, mu tama, te gų pagede te kele ą olama, tama te Jerusalem bulu genuai bidi dabe, me olo we bidi dabe dalainu polo no munalubao,” Genuai Bidigo te po wali.

Bomai Po 1:28

Magi baso mu da te buluba pogowe? Da wi ebao. Te bidi dabe, dago te sa sugi pomainu tagala palali bidi dabe, augwali ma aselama, te po wagasali, “Te we bidi augwali boma pai, tama bobobage dili yai we bidi mu, te bulude bidibao.” Augwaligo te po wali. “Te we bidi dabe augwali te masigigo nigai bomai obo tomode bidibo, te dagalu dąį yai obo tomode bidibo. Tama te hanu dabede augwali te moni moni bidi dabe bida bida pabo suali,” te sa sugi pali bidi dabego dabolo te po wai,’ dagego te po wali.”

Tigidali Nai Gagalama Nigali Side 11:4

Tialima, augwaligo te po wai, “Megi da, dago dena genuai hanu me dedeli niginao. Tama te tomode moni bobobage sigi be nigaibao. Tama te be sese holobo te bobage ugwa dagaluba mu usu nigi holaibao. Tama tialima, te we bidi dabego te sę ebo suyu da, teda augwaligo dago nogi ugwaba saibao. Tama tiyu da, da munu me tedela pelama, gasa tǫ pedai badu gasa gasaba me tedela pelama, me bidigi pogobeo,” augwaligo te po wai.

Dwagi Yai Gesi Po Lukgo Asęani 16:23

Aga noma te dene ebo buluba bidigi pali. Tede dene dwasianu meni, moni dene mu eyu bidali. Tama te tiwai bidu, aga gedu ugwaba tonama, Abraham digibulu bidibo suali, te nai meni yai bidi Lasarus aga bogo badu bidibo me suali.