Te Godigo te tobage dwai dwai kolesaga ebo we bidi dabe dali sębę ebo dao. Tama agai te sębę ebo homu haninanigo da, teda dage tigidali bidi dabego gasa bagebolo po ela palobo da, eno dage deli delibolo e po obao, nago te naga yali dwai sę te geme dualobo usu me egobeo. Nago po wei ponainogo yali usu egobeo. Odao, nago gasa bidi dali naga po weyu yali, tama tebo kolesagago nago po nagaba digi te po obao. Magi baso meni, nago gasa bidi agabolo naga “Nago dwai kolesaga yai,” po wai, tiali goli naga digi nago me te tobage dwai kolesaga ebo dao.
Dwagi Yai Gesi Po Lukgo Asęani 10:14 - Godigo dwagi yai po buku14 Tiali goli, te Godigo e tǫde we bidi po tų ilabo bodolu muani sogo pedalubo side, te dageba pedalubo sęgęgo da, te Taia hanu dali me te Saidon te hanu side bidali we bidi dabeba pedalubo sęgę aiyaba elalu, te yalawainu yaibao. Tiali goli, dagebolo da, te genuai sęgę pedelaibao. Gade chapit la |
Dwagi Yai Gesi Po Lukgo Asęani 10:14
10 Referans Kwoze
Mu tama, dage Juda dabe dagego te bomai po elalubao, tama augwaligo dage tigiwali togwai. Tiali goli dagego te bomai po boloyu yai. Tama te Juda hani isąwai bage augwali olo bidibao, augwa tigiwali togosiąwani bidi dabe bidibo dao. Tiali goli augwaligo te Godigo bomai po wali mu pai yaibaso da, teda augwaligo ebo kolesagago dagego kolesaga aiyaba elaluyu tama po dagebolo naga waibao.
Agai te tiwai po obao, “Te haniani we bidi hani hauwa te tigidali tǫde elalubao. Tiali goli, eno dage Israel hani deli naga te ena hani da wainu dąį ilama, dią selama, te eno dage bugagia tonalubao. Tama tialima, eno suali, dagego dwai sę ebo kolesaga te genuai ebaso da, teda eno dagego te dwai sę tigidali wei ponoyu, te dageba dene mabo sę yaibao,” te po obao.
Genuai Bidigo wabo po e dao, “Hauwa sogo te taun Tair we bidi dabego dwai sęgę sabo sę idu geai. Augwaligo tebode dwasianu toma me nabeo. Menio. Augwaligo te Israel we bidi hani me deli sese ela gudulama, te tǫ kantri Idomba kalabus sę emainogo sela palio. Polobadu augwaligo te Israel hani bidi augwali dali te po me deli dąų walama, te augwa hodobo deliba bugagia bidinao wali, tiali goli augwaligo te dąų walali po bolali. Tama tialima, te mu tama, eno te Tair dabeba dwai dene sęgę mabo sę yaibao.
Eno mu po dagebolo obao, te tigidali we bidi po tų ebo bodolu muani sogo, te dagego po odobo hagela yai we bidi augwaligo sabo sęgę te genuai mu saibao, te sęgęgo te hanu si Sodom me Gomora side polobadu bidali dwai dwai kolesaga yali we bidigo sabo sęgę aiyaba elaluaibao,” Jisasgo te po wai.
“Auo, dage Korasin dabe, homu deneo, te dwai dwai sogo dageba pedelaibao. Dage Betsaida hani bage me, homu deneo, te dwai dwai sogo dageba pedelaibao. Tama bidi me deligo bomai sę te hanu si nogi Tair dali Saidon te hanu side te eno dagego e bulude yali sę tiwai egi sogo da, teda te sogo digi polobadu te Tair hanude me Saidon hanu side augwaligo te beg dage te ugwa tiwai gudama, tama augwali te sia nogani kelide dualama, tama te sogo te hani sigo dwai sę yali tagalama, homu begelegi dao.
Piblisite