Dwagi Yai Gesi Po Lukgo Asęani 10:1 - Godigo dwagi yai po buku

¹ Te nosali Genuai Bidigo bidi sese sela olama, me bidi nogo si olama, sągągo si peda sigisu te 72 bidi sa munama, tagala palali. Aga nosali pabo pesage tigidaliba te bidi dabe si si tagala paliyu ela palio.

Dwagi Yai Gesi Po Lukgo Asęani 10:1 Referans Kwoze

Dwagi Yai Gesi Po Lukgo Asęani 9:52

Magi magi nai dabe sisi ela mumainu, po wagi pabo bidi dabe tagala palali. Augwali te Samaria dabego be naniba sabolama, tama augwaligo agai nai me doado bage dodolama, sisi ilainu yalio.

Israel Hanigo Namba 11:16

Tama Genuai Bidigo Mosesbolo e tama po wali, “Nago 70 genuai bidi dabe ena pageba sesao. Tama nago augwali eno ugwa beba odasa aselama, tama augwali nage dali dolalumainao.

Dwagi Yai Gesi Po Lukgo Asęani 1:76

Agai te po me Jonde wali, “Eno ogwa, ‘Nage nosali Moni Godigo po pusa mabo bidi mu dao,’ Godigo te po waibao. Nage bolo polasa paidigi Genuai Bidi nosali asaibao. Nage polasa pelama, aga asobo tų sisi ela muaibao.

Dwagi Yai Gesi Po Lukgo Asęani 1:17

Agai te Godigo po polobadu pusa mawai bidi Elaijago yali sę me, bomo me tigidali selama, Genuai Bidi nosali asaibao obaso, te Jon aga polasa paibao. Agai te aya dabego homu hasegelama, wai bǫų hobede emai yaibao. Me agai te po sela sąbo bidi dabego homu hasegelama, augwali doloba pai bidigo homu somai yaibao. Agai bidi hauwa sisi elama elaludu, Genuai Bidi asabo tonalu mai yaibao. Tama tibaso, te we bidi augwaligo te Jonde bugai homu mu yaibao,” te ensel bidigo te po wali.

Dwagi Yai Gesi Po Lukgo Asęani 7:13

Tama Genuai Bidigo te wilawe we sulama, moni hobede mu eyu, “Gela wagio” wali.

Esekiel 8:11

Te Israel tobolu bidi dabe augwali te 70 bage te be habude bidibo suali, tama Jasania, te Safango ogwa, te augwali bidibo tomode aga deli bidali. Tigidaligo te wiegi yai denami ebo pauda ulubo plet pou tolalubadi, eno suali, te hano ugaba holali. Tama te bidi dabe augwaligo te piksa noma dabeba lotu udalio.

Dwagi Yai Gesi Po Lukgo Asęani 7:19

Tama Jon aga wali bilibo bidi si i wali. Tama te bidi sibolo “Genuai Bidibolo hanalugi pao,” wali, “‘Nage Jongo te nosali asaibao wali bidi dawe, ma gasa bidi me asobo dago tonaluaibawe?’” Jongo tama Jisasbolo wao po wali.