Dwagi Yai Gesi Po Lukgo Asęani 1:79 - Godigo dwagi yai po buku

⁷⁹ Tama te hulide bidalubo bageba ula ilimainu, me isabo pąde elalubo bage me, te bage tau somainu tiwaibao. Agai da te dwagi yai homude bilibo tųdu pabo po agai dabolo mobo ola mawaibao,” Sekaraiago te po wali.

Dwagi Yai Gesi Po Lukgo Asęani 1:79 Referans Kwoze

Aisaia 9:2

Te we bidi augwali moni hulia sai madi bilai goli, megi augwali genuai ula suali. Augwali hulia sai madi bidai goli, megi da, augwaliba genuai ula pedalali.

Matyu 4:16

te tǫ tigidalide bidibo we bidi augwali hulide bidaluali, tama augwaligo te genuai ula nanobo suai dao. Te we bidi augwali te isabo be hulia sai digi bidaluali tama te wiegi yai ula augwaliba pedelai dao.”

Godigo Sęba Tagala Palai Bidigo Po 26:18

Tama nago augwali hulide bidibo pesage tagalama, ulaba kegasa asao. Tama nago augwali hulide bidibo kolesaga tagalama, nago augwali ula buluba kegasa asao. Augwali Satango bomode bidibadi, nago augwali ma sao, augwali God pageba asomainu tama yao. Tama augwaligo homugo ena konealu baso da, te augwaligo dwai kolesaga ebo Godigo tigidali sela sąwaibao, te Godigo sa muai we bidi dali wadolagasaibao,’ agai enabolo te po wai,” Pol agai te po wali.

Efesus 5:8

Te polobadu dage dwai kolesaga ebode biliyu tama dage be hulia side bidibo tiwai yai dao. Tiali goli megi dage te Genuai Bidide wadolama, tama agai dage wiegi yai ulaba munama bidibao. Tama tibaso, dagego wiegi yai kolesaga naga eyu dage te ula yai we bidi tiwai bidiąo.

Aisaia 42:7

Te nago te gedu hwidai bage dabe te ma tonomainu ilaibao. Nago te kalabuside bidibo bidi dabe, me te be hulide bidibo bage me, te magi naigo me tonalusiąma, te olo mu bidimainu ilaibao,” te po wali.

Dwagi Yai Gesi Po Jongo Asęani 12:46

Ena e tǫba asali, te ula tiwai dao. Magi basowe? Tigidali bidi enabolo homu muani bidi augwali te hulide bididali weyu, ena te tǫde ula tiwai asai dao.

Dwagi Yai Gesi Po Jongo Asęani 8:12

Te Jisasgo te Farisi hani bidi augwalibolo nosali te po ma wai, “Ena te tǫde we bidide ula dao. Bidi ena wali asobo bidi aga te bugagia bidabo ula aga selama, e tǫde bidaibao, aga hulide munu me bidigobeo,” wali.

Dwagi Yai Gesi Po Jongo Asęani 9:5

Ena e tǫde bidibo sogo, te ena e tǫde we bidigo ula dao,” Jisasgo aga isabo sogode te po wai.

Godigo Nogi Ugwaba Sabo Tęąbi Po Wabo Buku Dabe 107:14

Genuai Bidigo augwali selama, tama augwali te hulia saide bidali tagalu, tama agai augwaligo te sen togolama, tama augwali te kalabus ma elalubeo.

Godigo Nogi Ugwaba Sabo Tęąbi Po Wabo Buku Dabe 107:10

Meba te be hulia sai madi, te kalabus be tomode bidali. Te bidi dabego augwali te sengo kalabus elama, tama augwaliba te sęgę mawai.

Aisaia 49:9

Te eno te kalabuside bidibo, me be hulia side bidibo bidi dabeba te tiwai po weyu, ‘Asao,’ po waibao. ‘Dage te kalabus tagalama, olo mu bidaibao,’” te po wali. “Tama augwa te kalabus tagalama, augwa tǫba ma asaibao. Te augwali sunumidu pebelayu, me bulu dudu pabode, te augwa tubo nai hauwa elalueibao.

Dwagi Yai Gesi Po Jongo Asęani 1:9

Te ula da te ula mu dao. Tama aga te sogo tǫba dulai, tigidali we bidi ula mawainogo yali.

Godigo Nogi Ugwaba Sabo Tęąbi Po Wabo Buku Dabe 23:4

God, ena te dwai bulu te be hulia sai madi bilibaso da, te tagalao, ena te dwai naide wi me egobeo. Magi baso meni, nage ena dali bidibao. Eno suali, nago te sipsip tonalubo bidigo dono tolasa bilibo suali, tama tibaso, eno homu nagame elama, bidibo dao. Ena me dologobeo.

Dwagi Yai Gesi Po Lukgo Asęani 2:32

Sole ula deli dao, tego deli te Israel hani isąwai we bidibolo ula ola mawaibao. Tama agai moni nogi te Israel hani we bidi dabebolo mawaibao,” Simeongo Jisasde te po wali.

Jeremaia 2:6

Augwaligo ena homu kone me ebeo. Augwaligo te eno augwali tau sali sęde homu kone me ebeo. Eno augwali te tǫ kantri Isipde selama odasa asiyu, augwaligo te genuai olo bulu pesage tǫ nogeai. Te pesagede te olo masigi kemi tǫ elaluali, tama te dwai bulu pesage dabe elalua pai. Te buluba tulubage tulisąwai pesage elaluai, te bidi dolobo pesage elaluali. Te bidi dabe bilisąwai bulu, te bulude bidi bidisąwai bulu dao.

Aisaia 49:6

“Hasiabolo eno nageba te boi bidi dabego ela musiąwai Jekopgo hani dabe ma hodolabo sę mawai. Eno te Israel bage meba hagea sai dao, tama eno nageba te augwali sisinama, enaba odasa asabo sę mawai dao. Tialima, te sę ebogo te nago bomogo dęą me sogobeo. Eno te gasa sę me mawaibao. Eno nage te Israel hani isąwai we bidi hani tigidaligo sole ula tiwai nigaibao. Awe, nago te eno te tigidali bulu tǫ habu we bidi ma dobola sabo sę yaibao,” te po wali.

Aisaia 42:16

Te eno ena we bidi dabe te polobadu augwali bilisąwai sunumidu odasa asaibao. Megi augwali gedu halua sai hulide bidibao, tialima te be hulia sai elalubo te eno sela sąnama, te augwaliba ula mawaibao. Tama eno te dwai pesage elaluali te dodolama, te dolo yai pesage ilama, te augwali bilabo madi tiaibao. Eno te sę dabe te mu pedalumainu yaibao, te eno te sę yaibao wali po tiwai gilama yaibao. Te eno magi nai me delide homu kone ebo me kegeda palogobeo.

Polgo Po Pas Rom Dabeba Asęani 3:17

Augwaligo te gasa bidi dabe dali deli homu elama me bidibeo.

Jeremaia 6:16

Genuai Bidigo aga we bidi dabeba e tama po wai, “Te dagego mena sunumi wali pabo homu ebaso da, te bugagia homu kone palao. Dagego te duga wąį nǫų dabego wali te wiegi yai sunumi gegao. Te dagego me te sunumi wali pobaso, tama te nai dabego dageba sęgę masiąyu, te duga haliga te toma nomainu ilao,” wali. Tialima, te Israel dabego te po wai, “Dago te sunumi wali me pogobeo,” wali.

Aisaia 59:8

Dagego te haliga nagame elama, dua digi bidibo kolesaga konesiąma, te dagego te Genuai Bidigo godolo ebo doloba pai kolesaga me ebeo. Menio. Te dagego kolesaga dabe dolo me isąwai, te bidi dabego dage te bilibo sunumi wali pobaso da, teda augwali te bugagia haliga nagame elama, bidabo pesage me gegelama, bidabo usu me egobeo.

Aisaia 48:22

Genuai Bidigo te tiwai po wali, “Te dwai kolesaga ebo we bidi dabe, te augwa bugagia wiegi yai bidabo sogo me gegegobeo,” te po wai dao.

Godigo Nogi Ugwaba Sabo Tęąbi Po Wabo Buku Dabe 44:19

Tiali goli, nago da te uni hasa dabego pesagede dolomainu ebao. Tama nago da te be hulia sai dwai madi mu te mesegelibo tiwai ebao.

Godigo Nogi Ugwaba Sabo Tęąbi Po Wabo Buku Dabe 25:12

Te Genuai Bidigo po wali mu pabo we bidi, te Godigo augwaliba wiegi yai sunumi ola mayu, tama augwali te sunumidu pomainu tebo dao.

Bugagia Bidibo Kolesagade Po Asęai Buku 3:17

Te wiegi yai homu kolesagago te nage sesemane sogo te nage bugagia wiegi yai haliga ilama, tama homu tegaluama, nage bidibo te wiegi yai mu pedelaibao.

Jopgo Po Asęani Elalubo Buku 10:22

Te bulude tigidali nai dabe dolama, me elalube, subigila mu elalubo. Tama ula mu meni. Magi baso meni. Te bulu huli sesabigo halua sai mu elalubo,” Jopgo te po wai.

Aisaia 48:17

Genuai Bidi, aga te Israelgo Wiegi Yai Doloba Pai Kolesaga Mu Ebo God, aga te dage tudibadu posolalu, te dage tau sabo bidi, agai te tiwai po wali, “Ena Genuai Bidi, te duga God dao. Sesemane sogo eno te doloba pai kolesaga dagego wali peyu, dage bugagia bidimai hagede ola mabo dao.

Bugagia Bidibo Kolesagade Po Asęai Buku 8:20

Sesemane sogo eno te doloba pai kolesaga naga wali peyu, te po tų dolo odobo kolesaga naga wali pabo dao.

Jopgo Po Asęani Elalubo Buku 3:5

Te mu tama, Godigo te ena ame nani sogo mu gegeda pigi sogo da, usu igi dao. Mu da, agai ena ame nani sogo mu hulialugi sogo, tama sisi pǫgo te sogo dagalude hulia selama, te giliga palialugi sogo da, usu igi dao.

Godigo Sęba Tagala Palai Bidigo Po 10:36

Godigo te dwagi yai po da Israel we bidibolo mawai dao. Tama te dwagi yai po page e tiwai da, Jisas Krais da, te tigidali we bidigo Genuai Bidi da. Da tigidaligo aga godolo eyu da, te da dwagi yai homu elama, bugagia bidaibao.