Dwagi Yai Gesi Po Lukgo Asęani 1:76 - Godigo dwagi yai po buku

⁷⁶ Agai te po me Jonde wali, “Eno ogwa, ‘Nage nosali Moni Godigo po pusa mabo bidi mu dao,’ Godigo te po waibao. Nage bolo polasa paidigi Genuai Bidi nosali asaibao. Nage polasa pelama, aga asobo tų sisi ela muaibao.

Dwagi Yai Gesi Po Lukgo Asęani 1:76 Referans Kwoze

Malakai 3:1

Tialima, Tigidali Bomo Elalubo Genuai Bidigo po wei ponoyu, te tiwai wali, “Te eno po pusugi pabo bidi me deli te eno sunumi dodoligi pomainu polasa tagala palaibao. Dagego te Genuai Bidi asobo tonalubao, tialima polo tama aselama, te aga beba bidagasaibao. Dagego te eno po pusagasobo bidi suabo homu ebo wida, te suiąo. Tialima, aga asobo te eno dąų wali kontrak po pusagasaibao,” te po wai dao.

Dwagi Yai Gesi Po Jongo Asęani 1:23

Tama Jongo te po wai, “Te polobadu bidai bidi nogi Aisaia, Godigo po polo ola mani profet bidi, agai te tobage po wai, ‘Bidi me deligo bidi meni yai bulu tomode agai bomonama i weyu, te po obao, “Te Genuai Bidigo asabo tų dodolao.” ’ Te po wabo bidi ena dao,” Jongo te po wai.

Matyu 14:5

Tama Jongo te po obaso, Herotgo Jon ela muabo homu yali goli, aga te Juda we bidi augwalide wi yai. Augwaligo homugo te Jon aga da, te Godigo po pusubo bidi profet da te homu yai dao.

Matyu 3:3

Jon da, te agade Godigo te aga po pusali bidi Aisaia te profetgo pedauwalide wali po usu nani bidi dao. Aisaiago polobadu e po weyu asęani, “Te bidi meni yai bulude bidi me deligo i weyu, bomonama te po obao, ‘Genuai Bidigo asabo tų sisi ilao. Aga tų dabe dodolao,’” te po asęani.

Godigo Sęba Tagala Palai Bidigo Po 16:17

Tama te wegigo agai da dali Pol dali sulama, wali asali. Wali asobadi, agai po bomonama mu wali, agai te po weyu, we bidi dabebolo te po wali, “E bidi dabe te Genuai Bidi Godigo sę ebo bidi dao,” wali. “Augwali asali da, dagebolo Godigo dage ma sabo tų po ola mawai hagede asalio,” te po wai.

Dwagi Yai Gesi Po Lukgo Asęani 1:35

Tama te ensel mobo bidigo po wei ponoyu, te po walio, “Te Godigo Mobo Bidi asama, tama agai bomogo nage mesegalueibao. Tama tibaso, nago tega pabo wai nogi Godigo nogi poaibao, ‘Dwai sę isąbo ogwa dao,’ waibao, ‘Te Godigo Ogwa dao,’ waibao.

Dwagi Yai Gesi Po Lukgo Asęani 1:32

Tama Godigo te po waibao, ‘Aga nogi Genuai Godigo Ogwa dao,’ waibao. Godigo aga genuai bidi nigilaibao, aga nǫų Devitgo yali gilama.

Dwagi Yai Gesi Po Makgo Asęani 11:32

Tama dago te po obadi, ‘Te bidigo nai naga da’ po obaso da, teda te po usu meni yaibao,” wali. Magi baso meni, augwali te we bidide wi yai. Tigidali we bidigo homugo te Jon da, te Godigo po pusubo profet bidi da, te homu yai.

Dwagi Yai Gesi Po Jongo Asęani 3:28

Dagego eno polobadu te wali po odai dao, ‘Ena Godigo sa muyu asaibao wali bidi Krais menio, tiali goli Godigo ena “Polasa aselama, te bidigo asobo tų dodolao,” te po Godigo ena dali wai.’

Dwagi Yai Gesi Po Jongo Asęani 1:27

Te bidi aga ena tudi badu nosali asaibao. Ena digi ena dwagi yai bidi menio. Teyu, eno agai sągą nadoba bono eno pisigagobeo,” Jongo te po augwali dali wai.

Dwagi Yai Gesi Po Lukgo Asęani 6:35

Tegio. Boi bidibolo dwagi yai homu elama, augwalibolo dwagi yai sę iyąo, nai olo menama, wei ma sigimio. Genuai Godigo te agabolo nage usu dao wasiąwai bidi dabebolo me, te dwai sę ebo bidi dabebolo me dwagi yai sę ebo da. Tama tibaso, dagego te sę yalide, dage maiabo nai genuai mu nosali elalubo. Tama dage Genuai Godigo ogwa dabe yaibao.

Matyu 21:26

Tama te po obaso, dago te po waibao, ‘Bidi dabego naga te sę Jonbolo mani’ obaso da, teda da te e bidalubo we bidi wi yaibao. Magi baso meni, tigidali bage augwaligo te Jon aga te Godigo po pusali bidi profet da te homu naga ebo dao,” te po wai.

Matyu 3:11

“Te eno dage olo ąįgo baptais mabo te dage homu begelai elalubo te dąį tiwai dao. Tiali goli ena tudi badu nosali asobo bidi, te agai bomogo eno bomo aiyaba elaluaibao. Ena da, te wiegi yai bidi meni, tama tiyu eno agai sągą nadoba tolabo te usu egobeo. Agai dage te Godigo Tedali Mobo Bidi me te sia dali si dagebolo mawaibao, te baptais mabo sę tiwai.

Malakai 4:5

“Te dwai siago te dwai sę ebo bage dolabo bodolu side te eno side te genuai si ebaso, te we bidi tigidali te wi dwai mu yaibao. Tiali goli, hasia bolo te eno profet Elaija te dageba tagala palama, tama nosali te si pedelaibao,” wai dao.

Godigo Nogi Ugwaba Sabo Tęąbi Po Wabo Buku Dabe 87:5

Te eno Jerusalemba te tama po waibao, ‘Te bulu te tigidali hani we bidigo bulu da.’ “Tama te Ugwadu Mu Bidibo God, aga digi te Jerusalem dodolama, tama bomai mu elaluaibao.