Dwagi Yai Gesi Po Lukgo Asęani 1:7 - Godigo dwagi yai po buku

⁷ Tiali goli augwali si wai menio. Te we Elisabet aga haliga dąų wai. Te Elisabet dali Sekaraia dali augwali si monu dabe mosi dabe eyu, wai ame nabo usu meni yai.

Dwagi Yai Gesi Po Lukgo Asęani 1:7 Referans Kwoze

Hibru 11:11

Tama Sarago me konealubo po Godide dąų olama tama agade tiąluali. Agai wai ame nabo sogo bodolu silai madi, tiali goli agai konealubo po dąų elaluali, tama agai wai ame nabo bomo usu yai. Sarago e tiwai homu yai: ‘Godigo po dąų weyu eno wai ame naibao wai. Tama Godigo mu po naga wabo dao,’ Sarago te homu yai.

1 Samuel 1:2

Elkanago we si sai, te we si nogi Hana me Penina. Peninago wai meba ame nani, tiali goli Hanago wai me ame nabeo.

Tigidali Nai Gagalama Nigali Side 18:11

Abraham de Sara augwali si te monu dabe, mosi dabe yai, tama Sarago te wai ame nabo usu egobeo.

Tigidali Nai Gagalama Nigali Side 25:21

Te Aisakgo wego wai me ame nabeo. Tama tibaso, Aisakgo aga tobade gedu haluasa po weyu, te Yawego aga we tau somainu yai. Yawego te Aisakgo gedu haluasa po wabo odama, tama Rebeka haliga yalio.

Te Israel me Juda Hani Sigo Tuni Bidigo Po Elalubo Buku Si 4:14

Gehasi aselama, Elisabolo te po wagasali, tama Elisago agabolo e tiwai po tama hanalu wali, “Tiali goli, te we aga da dali te dwagi yai kolesaga ebo te magi naigo wei begelaibawe?” Tama Gehasigo te po wai, “Te we agai wai menio, tama aga bidi monu dabe mu yalio.”

Tigidali Nai Gagalama Nigali Side 17:17

Te Abrahamgo God genuai nogi mabo eyu, tama Abraham basi giluama, tama aga gesabi te tǫba mu pogulali. Tama aga gisugu weyu, tama homu yali, ‘Te bidigo kibu be te bidi sese a naga, te 100 kibu be yai elalubadi da, te aga wai ame nabo usu dawe? Tama Sarago kibu be bidi sese me si me si olama, nogo si, te 90 kibu be yai madi, te agai wai ame nabo usu egowe?’

Polgo Po Pas Rom Dabeba Asęani 4:19

Te Abrahamgo kibu be te bidi sese a naga te 100 kibu be pąde elalubadi, tama aga tigi te monu dabe tiwai elalualio. Tama aga we Sarago tigi me te mosi dabe tiwai yalio, augwali sigo wai ame nabo usubeo. Abrahamgo tede te homu yali, tiali goli agai Godigo wali pode konealubo po dąų wali te bomo kimi me isibeo. Te agai konealubo po dąų mu wai dao.

Te Israel me Juda Hani Sigo Tuni Bidigo Po Elalubo Buku Deli 1:1

Megi da, king Devit te monu dabe mu pedelalio, tama sesemane sogo aga tigi te kedau yali. Tama augwaligo te ugwa blanket dabe selama, aga banulani, tiali goli te blanket dabego aga tigi dwasianu posolo me ilibeo. Menio.

Tigidali Nai Gagalama Nigali Side 30:1

Te Reselgo wai me ame nisąbadi te sogo, agai te aga ama Lea dali haliga sębę elama, tama Jekopbolo te po wai, “Nago enabolo wai mao. Te menisiąyu da, teda ena isaibao,” wali.

Dwagi Yai Gesi Po Lukgo Asęani 1:5

Te bidi nogi Herot te Juda bagego gavman tobolu bidi bidibadi, polobadu Israel hani augwa pris bidi me nogi Sekaraia bididualio. Agai hani sibi nogi Abiya sibi da, te hanide pris bidai bidi dao. Te Sekaraiago Aron hani sibi we nogi Elisabet sai. Te Aron hani sibi me te pris sę ebo hani bidi bidai.

Dwagi Yai Gesi Po Lukgo Asęani 1:6

Te bidi Sekaraia dali aga we dali si te God gedude dolasa bidiyu, te God tonaludubadi, te augwali sigo dwai sę me ebeo. Augwa si Godigo bomo yai po tigidali wali pidu digi, te Genuai Bidigo po dabe me tigidali wali palio, tama augwali sigo dwai sę me ebeo.

Dwagi Yai Gesi Po Lukgo Asęani 1:8

Te Sekaraia aga dali deli sę ebo bage sęba asaialio, te Moni Lotu Beba, te Sekaraia aga pągą wali bodolude, te sęde dagalali. Tama tibaso, Sekaraia agai aga pris sę eyu, tama aga te denami yai nai siago ulubo sę egi palio, Godigo gesabidide. Te ebo sę page da, te Godibolo gedu haluasa po pusubo tiwai. Tama tibaso, aga te Moni Lotu Be tempel tomoba pelama, tama te denami yai nai siago uludubadi, we bidi te bulu badu tonaludu, augwaligo Godibolo gedu haluasa po weyu bidali.