Dwagi Yai Gesi Po Lukgo Asęani 1:50 - Godigo dwagi yai po buku

⁵⁰ Te God agai po tų sisu pabo we bidibolo agai olo tau sabo sę me, te iba bidada pabo bidigo ogwago ogwa dabego me, agai po tų sisu pidubaso da, agai tama tede piduabo tolai dao. Agai nogogo bomai sę yai dao.

Dwagi Yai Gesi Po Lukgo Asęani 1:50 Referans Kwoze

Ma Dobola Sali 20:6

Tiali goli, ena godolo homu elama, tama eno bomai po tigidali wali pabo we bidi bidibaso, teda eno augwali me godolo eyu, te augwaligo wai dabe hauwa 1,000 mu nosali pedalobo hani me, te eno augwali dali wiegi yai homu eyu, augwali eno godolo mu yaibao, tama te kolesaga ebo siligobeo.”

Tigidali Nai Gagalama Nigali Side 17:7

Te eno nage dali me, te augwali nosali pedalubo hani dabe dali me, te eno dwagi yai tau sabo bomai po dąų walobao. Ena da, nago God me, te ena nago nosali pedelabo hani wai dabe augwaligo God me dao. Te dąų wali bomai po da, te sesemane bidada pabo sogo elalua piduaibao.

Godigo Nogi Ugwaba Sabo Tęąbi Po Wabo Buku Dabe 145:19

Te agade wi ebo we bidi, te augwali nai meni baso, teda agai augwali nai mabo dao. Tama agai augwali gela wabo odolama, te augwali ma sabo dao.

Godigo Nogi Ugwaba Sabo Tęąbi Po Wabo Buku Dabe 118:4

Te Genuai Bidide wi ebo we bidi tigidali, augwaligo te tiwai po waiyąo, “Agai da sesemane bidada peyu, bidada pabo sogo godolo mu ebo da,” waiyąo.

Godigo Nogi Ugwaba Sabo Tęąbi Po Wabo Buku Dabe 103:11

Aga dali wi ebo we bidi, agai augwali godolo mu ebo dao. Agai genuai godolo ebo homu augwali dali ebao, te dagadu digibulu ugwaba mu elaluyu, tǫ aiyadu mu elalubo tiwai dao.

Godigo Nogi Ugwaba Sabo Tęąbi Po Wabo Buku Dabe 31:19

Nago te nage dologode bidibo we bidi olo tau sabo wiegi yai kolesaga hauwa tolalubo dao. Nago te nageba konealubo homu dąų wabo we bidi bugagia tonalubo dao. Nago te augwali tau sabo te tigidali we bidi gedude umabo mu ebo dao.

Godigo Nogi Ugwaba Sabo Tęąbi Po Wabo Buku Dabe 115:13

Genuai Bidigo te agade wi ebo we bidi bugagia wiegi yai ilaibao, te nogi yai we bidi, me te nogi meni yai we bidi dabeba, te tama tiwai sę yaibao.

Kraisgo Geme Dualali Sę Pedelabo Po Jonbolo Ola Mani 19:5

Tama Godigo te tuni bidi dulalubo te naidu i ola asiyu te po wali, “Dage Godigo sę bidi dabe, dage God dali wi ebo we bidi dali, te dage olo bidi me, te dage nogi yai bidi me, te dage tigidaligo Godigo nogi ugwaba sao,” te po wai.

Godigo Nogi Ugwaba Sabo Tęąbi Po Wabo Buku Dabe 147:11

Menio, agai te wiegi yai pemene te agade wi ebo we bidiba yaibao, tama te agai da sesemane godolo ebo dao homu eyu, agaba homu kęą pabo we bidi dabede, te agai augwalide dwagi yai homu ebo dao.

Godigo Nogi Ugwaba Sabo Tęąbi Po Wabo Buku Dabe 85:9

Mu tama, agai te agaba lotu weyu, agai homu wali pabo we bidi dabe ma sainu te sisi yalio. Tama agai da ma selama, tama aga digi da dali dago tǫde bidaibao.

Dwagi Yai Gesi Po Lukgo Asęani 1:49

Moni Bomai Godigo enabolo te genuai sę yali pode te obe dao. Agai nogi gasagi yai mu tedali dao.

Te Israel me Juda Hani Sigo Tuni Bidigo Po Elalubo Buku Si 17:39

Menio. Dagego ena Genuai Bidi duga God deliba naga lotu po wao, tama ena dologode naga bidaluao,” wali. “Tialima, dagego tama teyu da, teda te eno dage tau saibao, tama eno dage te boi bidigo nogode ma dobola saibao,” wali.