Dwagi Yai Gesi Po Lukgo Asęani 1:31 - Godigo dwagi yai po buku

³¹ Edao! Nage haliga yaibao. Nage haliga elama, ogwa tega paibao. Te ogwa nogi nago Jisas poao. Aga genuai bidi bidaibao.

Dwagi Yai Gesi Po Lukgo Asęani 1:31 Referans Kwoze

Aisaia 7:14

Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

Matyu 1:21

Te agai te wai ogwa ame naibao, tama nago aga nogi Jisas poao. Magi baso meni, agai te we bidi augwaligo sęgę elalubo sela sąnama tama augwali ma saibao,” te po wali.

Matyu 1:25

Tiali goli te wai ame nisiąbadi agai aga te we dali me pibe, tama aga te wego wai ogwa ame nabo te sogo pedelai. Tama agai te wai aga nogi Jisas poai.

Dwagi Yai Gesi Po Lukgo Asęani 2:21

Te Sarere deli bidama, nosali augwaligo te wai tigiwali togolama, aga nogi Jisas polali. Te wai aga idago tabide menibadi, hasia te enselgo te nogi ola mawai.

Matyu 1:23

“Odao, wegi me deli te bidi dali me pisąwai, te wegi aga haliga elama, te wai ogwa ame naibao. Tama augwaligo te wai nogi Emanuel nogi yaibao,” te po wai. Tama te nogi page e tiwai dao, God aga da dali bidibao.

Galesia 4:4

Tialima, te Godigo bodolu mani sabolobo side, agai aga ogwa e tǫba tagala palai. Tagala palama, tama e tǫde wego aga ame nai, tama aga e tǫde bidibadi aga te Juda dabego bomo yai po dologode bididubadi yai.

Dwagi Yai Gesi Po Lukgo Asęani 1:13

Tiali goli, te enselgo agabolo te po wali, “Sekaraia, nage wi tagalao. Te Godigo nago agabolo hanalu wali po odalio. Naga we Elisabetgo nago ogwa me deli ame naibao.

Dwagi Yai Gesi Po Lukgo Asęani 1:27

Gesi wegi me te bidi Josepbolo noma po wai, te wegi nogi Maria dao, “Te wegi pageba po pusigi pao,” te Godigo te enselbolo te tama po wali.

Bugagia Bidibo Kolesagade Po Asęai Buku 23:25

Nago te wiegi yai kolesaga wali pali da, teda naga aya ida dede te wiegi yai haliga mu yaibao. Awe, te nage ame nani idago wiegi yai homu pemene yaibao. (17)

Dwagi Yai Gesi Po Lukgo Asęani 20:44

Tama te po tomode Devit aga digi aga te Krais, te nosali asabo bidi, te bidide ‘Eno Genuai Bidi’ wali. Tama tibaso, Krais te Devitgo ogwa naga te menio, te agai genuai bidi mu dao,” Jisasgo te po wai.