Te wiegi yai po te Jerusalem we bidi dabeba mao,” wali. “Augwaliba te tiwai po wao, te augwali kalabus bidali sogo te silalio. Ena Genuai Bidi, eno te augwaliba te augwa yali dwai sęde wei ponoma, te dwai dene mawai dao. Awe, eno augwaligo yali dwai sę dolo usu nama, tama te tiwai si naga te dene mawai dao. Tama tialima, megi da, eno augwaligo dwai sęgę tigidali sela sąwai dao.”
Te We Bidi Dabego Jerusalem Hagede Gela Wali 4:22 - Godigo dwagi yai po buku22 Saion, nago sęgę saibaso, Genuai Bidigo nago sęgę wei ponani dao. Tialima, agai nago kalabus yali silaibao. Te nago we bidi kalabus yali pįsigina sąwaibao. Tiali goli, Idom, Genuai Bidigo nago yali dwai sęde sali sęgę haninaibao, tama agai nage me dene mawaibao, te sęgę wei ponoyu. Gade chapit la |
Te We Bidi Dabego Jerusalem Hagede Gela Wali 4:22
17 Referans Kwoze
“Te ena Genuai Bidi, eno te po obao, te sogo eno te dwasianu hani Israelgo sęgę sela sąyu, te augwali bugagia bidimainogo yaibao. Tama me, eno te Judago yali dwai sę sese sela sąwaibao. Tama te dwai sęgę ma dwai sę te augwalide me elalugobeo. Te bidi dabego augwali hani siba po kisilama obaso da, te usu me egobeo,” Genuai Bidigo te po wai.
Te Idom dabego te po weyu, “Te dago taun dabe dolalio, tiali goli te dago ma nigaibao,” wabo. Tialima Genuai Bidigo augwaliba te tiwai po wei ponaibao, “Duga ma da nigaibao, tiali goli te eno augwali ma aluama dolaibao,” wali. “Te gasa hani dabego te Idom dabe nogi te tiwai nogi yaibao, ‘Te dwai hani bage dao, te Genuai Bidigo sesemane sogo augwaliba wado po weyu, haliga sębę ebo hani bage dao,’ te po waibao,” wali.
Kantri Idom, megi nage Usgo tǫde bidibao. Megi da, nage gisugu dwai olama, tama nage Saion dolaibaso, wiegi yai homu pemene megi yao. Genuai Bidigo sębę te wain wę kapu deli tiwai dao. Tama agai te Saiongo te kapude tumainu ilalio. Tiali goli, agai nagebolo nosali me maiwaibao. Tama nage dolama mu polaibao. Tama nago naga tigide ugwa peda sąnama, tama nage hale genuai mu yaibao.
Te Jerusalem dabe, eno we bidi, augwaligo dwai sę yalide sali sęgęgo te Sodom we bidigo sęgę edelalio. Tama tibaso, Genuai Bidigo Jerusalem dabebolo dene genuai mu te mani dao. Tiali goli, Genuai Bidigo te Sodom dabe dolali sogo da, te taun agai deli sogo mu tama te taun dolai dao. Tama te boi bidi dabego megi te Jerusalem dabe dali ebo tiwai te Sodom dabe dali yai menio.
Te eno gesi noma dąų wabo bomo yai po te augwaliba yaibao. Tama te dąų wali bomo yai po sesemane elalueibao. Eno te augwali wiegi yai bugagia ilibo kolesaga me tagalogobe po dąų walaibao. Te eno wiegi yai homu kolesaga augwaliba menama, te augwali ena dologode bidiyu, te augwaligo ena munu ma tagalogobeo.
Te nago tonalubo tigidali tǫ habu badu te bidi dabe munu me ma hwįgobeo. Awe, nago tǫde me te doado bage alubo kilikili me egobeo. Te nago genuai obo nogi te tiwai elalueibao, ‘Genuai Bidigo aga we bidi dabe ma salio,’ waibao. Te nago genuai sunumide te tiwai nogi elalueibao, ‘Genuai Nogi Mao,’” wai.
Jerusalem, nage te God aga da olama, sa muani hanu, nage hogodao. Nage hogodama, bomonama dolugulao. Nago au dobage te gasa sawi yai sawi yai munama, te nage tonobo gasagi me mu yaibao. Te Godigo po odisąbo bidi dabe, me te God gedude wiegi yai isąbo hani bidi dabe, te augwali nage tomoba me asogobeo.
Tialima, eno te Isogo wąį nǫų hani dabeba dwai dene mabo sogo, eno dagego nai doado bage tigidali dolaibao. Eno dagego geme duala sabo pesage tigidali dolama, te dage geme ma duala sogobeo. Te dage Idom badi, te dage pąde bidibo hani dabe, dage tigidali dolaibao. Tama te Idom hani tigidali mu silaibao.
Te tigidali isimainu yaibao. Te boi bidi dabego augwali ela muagasaibao. Tiali goli, te me badu digibulu bidali da, augwali te gasi selama isaibao. Te we bidi me badu bidalubadi yai baso da, te augwali me te nai mu sǫą pelama, te nasi elama isaibao. Te tebo kolesaga ebogo te eno haliga sębę yali mu usu naibao.
Piblisite