Te We Bidi Dabego Jerusalem Hagede Gela Wali 3:66 - Godigo dwagi yai po buku

⁶⁶ Nago augwali dali sębę elama, tama augwali sese pobeasa pelama, tama augwali sese tama mu silao, te augwali e tǫde deli me bidigobeo.

Te We Bidi Dabego Jerusalem Hagede Gela Wali 3:66 Referans Kwoze

Godigo Nogi Ugwaba Sabo Tęąbi Po Wabo Buku Dabe 8:3

Te eno nago nogogo nigali dagalu subo sogo, tama eno te poluaba me, te tigidali hǫ te nago ugwade muani tonono ebo sogo,

Te We Bidi Dabego Jerusalem Hagede Gela Wali 3:43

Nago da dali sębę dwai mu elama, tama nago da dali hobede me yai menio. Menio. Nago da pobeasa pelama, tama nago da elama, isilai dao.

Jeremaia 10:11

Dage Israel, dagego te Genuai Bidigo po odisąbo bidi hani augwaliba te tiwai po wao, “Te dagego godigo te tǫ me dagalu nigibeo, tama te god dabe dolobaso da, te munu ma tǫde me dagalu dologode me bidigobeo,” te po wao.

Bomai Po 25:19

Tama tialima, Godigo te bulu dagebolo mabo sogo tama bugagia bagulama, tama boi bidi dabe pąde bidalubo bagego dage me dologobeo. Teda dagego Amalek dabe tigidali elama isilao. Tama tilama da, te bidi dabego augwali kone me egobeo. Dagego te tama tiyąo. Dagego munu me gegeda pelamo dao,” Mosesgo te Israel dabebolo te po wai.

Aisaia 66:1

Genuai Bidigo te po wai, “Dagalu da, te ena dugabo sia king tiwai elalu, te tǫ eno sągą ugwadu mubo pesage dao. Tega. Te dagego eno be sę ebo usugowe? Te mena badu ena toma nabo pesage elalueibawe?

Godigo Nogi Ugwaba Sabo Tęąbi Po Wabo Buku Dabe 115:16

Dagalu te Godigo pesage naga elalubao, tama agai te tǫ da we bidiba mawai dao.

Godigo Nogi Ugwaba Sabo Tęąbi Po Wabo Buku Dabe 73:15

Eno te bidi dwai dabego wabo po tiwai, te nago we bidi dabeba wagi da, teda eno augwali tibo po ola mayu, te augwali homu puna palagi dao.

Godigo Nogi Ugwaba Sabo Tęąbi Po Wabo Buku Dabe 35:6

Te nago enselgo te augwali pobeasa pelama, tama augwaligo sunumi te hulia selama, tama dwai bedege mu pedalumainu ilao.

Te Israel me Juda Hani Sigo Tuni Bidigo Po Elalubo Buku Si 14:27

Tama te Genuai Bidigo te Israel hani augwali mu silaibao po me wai menio, tama augwaligo nogi me tigidali silaibao po me wai menio. Tama teyu, agai te king Jeroboam dąį ilali, Jeroboam aga te Jehoasgo ogwa da, te bidigo bomo elama, te Israel hani te boi bidigo nogode augwali ma somainogo dąį ilai.

Bomai Po 29:20

Godigo te tama bidi dabego sęgę munu me sela sągobeo. Tiali goli, God sębę mu elama, tama isi delama, posolo genuai mu ebo tiwai mu yaibao. Tama te dwai sę dabe te bukude wali te dwai sę dabe te bidi tigide pedalaibao, te sę tama ela ela pidubadi, te Genuai Bidigo aga dolama, silibo siba usu nigi paibao.

Bomai Po 7:24

Tama agai augwaligo tuni bidi dabe dagego nogoba muaibao. Tama dagego augwali ela muaibao. Tama nosali te bidi dabego augwali me kone me egobeo, gegeda mu paibao. Tama dage paliabo bidi meni yaibao. Menio. Dagego augwali sese ela isila silaibao.

Godigo Nogi Ugwaba Sabo Tęąbi Po Wabo Buku Dabe 35:5

Genuai Bidi, nago enselgo te dwai bidi dabe sela sąmainu ilao, te waligo te nosa kakali sela sąbo tiwai yao.

Jeremaia 15:15

Te ena Jeremaia, eno te tiwai po obao, “Genuai Bidi, nago eno sęgę koneanio. Te nago enade homu kone palama, te nago ena tau sao. Tama nago ena te dolobo bidi dabeba dwai dene sabo wei ponao. Tiyu, nago te boi bidi dabede dua nagame yai sę ebaso, te augwaligo ena ela muidalio. Nago koneani, eno nago sę ebaso, te augwaligo enaba dwai po wabo dao.

Hosea 8:3

Tiali goli, menio. Augwaligo te wiegi yai doloba pai kolesaga tagalubaso, te boi bidi dabego augwali pobeasa bilaibao,” wai.