Te We Bidi Dabego Jerusalem Hagede Gela Wali 3:59 - Godigo dwagi yai po buku

⁵⁹ Genuai Bidi, nago te bidi dabego ena dolobo sę ebo nago suai dao. Tama tibaso, nago augwaliba po tų elama, nago ena tau selama, te bage augwali aiyaba elalubo sę yao.

Te We Bidi Dabego Jerusalem Hagede Gela Wali 3:59 Referans Kwoze

Godigo Nogi Ugwaba Sabo Tęąbi Po Wabo Buku Dabe 43:1

God, te bidi dabego nage tudiba muyu, te augwaligo ena aiyaba elaluainu homu ebao. Nago ena tau selama, tama augwaligo te dwai po wabo togolama, tama augwaliba eno ebo wiegi yai kolesaga naga ola mao. Augwali te tibo po wabo bidi dabe da, tama augwaligo kolesaga te dolo me isąwai. Nago ena tau selama, tama augwali nogode ena ma dobola sali.

1 Pita 2:23

Augwaligo aga dali dwai dwai po wabo si agai augwali dali dwai po wei ponobe, sagia sai. Tama augwaligo aga dene maidu gebo si, agai te boi bidi homu eyu, po wei munu me ponobeo. Woo. Te menio. Aga te homu yali, ‘God agai te augwaligo ena dali yali sęde te po tų dolo mu yaibao,’ te homu yai. Tama te homu eyu, agai te po tų yabo sę Godigo nogoba maidu geai.

Godigo Nogi Ugwaba Sabo Tęąbi Po Wabo Buku Dabe 35:1

Genuai Bidi, nago te ena dali wado yainu elalubo bidi dabeba te nago wado ilao. Te ena dali hwįbo bidi dabe dali te nago hwįao.

Godigo Nogi Ugwaba Sabo Tęąbi Po Wabo Buku Dabe 26:1

Genuai Bidi, nago ena doloba pai bidi nogi yao. Magi baso meni, eno te doloba pai kolesaga yali, tama eno konealubo homu nageba tigidali muani.

Godigo Nogi Ugwaba Sabo Tęąbi Po Wabo Buku Dabe 9:4

Nage te jas tiwai te siade dulalu, tama nago te doloba pai po tų ebao. Nago eno kolesaga osola suyu, dagalali, te nago suali, eno magi sę me deli ebeo.

Tigidali Nai Gagalama Nigali Side 31:42

Tama eno ayago aya Abrahamgo God, te Bidi Wi Ilibo Godibolo te Aisakgo lotu po wabo God, te ena dali me bidigi menigi sogo da, teda nago ena olo ma tagala paligi dao. Tiali goli, Godigo eno homu sęgę ebo, me te eno ebo sę dabe suali, tama tiyu, hulide te aga digi te po bomonama, nage dali te po wali,” Jekopgo te po Labanbolo wai.

Godigo Nogi Ugwaba Sabo Tęąbi Po Wabo Buku Dabe 35:23

Nage God, me eno Genuai Bidi, nage hogodama, te ena tau sagasao. Nago ena hasegelama, tama ena tau sabo po hanilama pusao.

Jeremaia 15:10

Ena Jeremaia, eno te po wai, hobede mu da, magi baso idago ena ame nenama, te eno wado ebo sę, me po konila te tǫ kantri tigidali bidi odubawe? Eno gasa bidide negeli me elalusiąyu, tama te bidi dabego me enaba negeli mawai me elalubeo. Tialima, tigidaligo te po weyu, te Genuai Bidigo ena dolomainao wabo dao.

Tigidali Nai Gagalama Nigali Side 30:6

Tama Reselgo te po wai, “Godigo ena dagala sulama, tama agai eno gedu haluasa po wabo odama, tama agai ogwa wai me deli enabolo manio,” wali. Tialima, Reselgo te wai nogi Dan poai.

Godigo Nogi Ugwaba Sabo Tęąbi Po Wabo Buku Dabe 10:14

Tiali goli, menio. God, nago te dwai sę ebo bidi dabego kolesaga subo dao. Tama da gasa we bidi dabeba te sęgę me dene mabo, te nago koneani, tama nago da tau sainu sisi yai. Te bomo meni yai bidi aga digi te nage nogoba muani, magi baso meni, te sesemane sogo nago te magi nai meni yai bidi tau sabo dao.

Te We Bidi Dabego Jerusalem Hagede Gela Wali 3:60

Genuai Bidi, nago koneani, augwaligo ena dali boi bidi homu genuai mu ebao. Augwaligo ena dali haniani dwai kolesaga geme yabo homu hauwa ebao, tama me augwaligo ena dali dwai po te obao.