Te We Bidi Dabego Jerusalem Hagede Gela Wali 3:56 - Godigo dwagi yai po buku

⁵⁶ Eno e tama po olama, i wali, “O Genuai Bidi, nago eno gela wabo odao, nago olo pania sigio,” wali. Tama nago eno te i wabo po odai dao.

Te We Bidi Dabego Jerusalem Hagede Gela Wali 3:56 Referans Kwoze

Godigo Nogi Ugwaba Sabo Tęąbi Po Wabo Buku Dabe 55:1

God, nago eno gedu haluasa po wabo odao. Nago eno gela wabode olo me pania sigio.

Jopgo Po Asęani Elalubo Buku 34:28

Augwaligo nai meni yai bidi dabe dali dwai kolesaga yali, tama te bagego Godibolo i wali. Tama Godigo augwaligo i odali.

Polgo Po Pas Rom Dabeba Asęani 8:26

Te bugagia tonalubo kolesagago da tau sabo dao. Te tebo kolesagade me te Godigo Tedali Mobo Bidigo te da bomo meni yai bidi me tau sabo dao. E tiwai dao, dago te God dali gedu haluasa po wabo tų te kuna gisiga konebo menio. Tiali goli Godigo Mobo Bidigo digi da tau siyu, Godibolo gedu haluasa po wabo dao. Agai homude bomo eyu tama te hę wabo tiwai eyu, te pusisąbo pogo agai Godibolo te po wabo dao.

Aisaia 38:5

“Nago Hesekiabolo te tiwai po wagi pao, ena Genuai Bidi, te aga bulai wai Devitgo God, eno agai gedu haluasa po wali odolama, te aga gela genuagia wabo sualio. Tama tialima, eno aga te kibu be nogo si olama, sągągo a naga bidimainu yaibao wai dao.

Godigo Nogi Ugwaba Sabo Tęąbi Po Wabo Buku Dabe 34:6

Te sęgę elalubo bidi dabego te Genuai Bidiba gedu haluasa po obaso, tama agai te augwaligo gedu haluasa po wabo odolama, tama augwa te tigidali sęgęde te augwali tau sali.

Godigo Nogi Ugwaba Sabo Tęąbi Po Wabo Buku Dabe 66:19

Tiali goli, Godigo eno wabo po odalio. Mu tama, agai eno gedu haluasa po wali odai dao.

Godigo Nogi Ugwaba Sabo Tęąbi Po Wabo Buku Dabe 3:4

Eno te Genuai Bidiba i weyu, te ena tau somainu ebao. Aga te aga wiegi yai tedali gasagi yai bulu dude digi bidiyu, tama eno i wabo odoyu, tau sali.

Tuni Bidi Dabego Po Elalubo Buku Si 33:19

Tama king Manasego meba po dabe te gasa buku mede elalubao. Augwaligo te Profet Dabego Po Bukude elalubao. Te bukude agai dwai dwai sę dabe yali te po dabe me pusuyu, me agai Genuai Bidibolo tudi ola mani po dabe me pusa elalubao, tama te bukude te lotu wali pesage po, me te tibo godiba lotu wali pesage, me god we Asera piksa noma, me agai nogogo nigali tibo god piksa dabe po me tede elalubao. Te aga digi tibo god nigilama lotu weyu yali po me te Profet Dabego Po Bukude te elalubao. Tama te bukugo agai homu begelama, tama aga digi aga aiyaba elaluali po me tede te bukude pusai dao. Tama me agai Godibolo gedu haluasa po obaso tama Godigo agai gedu haluasa po odali po dabe pusali po me te elalubao.

Tuni Bidi Dabego Po Elalubo Buku Si 33:13

Tama Godibolo aga tau somainogo hanalu wali, tama Godigo Manasego gedu haluasa po wabo odama, aga tau selama, tama aga Jerusalemba ma pelama, tama aga te kantri ma tonalumainu sula tagalali. Tama megi da Manasego koneani, Genuai Bidi deli naga te God mu dao homu yali.

Godigo Nogi Ugwaba Sabo Tęąbi Po Wabo Buku Dabe 5:2

Nage king me eno God da, te nago ena tau somainu, eno nageba gedu haluasa po obaso, nago eno i wabo odao.

Godigo Nogi Ugwaba Sabo Tęąbi Po Wabo Buku Dabe 5:3

Genuai Bidi, te tigidali sogo kigamude nago te eno gedu haluasa po odobo dao. Te giliga pedalubode eno nageba bomonama, gedu haluasa po obao, te ena ofa ebo tiwai. Tama eno te gedu haluasa po wali wei ponobo te nageba tonalubo dao.

Godigo Nogi Ugwaba Sabo Tęąbi Po Wabo Buku Dabe 55:2

Ae, nago eno gedu haluasa po bugagia odolama, tama enaba po wei ponao. Te sęgęgo ena mu dolainu ebo dao.

Godigo Nogi Ugwaba Sabo Tęąbi Po Wabo Buku Dabe 55:18

Te bidi hauwago ena dali hwįbao. Tiali goli, ena me dolobeo. Magi baso meni, Godigo ena tonaluyu, tama ena ma odasa asaibao.

Daniel 9:17

God, te eno gedu haluasa po me hanalubo po odao. Eno homugo te naga genuai nogide homu kone palama, tama te augwaligo dolali be te nago ma dodolabo homu yao.