Te We Bidi Dabego Jerusalem Hagede Gela Wali 3:50 - Godigo dwagi yai po buku

⁵⁰ Ena gela odubadi, te Genuai Bidigo aba tonama, tama da homu kone eboba usu naibao.

Te We Bidi Dabego Jerusalem Hagede Gela Wali 3:50 Referans Kwoze

Aisaia 63:15

Genuai Bidi, nage te naga bulu pesage dagalude bidibao, te tedali gasagi yai mu dao, te bulu pesagede te nago genuai ula me bomo pągąnalubao. Tiali goli, te nago aiyaba tonoyu, te da suao. Magi baso nage hogodama, te nago genuai bomo daba waselisąma ebawe? Nago homu dene eyu, olo tau sabo wiegi yai kolesaga te dabolo me ola mabeo. Te nago da godolo homu me isiąyu ebo da, agawe?

Te We Bidi Dabego Jerusalem Hagede Gela Wali 5:1

Genuai Bidi, nago dabolo te dwai nai pedelali kone elama, tama nago da hobede yagameo. Suao, da dolama mu bidiyu, tama da meba we bidi hanigo gedude da hale dwai mu te ebao.

Te We Bidi Dabego Jerusalem Hagede Gela Wali 2:20

Jerusalemgo e tama gedu haluasa po wali, “Genuai Bidi, nago te naga hani digi muba te yali te dene mabo sę suao. Te we dabe sibi augwaligo augwa wai bǫų dabe godolo mu eyu, negeyu yai dao. Tiali goli, megi da, augwaligo augwa te wai bǫų dabego tigi tubao. Tama te boi bidi dabe augwali naga digi tempel be tomoba pelama, tama tede augwaligo naga pris dabe, me profet bidi dabe, ela silali dao.

Aisaia 64:1

O Genuai Bidi, dago homugo nage te dagalu buga sąnama, dulao homu ebao, te bulu du dabe nage asobo sogo dwai midigi mu saibao.

Te We Bidi Dabego Jerusalem Hagede Gela Wali 3:51

Eno ena taun we dabe augwali dwai mu bidibo suali. Tialima, ena homu sęgę genuai mu ebao.