Biblia Todo Logo
Bib sou entènèt

- Piblisite -




Te We Bidi Dabego Jerusalem Hagede Gela Wali 3:48 - Godigo dwagi yai po buku

48 Eno te hobedai we bidi dolama elalubo sulama, tama ena hobede mu elama, tama ena gela waligo gela ųga tǫba tulalubo dao.

Gade chapit la Kopi




Te We Bidi Dabego Jerusalem Hagede Gela Wali 3:48
11 Referans Kwoze  

Eno te Jerusalemde pedelali nai dabe homu kone palama, tama ena gela waligo eno gedu dene mu ebao. Eno te hobedai we bidi dolama elalubo sulama, ena gasa homu dwai mu ebo dao. Eno homu dene dwai mu yalio. Magi baso meni, eno suali, te nai tusiąwai wai puluba dali, wai bǫų dabe dali suali. Augwaligo bomo kimi meniama, tama didibili elama, te Jerusalem sunumi dabede tuloluama, munalua pabo sualio.


Idao! Te eno tobolu te ulu wę me deli tiwai elaluyu, tama te eno gedu sidu te ąį hauwa geligi da, teda eno homu dene dwai mu eyu, gela wabo usu igi da. Te eno giligade me hulide gela udigi da, magi baso meni, te boi bidi dabego te eno hanigo we bidi dabe ela muai dao.


Te nago we bidi augwaligo Genuai Bidigo augwali tau somainogo hwą te waiyąo. Hobedai, Jerusalem, nage hulide me giligade gela genina mu elama, tama nago gela uga te ąį sabo tulubo tiwai emainao. Nage hodo me doligio. Nage gela wabo sę naga idu geao.


Te tialigo eno gela uga selama, aiyaba dulumainu ilali. Tama ena dali hobede elama, tama ena ma dili ilabo bidi menio. Te boi bidi dabego ena aiyaba polo elaluai madi. Tama tibaso, eno wai puluba augwali dodolama mu bidibao,” Jerusalemgo te po obao.


Tialima, te dagego po odisąma, te dagego hagoma idubaso da, teda te boi bidi dabego dage Genuai Bidigo we bidi sagaselama, te gasa tǫ kantriba kalabus mugi paibao. Tama tibaso, ena Jeremaia, te enaduba bididu, te dagede gela wedu gedubadi, te eno gedude gela guai gealuama, te eno gesabidiba dualibao wali.


Tialima, te we bidi dabego te tiwai po wali, “Awe, te augwali polo asesą aselama, te daba hobede ebo tęąbi wagasomainao, te da gela umagia weyu, te dago gedude gela guai tulaluyu, te dago gesabidiba dulumainu yaibao,” te po wali.


Eno haliga dwai mu ebao. Eno te genuai dene tologobeo. Agai ena aiyaba mu elalubao, te eno homu kolesaga tigidali me dologobeo. Eno pedauwali me pania sogobeo, magi baso meni, eno odali, te ami bidi dabego te bu wabo biugel bu weyu, te i bomonama wabo odobao.


Eno gela hauwa weyu, tama eno gedu ąį gela gigua umagi mu yaibao, magi baso meni, te bidi dabe augwaligo nago bomo yai po wali pisąbaso, te ena gela wabo dao.


Da te Babilon dabego wę sesegede bidalu, tama dago te Saionba homu kone palubao. Tama tiyu, da gela udubao.


“Tama Jeremaia, eno homugo te nago naga po digi te we bidi dabeba pusao. Nago te tama po wao, ‘Ena Jeremaia, te ena gela umabo mu udubadi gęyu, te eno gedudu gela guwa gealudaibao. Eno te tebo kolesaga te ulade me, hulide me, tagalogobeo, magi baso meni, te boi bidi dabego eno we bidi dabe dwagilama mu eliyu, te we bidi hobedagia mu dolali.


Swiv nou:

Piblisite


Piblisite