Te We Bidi Dabego Jerusalem Hagede Gela Wali 3:40 - Godigo dwagi yai po buku

⁴⁰ Dago dena kolesaga, me dena bilibo kolesaga dagalama, bugagia suao. Tama dago dwai kolesaga tagalama, tama da Godiba ma aselainao.

Te We Bidi Dabego Jerusalem Hagede Gela Wali 3:40 Referans Kwoze

2 Korin 13:5

Dagego sesemane sogo duga digi duga homu usu sela suyu, te duga homu tigidali Kraisba munama agaba homu tialubowe, ma meni yani, te bugagia koneao. Duga digi duga dagalao. Te bidi Jisas Krais dagego homude bidibo te dagego konebewe? Te meni wida, teda dage usu selama, te usu niba kadu wabeo.

Godigo Nogi Ugwaba Sabo Tęąbi Po Wabo Buku Dabe 119:59

Eno te ena bilibo kolesagade homugo kone palama, tama megi da, eno po nage dali dąų weyu, tama ena nago po wali paibao.

Godigo Nogi Ugwaba Sabo Tęąbi Po Wabo Buku Dabe 4:4

Dage te Godide wi elama, tama te dwai sę ebo kolesaga tagaliąo. Te dage betde godege pibo sogo, dagego tede bugagia kone paliyu, tama pedauwali pania siąo.

Aisaia 55:7

Te dwai kolesaga ebo we bidi dabego te augwa ebo dwai kolesaga tagalama, tama augwa te kolesaga me yabo homu kone me paligio. Te augwali augwa Genuai Bidiba ma asiąo. Agai te agaba ma asobo bidi dabeba te olo mu tau mabo wiegi yai kolesaga umabo mu yaibao. Awe, Godigo augwaligo dwai sęgę tigidali mu sela sąwaibao.

Hosea 6:1

Te Israel we bidi dabe augwaligo te e tama po wai, “Iya, tegoba, da te Genuai Bidiba ma pinao. Agai da dolali, tiali goli, te agai da bugagia wiegi yai ma ilaibao. Agai da elama, te keni pedelali, tiali goli, te keni agai ma pedela somainu yaibao.

1 Korin 11:28

Te komunion tubo sogo te bidigo aga digi homu bugagia osalama tama usu yali homu eyu da, teda aga te bret me te kapde te ąį tuao.

1 Korin 11:31

Te dago dena homu hasia bugagia osola suyu da, teda te Godigo dabolo te sęgę magobeo.

Tuni Bidi Dabego Po Elalubo Buku Si 30:6

King dali, aga ofisa dabe dali, augwaligo te pas asęnama, te pas te tigidali Israel dabebolo me Juda dabeba te pas sela pao po wali, te pas te bidi mebabolo mani augwaligo sela pomainu. Te pas tomode elaluali po dabe da e tama po elaluali, “Dage Israel hani dwasianu hani dabe te Asiria dabe kingo dolisąma yali bage, dagego odiąo. Dage Genuai Bidiba ma asiąo, te dago wąįgo God, te Abraham me Aisak me Jekopgo God. Tialima dagego tama tiali da, teda Genuai Bidi aga dage dali bidagasaibao.

Esekiel 18:28

Agai koneanio, te agai kolesaga wiegi yai isąbaso, tibaso aga te dwai kolesaga tagalama, te wiegi yai kolesaga wali pali. Tiali da, te aga me isigobeo. Menio. Aga bugagia bidaibao.

Tuni Bidi Dabego Po Elalubo Buku Si 30:9

Dagego koneani, te boi bidi dabego dage aiyaba elaluama, tama dagego hani meba kalabus elama, augwa buluba odasa pai dao. Tiali goli dage Genuai Bidiba ma asiyu da, teda agai te boi bidi dabego dagego te hani dabe hobede emainu ilama, tama augwaligo te dagego hani ma tagala palama duga tǫba ma asaibao. Genuai Bidi dago God aga te hobede iyu homu nagame ebo God dao. Tialima dagego homu begelama agaba ma asali da, teda agai dage ma selama, tama agai dage tudi ma ola magobeo,” te po asęna tama tolali.

Bomai Po 4:30

Tiali goli, dage genuai sęgę tomode bidibo sogo da, me te dwai nai dabe dageba pedalobo sogo me, teda dage homu begelama, ma geasa asama, Genuai Bidigo po wali paibao.

Godigo Sęba Tagala Palai Bidigo Po 26:20

Tama hasia bolo eno te Damaskus we bidi pageba pali. Eno augwalibolo te po tama pusa mani, ‘Dagego dwai kolesaga ebo sę tudiba sąnama, dage God pageba asao. Tama dagego dwagi yai kolesaga ebo tigidali we bidi augwaligo sulama, dwai kolesaga tudiba sąyani konemainao,’ wali. Tama eno te po Jerusalem we bidibolo me, te Judia tǫ tomode bidibo we bidi tigidalibolo me, te Israel hani isąwai we bidibolo me, eno te po tama augwalibolo pusali.

Hosea 12:6

Tialima, dagego duga Godiba konealubo po dąų olama, ma begasa asiąo. Tama dagego aga naga wali mu asiyu, te po tų ebode te doloba pai kolesaga naga eyu, tama agai dage tau sabo tonaluiąo.

Hosea 5:15

“Te ena te ena buluba ma pelama, te ena we bidi tagaligi pelama da, tama te augwali te augwa yali dwai sęgęde te dene me sęgę sabo sogoba usu somainu yaibao. Tiali goli, nosali te augwali enaba ma asaibao. Te augwali dwai dene siyu bolo elama, te augwali enaba ma asaibao,” wai dao.