Biblia Todo Logo
Bib sou entènèt

- Piblisite -




Te We Bidi Dabego Jerusalem Hagede Gela Wali 3:29 - Godigo dwagi yai po buku

29 Teda Godigo aga tau sabo homu yali bogo. Tama tiyu, agai aga digi aiyaba elaluama, tama tonaluao.

Gade chapit la Kopi




Te We Bidi Dabego Jerusalem Hagede Gela Wali 3:29
12 Referans Kwoze  

“Genuai Bidi, ena dolama, tama ena olo nai dao. Mena tama tilama, eno nago po wei ponaibawe? Ena nogogo pedauwali pania saibao.


Tama dago koneani, te tigidali bomai pogo ebo sę agai te da te bomai po dologode bidibo Juda bidi dabe dali te sę ebo dao. Godigo bomai pogo te da Juda bagebolo me te dena yali dwai sę ola mabo dao. Tama tialigo da, bidi me deli agai “Te ena doloba pai bidi dao,” te po wabo usu egobeo. Te Godigo bomai po te pogo sę si elalubao. Te bomai pogo dago ebo dwai sę dabolo ola mabo dao, tama dago wei ponobo po menio. Tama me, da tigidali bidi te da tigidali gasa haniani tǫde bidibo we bidi dago te Godigo gedude dwai sę yali elaluai, te Godigo da tigidali dali po tų yaibao. Dago te me konemainogo, te bomai po elalubo dao.


“Tiali goli, te gavman takis sabo bidi digibulu uba doligi pelama, tama aga gedugo dagaluba ogwaba tonalubeo. Ena dwai dwai sę yalio te homu eyu, homu dene eyu, aga hagawiaba nogogo eledu bidali. Agai te po wali, ‘God, enade homu dene eyu, tau mao. Ena dwai dwai sę ebo bidi dao,’ te po wali.


Dage we bidi hamaga isąnama Genuai Bidigo po sela sąsiama ebo we bidi, dage agaba asiąo. Dagego duga digi aiyaba elaluama, tama doloba pai kolesaga naga iyąo. Tialima, dagego te tama tiyu da, teda Genuai Bidigo sębę elama, tama te dwai pe te dwai we bidi dabebolo wei ponobo sogo dage da dologobeo.


Te dago tama tibaso da, te Godigo wado po wabo homu hasegelama, tama agai da tau sabo homu eyu da, teda da me isigobeo,” polalubo king bidigo te po wai.


Dego konegowe? Te dage dena Genuai Bidi Godiba ma asigi sogo da, teda agai homu te ma hasegelama, te dabolo wiegi yai sę eyu, te da nai hauwa magi da. Tama tiyu, te dago te ofa yabo nai hauwa me, te ofa yabo wain me, elalueibao.


Tama eno nago te yali dwai kolesaga dabe sela sąnama, tama tede homu kone ma palogobeo. Tiali digi, te nago te nago yali dwai kolesagade ma kone paliyu, hale dwai mu ebaso, te nago po me deli wagobeo. Ena God Genuai Bidi, eno te po wai dao.”


Ena Genuai Bidigo eno te po obao, nago homu te pedelainogo ebo naiba kone palama, tama te naga te hani wai dabe te augwa page buluba ma asobo sogo tonaluagameo.


Tialima aga sęgę genuai mu tolaluali, tama tibaso aga digi Genuai Bidi aga wąį dabego Godigo gedude aga digi aga aiyaba elaluali. Tama aga God pageba ma asali.


Polobadu da, ena genuai nogi elaluai dao. Tiali goli, megi da, ena nai meniama, dolama mu bidiba. Tama ena hale mu ebao. Tama au dodobage sela sąnama, hobede ebo ugwa gudama bidibao.


Swiv nou:

Piblisite


Piblisite