Te We Bidi Dabego Jerusalem Hagede Gela Wali 2:4 - Godigo dwagi yai po buku

⁴ Agai te wiegi yai taun Saion dali boi bidi elama, tama agai aga we bidi enainu enesigi balibiba tulalubo tiwai yali. Awe, aga bomogo aga digi te Jerusalemgo gawe yai we bidi sese tama ela silalio. Agai sębę te posolai isi tiwai elalu, agai te isi te taun Jerusalemba muani, bidigo wę gelebo tiwai yali.

Te We Bidi Dabego Jerusalem Hagede Gela Wali 2:4 Referans Kwoze

Jeremaia 7:20

Te ena God Genuai Bidi, eno te tama po obao. Eno haliga sębę dwai mu eyu, te tǫ kantriba me, te we bidiba me, te tubo kibu hasa me, te ni dabeba me, te naiba me dwai sę mu yaibao. Eno haliga sębę te genuai sia dabo tiwai eyu, te bidi mego sula sąyabo usu me egobeo,” te po wai.

Esekiel 24:25

Te Genuai Bidigo po enabolo weyu, te tama po ma wali, “Tǫde bidio, eno be augwaligo be tomode elaluali, tialima te augwali bomo elama, dolalueiba, te homu augwaligo yali. Augwaligo te be godolo homu elama, tede wiegi yai pemene eyu, teba sesemane homu kone elaluali. Tiali goli, eno ena te be dolama, tama eno augwaligo wai dabe ela muaibao,” te po wai dao.

Jeremaia 21:5

Ena digi eno wado eyu, te haligasębę dwai mu dageba eyu, te eno dageba hwįbo bomomu elama, te dage mu dolobo sę yaibao.

Aisaia 42:25

Tama tibaso, agai te boi bidi dabego daba hwįagasomainu tagalama, te dago agai haliga sębę ebo page konemainu yali. Agai haliga sębę te sia dabo tiwai elama, te Israel mu ulali. Tiali goli, dago tede kolesaga selama, te dago kolesaga me hasegelebeo.

Jeremaia 30:14

Te nago polobadu abagi wali bidi hani dabe, augwaligo nage homu kegeda palama, te homu godolo me ebeo. Nago te dwai sę hauwa yali te genuai sęgę elalubao. Tama nage eno dolama, te sesena pai bidigo aga boi bidi dali ebo kolesaga tiwai yali.

Jopgo Po Asęani Elalubo Buku 6:4

God tigidali bomo elalubo, te agai ena te enego enani ene te dwai nabi tede elalubo. Tama te dwai nabi eno tigi tomoba pelama, tama eno homu dwali. Godigo haniani nai taga palali ena wi emainu,” wali.

Nahum 1:6

Te aga haliga sębę ebo sogo da, de mu te bugagia bidaibawe? Te de aga me dologobe dawe? Mu menio. Agai te we bidi dabeba wado eyu, te agai gedu te sia bogoli tiwai penelą pelama, te masigi dabe pepeda pelama, te hogomu pobele bage pedalubo dao.

Nahum 1:2

Genuai Bidi naga te God dao, te agai te gasa god aga tiwai pedalumainu me egobeo. Te agai po sela sąbo bidi dabe agai koneanio. Genuai Bidigo te haliga sębę augwaliba eyu, te dwai dene augwaliba mu mabo dao.

Esekiel 36:18

Augwaligo bidi hauwa mu elai dao. Tama augwaligo tibo god dabeba lotu olama, tama tebogo augwaligo kantri Israel eno gedude meda dwai mu pedelai dao. Tama tibaso, eno augwali dali sębę genuai mu elama, tama eno augwali dene genuai mu mawai dao,

Esekiel 22:22

Te dagego eno bomo asobo hania mu sueibao. Te sogo dagego te tiwai bugagia koneyu, ena digi eno dageba dwai dene mabo dao,” Genuai Bidigo te po wali.

Esekiel 6:12

Te tigidali isimainu yaibao. Te boi bidi dabego augwali ela muagasaibao. Tiali goli, te me badu digibulu bidali da, augwali te gasi selama isaibao. Te we bidi me badu bidalubadi yai baso da, te augwali me te nai mu sǫą pelama, te nasi elama isaibao. Te tebo kolesaga ebogo te eno haliga sębę yali mu usu naibao.

Esekiel 5:13

Te tama tebo kolesagade te eno sębę genuai eyu, te haliga sębę yali kolesaga silaibao. Te tigidali sę pedalubo sogo da, teda dagego eno te wali po homude kone palagasu, te dagego koneaibao, ena Genuai Bidi, te tibo god me deligo ena hasegelemainogo me ebo menio.

Te We Bidi Dabego Jerusalem Hagede Gela Wali 4:1

Hobede mu dao. Te Saion we bidi dolama elalubao. Polobadu augwali te sawi yai gol tiwai sawi yai mu elaluai dao. Tiali goli, te gol dabe augwali ula me isąma, megi da dolama mu elalubao. Polobadu da, te Genuai Bidigo genuai be tempel augwaligo te wiegi yai masigi dabego nigilama elaluai dao. Tiali goli, augwali megi da hagayali dao, te masigi dabe subigila tulaluama, te tigidali taun sunumi dabede munalua pabo dao. Megi da, te we bidi augwali nogi ma elalubeo. Augwali te dwai pobele bage sene dage te bidi dabego nigai, te sene dage tiwai dao.

Te We Bidi Dabego Jerusalem Hagede Gela Wali 3:3

Tama tigidali sogo agai ena deli naga dene madu gebo dao.

Te We Bidi Dabego Jerusalem Hagede Gela Wali 2:5

Genuai Bidigo Israel dabe dali boi bidi homu elama, tama augwaligo kantri mu dolama, tagalalio. Awe, agai bomai taun dabe doliyu, me augwaligo te wiegi yai bomai be dabe aluama, tagaliyu yalio. Te tigidali Juda bulu sese tamade agai te we bidi homu sęgę emainu mu ilama, tama augwali gela geninama mu uduali.

Jeremaia 36:7

Genuai Bidigo wado eyu, haliga sębę umabo mu te we bidi dabeba ebao, tama agai dene mabo sę augwaliba yaiba wali. Tialima, te we bidi deli deli augwa te dwai sę ebo kolesaga tagalaiba homu eyu, te Genuai Bidiba gedu haluasa po obaso da, teda agai augwaligo gedu haluasa po wabo odaibao,” wali.

Aisaia 63:10

Tialima, te augwaligo agaba hagoma eyu, te agai homu ogwa wai mobo te haliga sęgę mu ilali. Tama tibaso, aga digi augwaliba boi bidi elama, te augwaliba hwįani.

Aisaia 63:6

Te eno genuai haliga sębęgo, eno tigidali we bidi dabe agala salio. Te eno haliga sębę ebo kabude te ąį augwa tumainao, te augwali aiyoge page dwai mu yalio. Te eno augwaligo kaneme tǫba gelu tiai dao,” wali.

Tuni Bidi Dabego Po Elalubo Buku Si 34:25

Te we bidi augwaligo enaba tudi ola menama, tama augwaligo tibo god dabeba ofa yai dao. Tama augwaligo te dwai kolesagago eno augwali dali sębę emainu ilai dao. Eno te Jerusalem dabe dali sębę mu elama, tama eno te sębę munu me siligobeo.

Tuni Bidi Dabego Po Elalubo Buku Si 34:21

“Te bomai po buku eno megi sali da, tede Genuai Bidigo homugo dago wali pomainu homu yali po e bukude haninama te wali dao. Tiali goli dago wąį nǫų dabego te po wali pai menio. Tama tialima, te tama tialigo da, Genuai Bidigo da dali sębę genuai mu emainu ilali dao. Tiali goli dago megi Genuai Bidigo te buku polo te sali dao. Tama tialima, eno homugo dage pelama, Genuai Bidibolo hanalugi pao, tama ena dali Israel bulude bidibo we bidi me Juda bulude bidibo we bidi, dago mena sę emainu egowe page sugi piąo,” king Josaiago te po wali.

Godigo Nogi Ugwaba Sabo Tęąbi Po Wabo Buku Dabe 37:14

Te dwai sę ebo bidi dabego te bainat hwą dią siyu, tama te enesigi kegelama, te nai meni yai bidi dabe, me te magi doado bage sǫą pabo bidi dabe enainu yaibao. Augwaligo te doloba pai kolesaga wali pabo we bidi dabe ela muabo homu ebo dao.

Jeremaia 10:20

Jerusalem dolama, te olo mu elalubao, te ugwa be me deli pisila pelama, te degasa dulali tiwai elalubao. Tama te ugwa be ma sę yabo bidi me deli meni yaibao, magi baso meni, tigidali we bidigo te Jerusalem tagalama, pela silai dao.

Esekiel 20:34

Megi dage te tǫ kantri hauwade te kalabus bidada pobao, tialima eno dage te bulu dabede bidali ma oda selama, te deliba sisinaibao. Te eno haliga sębę ebo bomo dali, te eno dageba dene mabo kolesaga dali dageba pedalubo koneagameo.

Pris Sę Ebo Bomai Po 26:17

Te ena digi eno dageba boi bidi yaibao, tama eno te gasa bidi dabego dageba boi hwįagasomainogo elama, te dage aiyaba elalumainogo ilaibao. Tama te bidi dabego dage dali dwai homu mu eyu, augwaligo dage tonalubo sę yaibao. Te boi bidi dabego dage pobeasa asisąbadi goli tagalao, te duga digi odolali wi elama, te wi paibao,” wali.

Bomai Po 32:22

Tama te sogo eno sębę te isi bogoli tiwai elama, tama tǫde nai dabe tigidali mu ulaibao. Te sębę te tǫ aiyadu dologodu paibao, te isai bidi dabego buludu paibao. Tama agai te bulu du dabe dolalubo masigi du dabe isi ulaibao.’”

1 Samuel 28:16

Tialima, Samuelgo agabolo te po wali, “Odao. Genuai Bidigo nage tudiba muyu, tama nago boi bidi pedelalio. Tama tialima, magi baso nago ena i waliwe? Eno nage tau me sogobeo.

Jopgo Po Asęani Elalubo Buku 19:11

Godigo ena aga boi bidi homu elama, tama ena dali sębę genuai mu yali.

Godigo Nogi Ugwaba Sabo Tęąbi Po Wabo Buku Dabe 7:13

Agai augwali te sia dabo enego usu sali. Agai te bidi dabe augwali ela muabo ene dabe sisi yai elalubao.

Jeremaia 42:18

“‘Ena Tigidali Bomo Elalubo Genuai Bidi, ena Israelgo God, eno po dolo obao, polobadu eno haliga sębę umabo mu te Jerusalemba elama, te eno augwali mu dolai dao. Te tiwai naga, te dage Isipba pobaso da, teda eno haliga sębę umabo mu elama, te dage dolaibao. Te gasa bulu hani we bidi augwaligo eno te dwai sę dageba yali po odolama, te augwali wi elama, nogo hogwabo tiwai eyu, midigi dwai mu yaibao. Te augwaligo dage dolama, posobo po waibao. Te augwa boi bidi dabeba dwai po wabo homu ebo sogo da, augwa te tiwai po waibao, “Dage te Juda dabe dolali tiwai dolagameo,” te po waibao. Tama dagego duga te tǫ ma sugobeo,’ Genuai Bidigo te po wai,” Jeremaiago te po te Juda we bidi dabebolo wali.

Te We Bidi Dabego Jerusalem Hagede Gela Wali 1:13

Genuai Bidigo isi tagala palama, tama eno dili isi ulama, tama eno bomo tamunanio. Agai ena hagani wa gebelai digi, ena tola sali. Tama agai ena sąna palali digi, ena tudiba degali. Tama agai ena mu tama tagalali digi, tigidali sogo ena dene dwai mu doliyu ebao.

Te We Bidi Dabego Jerusalem Hagede Gela Wali 4:11

Genuai Bidigo te Saion dali haliga sębę dwai mu yalio. Tama tibaso, agai aga dene genuai mu manio, bidigo ąį te tǫba gelebo tiwai yali. Te agai te Saion isi tulama, tama te taun sese dela silibo tiwai yalio.

Esekiel 7:14

Augwaligo te hwįabo sisi ebo biugel bu obaso, te tigidali ami bidi dabe sisi ebo da. Tiali goli, te bidi me deli hwįgi pogobeo, magi baso meni, eno te hani tigidaliba haliga sębę elama, te augwali eno wi dwai mu ilai dao,” te po walio.

Esekiel 13:13

“Tama tibaso, ena God Genuai Bidi, eno te tama po obao. Eno haliga sębę dwai mu elama, eno te genuai tulubage, me te talua ge ais tulubage, me bomai wali tagala palama, te obo dolomainu yaibao.