Te We Bidi Dabego Jerusalem Hagede Gela Wali 2:20 - Godigo dwagi yai po buku

²⁰ Jerusalemgo e tama gedu haluasa po wali, “Genuai Bidi, nago te naga hani digi muba te yali te dene mabo sę suao. Te we dabe sibi augwaligo augwa wai bǫų dabe godolo mu eyu, negeyu yai dao. Tiali goli, megi da, augwaligo augwa te wai bǫų dabego tigi tubao. Tama te boi bidi dabe augwali naga digi tempel be tomoba pelama, tama tede augwaligo naga pris dabe, me profet bidi dabe, ela silali dao.

Te We Bidi Dabego Jerusalem Hagede Gela Wali 2:20 Referans Kwoze

Te We Bidi Dabego Jerusalem Hagede Gela Wali 4:10

Te augwa wai godolo homu yai ida dabe augwaligo augwa wai bǫų dabe isibo sogo da, te ida dabego te wai bǫų dabego tigi selama, augwaligo ulama tualio. Te tobage kolesaga te eno hobedai we bidi augwaliba te boi bidigo te boi hwįani sogo te sę pedelai dao.

Jeremaia 19:9

Te boi bidi dabe Jerusalemba boi hwįagasobo sogo da, te augwaligo hanu bagua sagasaibao. Te tama tebogo te Jerusalemba genuai sęgę mayu, te augwali nai mu sǫą paibao. Tama tialima, te we bidi dabego augwa wai dabe digi ma ela tueibao. Te we bidi dabego augwa abagi hasi ma elama, tuiebao,’ wai dao.”

Godigo Nogi Ugwaba Sabo Tęąbi Po Wabo Buku Dabe 78:64

Te boi bidi dabego te pris dabe ela mubaso, tama augwa we dabego te augwalide homu dene eyu, tama gela wainu ebo te usu ebeo.

Te We Bidi Dabego Jerusalem Hagede Gela Wali 4:13

Tiali goli, Godigo te boi bidi dabe tagala palama, te Jerusalem dolai dao. Magi baso meni. Te profet dabe, me pris dabe, augwaligo dwai sę elama, tama augwaligo te Jerusalemde dwai sę meni yai we bidi ela mubaso tiai dao.

Bomai Po 9:26

Tama eno gedu haluasa po weyu, te po wali, ‘God, Genuai Bidi, nago naga we bidi doligio,’ te po wali. ‘Naga digi nago te we bidi augwali nago genuai bomogo Isip bulude oda selama, odasa asai dao.

Ma Dobola Sali 32:11

Tiali goli, Mosesgo te Genuai Bidigo homu bea sainu, agai bomonama gedu haluasa po aga Genuai Bidi Godibolo e tiwai po wai, “Genuai Bidio, tiyu nago sębęgo naga we bidi augwali dolomainogo sula tagalamuo. Nago te we bidi augwali te Isipde te nago naga genuai bomogo digi te augwali selama, odasa asai dao.

Esekiel 5:10

Te eno dwai dene dageba mabo sogo da, te aya ida mebago te augwa digi wai dabe elama tueibao, me te wai dabe mebago te augwa aya ida ela tubadi yaibao. Te eno dwai dene mabo sęgę dageba ebaso, te dage hauwa isaibao. Te me badu bidibaso da, teda eno augwali te gasa bulu tǫ pedai tigidaliba tedela palaibao,’ eno te tiwai po waingo ebao,” Genuai Bidigo te po wali.

Te We Bidi Dabego Jerusalem Hagede Gela Wali 4:16

Genuai Bidi aga digi augwali subigila pomainu sela sąwani, tama agai augwali homu kone me ebeo, te pris dabe, me tobolu bidi dabe, augwali te we bidigo gedude genuai nogi me elalubeo.

Te We Bidi Dabego Jerusalem Hagede Gela Wali 1:19

Eno abagi dabego ena tau somainu i wai dao. Tiali goli, augwali eno boi bidi pedelalio. Eno pris dabe, me tobolu bidi dabe, augwali nasi genuai mu yali. Tama augwali bugagia bidabo tubo nai gegebo bomai sę mu yalio. Tiali goli, augwali nai meniama, tama augwali eno sunumi dabede isai dao.”

Jeremaia 5:31

Te profet dabego augwade digi pusali pogo digi te we bidi dabe tibo po ola mani. Te pris dabego te we bidi tonaluali sogo, te pris dabego te profet dabego po wali pali. Tama eno we bidi dabego te kolesaga godolo mu yali. Tialima, eno dwai dene mabo sę dageba ebaso, tama duga te dwai kolesaga silaibao. Tama te sogo dagego magi yaibawe?” wali.

Pris Sę Ebo Bomai Po 26:29

“Te dage nasi dwai mu ebaso, te duga wai te ogwa me wegi dabe te ela tueibao,” te po wai dao.

Tuni Bidi Dabego Po Elalubo Buku Si 36:17

Tialima Genuai Bidigo te Babilon king aga ami bidi dabe dali augwaligo te Juda dabe dolomainu tagala palali. Te Babilon dabe augwaligo te Juda dabego gesi bidi te tigidali Jerusalemde ela siliyu, me te Genuai Bidi aga bede ela siliyu yali. Kingo Juda dabe hobede dwasianu me ebeo. Mu menio. Te Babilon dabe augwaligo te Juda dabe gesi bidi me gesi wegi sese tama, me monu dabe, me te mosi dabe mu yai bage pąde tama te isabo ąǫ yai bage te Genuai Bidigo te Juda dabe sese tama te Babilon kingo nogoba muani.

Jeremaia 21:7

Te ena Genuai Bidi, eno te tiwai po maobao. Hauwa we bidi te gasigo isiyu, me te hwįbode, me te nai menia siyu me isaibao. Tama nosali te enoking Nebukatnesar me aga ami bidi dabego dali, te king Sedekaia dali, aga ami ofisa dabe me, te bidaluali webidi dali, sela paibao. Te boi bidi dabego dage elainogotonalubao. Te Nebukatnesargo po obaso, te augwaligodage te bainat hwągo ela mueibao. Te agai dage homudene me isąyu, te olo tau sabo kolesaga yaiba homume egobeo. Te agai dage me deli bidimaina olama mesula tagalogobeo.’”

Esekiel 9:7

Tama Godigo te nogo a naga me deli te bidi dabebolo te tama po wali, “Te eno be bagulali obo tomode bidibo bidi tigidali ela muao,” po wali. “Te tama tibaso da, eno be ena gedude meda yai mu pedelaibao. Te sę silama da, teda dage te taunde bilaluama, te tigidali we bidi ela muao. Ae, dagego sę iyąo,” te po wali. Tialima, augwali pelawalio.