Te We Bidi Dabego Jerusalem Hagede Gela Wali 1:10 - Godigo dwagi yai po buku

¹⁰ Polobadu te God Genuai Bidi te habu selebo po weyu, te Israel hani isąwai bage te moni lotu be tempel tomoba pelamuo po wai dao. Tiali goli, te Jerusalem we bidigo suali, te tobage boi bidi dabe te bomo yai po boliyu, augwali tomoba pelama, tama tede elaluali wiegi wiegi yai nai dabe sese tama wi salio.

Te We Bidi Dabego Jerusalem Hagede Gela Wali 1:10 Referans Kwoze

Bomai Po 23:3

“Te Amon hani me Moap hani me, augwali te Genuai Bidigo we bidi hani tomoba aselamuo, augwaligo hani wąį nosali ame neyu, neyu idu gelama, tama hani sibi te nogo siba usu nubosi da, nosali mu, teda augwali te Genuai Bidigo we bidi hani tomoba asomainao.

Jeremaia 51:51

Megi da, dagego e tiwai po obao, “Da hale dwai mu yalio. Magi baso meni. Te bulu tǫ kantri bidi dabe augwali te Genuai Bidigo Tedali Gasagi Yai Mu Be Habu tomoba pai. Te augwaligo dabolo po dwai wali. Tibaso, da hale dwai mu ebao.” Megi dagego te tobage po obao.

Te We Bidi Dabego Jerusalem Hagede Gela Wali 1:7

Megi da, te Jerusalem dolai elalubadi, aga we bidi dabe digibulu sese mu tama usu nama, wau bilibo dao. Tama agai polobadu mu munolua asali wiegi wiegi yai nai dabeba homu kone ma palobo dao. Te boi bidi dabego Jerusalem we bidi sali sogo, te meba gasa hanigo aga me tau sai menio. Tama te boi bidi dabego aga dolobo suali, tama augwali gisugu dwai mu wali. Awe, aga tulalubaso, augwaligo kęnę po wali.

Nehemia 13:1

Te sogo te we bidi dabe sisinagasobaso, tama te Livai dabego te Mosesgo bomai po augwaliba nedali. Tama augwaligo te bomai po nedali pode te tiwai po wali, te Amon dabe me Moap dabe te Godigo we bidi Israel hani tomoba me asogobeo wai.

Dwagi Yai Gesi Po Makgo Asęani 13:14

“Tama te bulu dolabo dwai dwai nai mu dagego sueibao. Aga da, te habu selai elalubo bulu te badu doligi soaibao.” (Te po nedebo bidi agai homude bugagia kone palao.) “Tama te sę ebo sogode te Judia tǫ pedai badu bidibo we bidi augwali te bulu duba wi pelawaibao.

Esekiel 44:7

dagego te gasa meba kantri bidi hani dabe eno be tomoba asomainu sula tagalai dao. Te dagego te kibu ili me kaneme ofa eyu, te eno nai mu dao olama, ulubo sogo tama tiai dao. Te Israel hani isąwai bulu badu bage, augwaligo augwa tigi hale ebo nai togisąwai bidi dabe dao. Tama augwaligo ena homugo me konebo menio. Augwali eno be tomoba aselama, tama augwaligo eno gedude te be meda ilai dao. Dagego te dwai damua pai kolesaga tama yaligo dao, teda dagego eno dąų walali po hųgia sąwai dao.

Esekiel 9:7

Tama Godigo te nogo a naga me deli te bidi dabebolo te tama po wali, “Te eno be bagulali obo tomode bidibo bidi tigidali ela muao,” po wali. “Te tama tibaso da, eno be ena gedude meda yai mu pedelaibao. Te sę silama da, teda dage te taunde bilaluama, te tigidali we bidi ela muao. Ae, dagego sę iyąo,” te po wali. Tialima, augwali pelawalio.

Esekiel 7:22

Te augwali eno te wiegi yai genuai be tomoba pomainogo sula tagalama, tama eno gedude te be dwai meda pedalubo sę ilaibao. Te augwali eno me paligobeo. Mu menio,” wali.

Jeremaia 52:13

Tama agai te augwaligo Genuai Bidiba lotu wabo tempel be, me te Juda kingo be, me te Jerusalem gegunai bidi dabego be, tigidali isigo ula silali. Te genuai dila pai be me deli digi te Babilon dabego me ulubeo.

Jeremaia 20:5

Tama eno te boi bidi dabego te taunde tigidali mone somainogo ilaibao, te we bidi dabego wiegi wiegi yai tigidali doado bage, me te Juda king dabego mone doado bage saibao. Te boi bidi dabego hwįbo bomo elama, te tigidali nai gigilama, te Babilonba selasa paibao.

Jeremaia 15:13

Te eno dagego tigidali mone me wiegi yai doado bage tigidali te boi bidi dabeba mawaibao. Magi baso meni, te dagego duga tǫ kantri tigidali habuba usu nama, te dwai sę hauwa ebo dao.

Aisaia 63:18

Te pęwądage sogo naga nago digi te sa muani be te nago we bidi dago nogode elaluali, te nosali dena boi bidi dabe asu, dolama, te nago be mesegelama, agala dolali.

Jeremaia 50:28

Te Israel me Juda meba te Babilon taga soyu, te Saionba wi ma asali. Odao! Augwa e tiwai po obao, “Genuai Bidi dena God, agai be dolali hani dabeba te dwai dene wei ponama, mabo dao,” wabo.

Bomai Po 23:4

Te tama tiabo page da e tama dao. Da te Isip tagalama asali sogo, augwaligo da nai mawai menio, te wę me da me mawai menio. Tama augwaligo Balam abelama, da Godigo dolomainu yao wabo po omainogo abelai dao. Balam da, te Beorgo ogwa dao, te hanu Petor, te Mesopotemia bulu bidi dao.

Tuni Bidi Dabego Po Elalubo Buku Si 36:18

Tama te Babilon kingo te haniani genuai me dwasianu dis dabe, me Genuai Bidigo tempel bede plet dabe, me Genuai Bidigo bede wiegi wiegi yai nai dabe siyu, me Juda dabego kingo doado bage, me aga ofisa bidi dabego doado bage siyu yali, te king aga ofisa dabego nai dabe sali, tama agai sese tama Babilonba selasa pali.

Jeremaia 27:19

“Magi baso meni. King Nebukatnesar te Jerusalemba aselama, te king Jehoiakin sali, te Jehoiakimgo ogwa, tama agai te Juda tobolu bidi dabe me, te Jerusalem tobolu bidi dabe me selama, tama agai augwali Babilonba kalabus igi peyu odasa pali. Tialima, agai te wiegi yai nai meba te Jerusalemde elalumainu yalio. Agai te brasgo nigali genuai pos dabe sabeo, tama augwa te brasgo nigai tang ąį tubo genuai nai me sabe, tama augwa te brasgo nigai te dwasianu ąį tubo tang dabe gasaba bilabo nai dabe, te me sabeo. Tama me agai te eno bede gasa nai dabe me sabeo, te kingo bede me, te tigidali Jerusalem pedai badu elaluali nai me sabeo. Tialima, ena God, dage Israelgo Genuai Bidi, ena Tigidali Bomo Elalubo Genuai Bidigo, eno te tiwai po dageba wabo dao.