Kolosi 4:8 - Godigo dwagi yai po buku

⁸ Tikikus agai te da ede bidibo bage te daba pedalali sę po dagebolo omainogo, tama dagego te po odama homu kolesaga bomo emai yainogo eno aga dage bidibo digi tamadi tagala palaibao.

Kolosi 4:8 Referans Kwoze

Efesus 6:22

Tama eno aga dage bidibo digi tagala paliyu, da ede mena tama bidibo wenama tama agai pusaibao, dagego homu dąų walomainu tama yaibao.

Kolosi 2:2

Magi baso meni. Eno homugo te dage me, augwali me, dage tigidaligo homu kolesaga bomo emainu eyu, tama augwa hasi dwagi yai homu eyu godolo ebo kolesaga ebogo augwali deliba kęą somainogo ebo dao. Tama eno homugo me te augwaligo te Godigo gesi dwagi yai po page sese kuna koneama, tama te konebaso augwaligo tede homu si munu me egobeo. Tama bidiyu, augwali tede te doado bage hauwa elalubo bidi tiwai bugagia bidaibao. Tama tiyu, augwaligo Godigo dualai po page hania koneaibao, te page da te Krais aga digi naga dao.

1 Tesalonaika 5:14

Dago abagi dage tuni bidi dabebolo dago po bomo elama dage dali obao. Dagego te sę hagela ebo bidi dabe augwalibolo po bomo elama, augwali homu kolesaga dagego bugagia ma dodolao. Tama te wi ebo bidi dabe augwaligo homu kolesaga dąų walao. Tama te bomo meni yai bidi dabe augwali dali dagego dwagi yai kolesaga naga eyu bidao, sębę egimio.

1 Tesalonaika 5:11

Tama tibaso, duga hasi te pogo duga abagi dabe augwali homu kolesaga dąų waliyu, tau siyu, te po augwalibolo ola mao, tama megi dagego te ebo sę tiwai tama naga yao.

1 Tesalonaika 4:18

Te sę pedalama, tama da tigidali te tiwai bidaibao. Tama tibaso, dage tomode we bidi meba augwali isibaso, dagego te pogo duga hasi tau siyu, duga homu dąų walao.

1 Tesalonaika 3:5

Tama te dene dage pageba asali baso, tama eno ma tonaluyu gesege ma egobeo homu eyu, eno bidi me deli dageba tagala palai. Te eno dagego Kraisde konealubo po me dąų wabowe, te eno koneainogo te bidi tagala palai. Te dwai sę ebo tomoba kegebo dwai mobo tuni bidi agai dage dali te sę yaliwe eno te homu yali. Agai te sę dage dali egi sogo da, tama dago dage dali yali sę olo dali eyu, te nai walosiąwai sę egi da.

1 Tesalonaika 3:2

Tama te homu elama, da sigo dago ama Timoti dage bidibo digiba tagala palai. Timoti aga te Godigo sę ebo bidi dao. Aga te Jisas Kraisde po pusubo bidi dao. Da sigo Timoti dage pageba tagala palai, tama agai dage bomo mayu, tama dagego Kraisde konealubo po dąų walomainogo, tama augwaligo dage dene mobaso da, dage meba bidi te Jisasgo po tagalidali weyu yai. God aga digi da te dene dali sęgę dali te somainogo, agai da te bodolu mawai.

1 Tesalonaika 2:11

Tama dagego koneai, ayago aga wai dabe dali ebo kolesaga tiwai dago me dage deli deli dali yai dao.

Filipai 2:28

Tama tibaso, ena wiegi yai homu eyu tama eno homugo aga dage bidibo digi tagala palabo homu ebao. Tama tiyu, tama dagego aga ma subo si, teda dagego dwagi yai homu agade ma yaibao. Tama eno sęgę me te tama silaibao.

2 Korin 12:18

Eno te Taitus hodolama, tama aga dage bidibo madi asali, tama eno te gasa ama me deli aga dali hodobo tagala palali. Tama te Taitusgo ili po olama dagego nai anoma elama me saliwe? Menio. Ma dagego homu te ena dali Taitus si da te Tedali Mobo Bidi deligo bomode naga me bidibo meni, dagego da si dali te homu ebawe? Da si te tų delide naga me bilibo meni, dagego te homu ebawe? Edao. Dagego te tobage homu da si dali eyu da, teda duga homu hasegelao, te da sigo ebo kolesagade bugagia homugo koneao.

2 Korin 2:7

Tama tibaso, dagego gasa kolesaga me megi iyąo. Te dagego agai sęgę sela sąnama, tama aga homu nagame ilao. Tiyu genuai homu sęgę mugo te bidi aiyaba mu elaluabuo.

2 Korin 1:4

Te tigidali dene mabo sęgę daba pedalobo agai te dago homu nagame ilibo dao. Magi basowe? Agai da homu nagame ilibo kolesagago naga dago te haniani sęgę elalubo bidi dabe augwali homu nagame ilimainogo eyu, te Godigo da homu nagame bugagia ilibo dao.

1 Korin 4:17

Tama tibaso, te kolesagade naga eno te bidi Timoti dageba tagala palali. Aga te eno ogwa tiwai da, tama eno aga godolo mu eyu aga ena dali te homugo kęą pai bidi dao. Te agai dagego homu ma hodoliyu, te eno Kraisgo kolesagade wali pabo sunumi wali pomainu homu hodolaibao. Eno te tigidali bulude te Godigo po wali pabo we bidi hani tigidaliba te kolesaga naga ola mabo dao.

Aisaia 40:1

Duga Godigo te po odubao, “Eno we bidigo haliga dąų walama, te augwa haliga dua nagame ilibo po pusao.