Kolosi 4:2 - Godigo dwagi yai po buku

² Dage Kolosi we bidi, dagego Godibolo gedu haluasa po bomo elama oduao, tagaligimio, tama subigila wagimio. Tama tiyu, agabolo puba hwi po wao.

Kolosi 4:2 Referans Kwoze

Filipai 4:6

Dagego haniani naide moni homu egimio. Te menio. Te dageba pedalobo sę tigidalide dagego Godibolo tede po weyu, tama agabolo buba hwi olama, tama te dagego sǫą pabo naide aga hanalu wao.

Efesus 6:18

Tama tiyu, tigidali sogo dagego po God dali wao, agai dage tau somainu yai. Tama te Godigo Mobo Bidi agai dage bomo mayu, tego Godibolo po wao. Te sę yainu, dage pila mugimio, hodaluao, nolǫ isiąbo ąǫ egimio. Te sę munu me tagaligio. Tigidali sogo dagego gedu haluasa po Godigo we bidi tau somainu wao.

Polgo Po Pas Rom Dabeba Asęani 12:12

Dagego agade konealubo po dąų olama, tama Genuai Bidigo dage tau sabo tonalubadi tama dagego wiegi yai homu pemene dali yao. Te sęgę dageba pedalobaso da, teda dage bomo elama bugagia dolaluao. Dagego tigidali sogo gedu haluasa po wao.

Matyu 26:41

Dagego tonaluyu, gedu haluasa po wao. Tiyu dage usu sabo dwai kolesagago te dage aiyaba elalugobeo. Mu tama, dagego homugo te wiegi yai sę naga yaibao. Tiali goli, te dagego bomo usu egobeo,” wali.

Dwagi Yai Gesi Po Lukgo Asęani 18:1

Te Jisasgo aga wali asobo we bidibolo po begelai po me pusali. “Dagego sesemane sogo Godibolo gedu haluasa po weyu, nono meniama, tagalidali weyu, eno e po begelai po dagebolo pusubao,” wali.

Dwagi Yai Gesi Po Lukgo Asęani 21:36

Sesemane sogo dage bugagia suao, dua dao. Te sę eyu, tigidali sogo dage God hanalu wao, agai dagebolo aga bomo momainu yao. Tama tilama, tigidali te sę dageba pedelainogo yali da, te dage geda munama ela soeibao. Tiyu da, dage ena gesabide bugagia dolaluaibao, ena da te Godigo Bidi Mu dao,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 109:4

Eno augwali wei elama, tama eno gedu haluasa po weyu, augwali tau sali, tiali goli augwaligo ena wei me ebeo.

1 Pita 4:7

Te tigidali nai silabo sogo te pąba yagasobao. Tama tibaso, dage te homu nagamea pai we bidi bidao, te dage God dali te hanalu wabo po gisiga omainogo te dagego duga homu bugagia tonaluyu bidao.

Kolosi 1:9

Te Godigo po dage tomode te tobage dwagi yai sę yali baso, dago dagede te po odali sogo gagalama tama eduali tama megi usu nagasama tama dago Godibolo po wabo dao. Tama tiyu, dago Godibolo e po hanalu wabo dao, “God, nago te Kolosi we bidi augwalibolo te nago Mobo Bidigo maiabo wiegi yai homu kolesaga tigidali augwalibolo mao. Tama mobaso, augwaligo nago sę yabo homu kolesaga gisiga koneaibao,” dago dagede te po Godibolo wabo dao.

Dwagi Yai Gesi Po Makgo Asęani 13:33

Dage dua dao. Dagego tonalu bidiąo. Te nisu sogo pedalabo te dagego me konebe dao.

Kolosi 3:17

Tama tigidali sogo dagego po obadi ma dagego nogogo sę ebadi, te tigidali ebo kolesaga dagego dago Genuai Bidi Jisasgo nogide yao, tama agai dage dali yali sęde dagego dago Aya Godibolo puba hwi po weyu bidao.

Kolosi 2:7

Dagego aga dali wadolama, tama bomo elama aga dali bugagia dąų wao, te ni pedali sele tǫde aba mu peyu dąų olama te ni dąų weyu dolalubo tiwai yao. Tama aga te be dąų wabo tuni ni dali, te be kau ni dali si tiwai dao, tama dage da te be kele ni dabe tiwai elaluyu, tama dage aga dali bugagia dąų weyu bidiąo. Tama tiyu, te bidi Epafrasgo dagebolo ola mani Kraisde konealubo po, te pogo dagebolo bomo momainao, te dagego elalubo bomo genuai usu emainogo yao. Tama bidiyu, tama dagego Godibolo puba hwi po hauwa wao, dagego duga homu te puba hwi pogo pągąnao.

Kolosi 4:12

Epafras agai dagebolo siade dao po ola tolobao. Aga me dage hani deli dao, tama aga Krais Jisasgo sę ebo bidi dao. Sesemane sogo agai gedu haluasa po weyu homu dąų olama, tama bomo elama weyu dage tau sabo dao. Agai homugo dage Godigo homu tigidali bugagia wali peyu, tama tede homu si munu me isąyu, tama dage bidi mu pedalama tama bomo elama bugagia dolalumainogo eyu agai gedu haluasa po Godibolo weyu, “Augwali te tiwai pedalomainogo, tau sao,” agai te po wabo dao.

1 Samuel 12:23

Tiali goli, eno digi te eno gedu haluasa po sesemane sogo weyu, te dage tau sabo elalueibao. Ma, eno gedu haluasa po wabo tagaligi sogo da, eno dwai sę Genuai Bidiba igi dao. Te eno munu me egobeo. Tama eno dage te wiegi yai doloba pai kolesaga wali pomainu ola mawaibao.

Kolosi 3:15

Krais agai da dwagi yai homu nagame ilibo kolesaga ebo dao. Tama te kolesagago dagego homu tonalumainao. Magi baso meni. Dage dwagi yai homu nagame eyu bidimainogo God agai dage deli deli i olama tama deliba sisinama, tama dage tigi deli naga tiwai pedalai dao. Tama sesemane sogo dagego Godibolo puba hwi po weyu bidao.

Jopgo Po Asęani Elalubo Buku 15:4

Te tobage pogo te we bidigo kolesaga dolama, tama augwali God dologode me elalugobeo, tama aga me kone egobeo.

Godigo Sęba Tagala Palai Bidigo Po 1:14

Tama augwali hauwa sogo deliba sisinagasali, Godibolo po omainu yali. Tama te Jisas wali pai we dabe me, Jisas aga ida me, Jisas aga ama dede me, te bidi dabe dali hodobo deliba sisinagasali, Godibolo po omainu yali.

1 Samuel 1:12

Hanago bobage sogo mu gedu haluasa po te Genuai Bidiba wali, tama Eligo te Hanago pedauwali memenege ebo sę suali.