Kolosi 3:6 - Godigo dwagi yai po buku

⁶ We bidi augwaligo te tobage kolesaga dabe ebaso, te Godigo augwali dali sębę eyu, tama augwalibolo dwai dene mabo sogo mu asaibao.

Kolosi 3:6 Referans Kwoze

Efesus 5:6

Dage bugagia dua dao. Tiyu dage te gasa bidigo agai dage te dwai kolesaga tomoba kekainogo ebaso da, agai wabo kedu meni yai po wali pelamuo. Te eno tamadi wali dwai kolesaga ebode te Godigo agai po sela sąbo bidi dabe dali sębę yaibao.

Polgo Po Pas Rom Dabeba Asęani 1:18

Te Godigo sębę ebo te aga bidibo madidu hania pedalalio. Agai te God tudiba muyu, te dwai kolesaga eyu bidibo bidi dabe dali sębę ebo dao. Te tobage dwai sę ebo bage augwaligo te dwai kolesagago te mu pogo sę idali weyu te mu po hogwa sabo dao.

1 Pita 1:14

Dage Godigo po wali pabo we bidi bidibaso, dagego God konesiąbadi polobadu yali dwai dwai kolesaga wali ma pigimio.

Kraisgo Geme Dualali Sę Pedelabo Po Jonbolo Ola Mani 22:15

Tiali goli te dwai dwai kolesaga ebo bage, augwali te yowi dabe tiwai da, augwali me, te pobi po wabo bidi dabe me, te penani kolesaga ebo we bidi me, te bidi ela mubo bidi dabe me, te tibo god dali lotu po wabo bage, tama te ili po wabo kolesaga godolo eyu wali pabo bidi dabe, te dwai kolesaga wali pabo bidi dabe augwali te Godigo hanu bulu badu bidaibao.

2 Pita 2:14

Tama augwaligo gedugo te we dabe sibi sesemane sogo tonono eyu te penani yainogo, tama augwaligo te dwai kolesaga ebo tagalogobeo. Mu menio. Augwaligo te homu bomo meni yai bidi dabe augwali te sę emainogo homu begelama, tama augwaligo te dwai sęgę sabo kolesaga yai. Te augwaligo gasa bidigo nai sabo pesą ebo kolesaga konea sai dao. Tama Godigo te bidi dabe augwali mu dolaibao.

Aisaia 57:4

Dagego po dwai deba wali, dage te hagoma ebo bidi dabe, me te po geagano pabo bidi, me tibo po wabo bidi te augwaligo wai dabe dawe? Dagego gesabidi dwai eyu, te dagego hąę hąę elama, deba wabo dawe?