Kolosi 3:4 - Godigo dwagi yai po buku

⁴ Krais aga dago bidibo ula page bidi dao. Tama nosali aga e tǫba ma asama hania pedalama, tama dage me aga dali pedalaibao, tama dagego agai ula yai wiegi yai bomo meba elaluaibao.

Kolosi 3:4 Referans Kwoze

Dwagi Yai Gesi Po Jongo Asęani 11:25

Jisasgo te po wai, “Isai bidi hodalobo bomo dali, bidabo bomo dali, te ena digi eno tonalubo dao. Bidigo enabolo homu dąų olama, muani bidi isali, te aga bidabo bomo selama, ma bidaibao.

1 Jon 3:2

Abagi mu dede, megi da te Godigo wai dabe bidibao. Tama nosali da mena tama bidigowe, te dago megi bugagia hania konebeo. Tialima dago koneani, nosali Krais hania bulu ulaba pedalobo si, te sogo dago aga magi bidi dawe te dago te page mu hania koneaibao. Tama dago aga subaso, te sogo da aga tiwai gagawaibao.

Galesia 2:20

Megi ena eno bomogo naga bidibo meni, ena Kraisgo bomogo bidibao. Aga da te Godigo Ogwa da, tama agai ena dali dwagi yai homu eyu godolo mu elama, tama aga digi bidibo ula tagalama tama ena tau siyu isai. Tama eno ena homu tigidali agaba muyu, megi ena e tǫde tigi tomode bidiyu, tama te tiwai ena aga bomogo bidibo dao.

1 Pita 1:13

Te God agai dage dali te sę yaligo da, te bidi me sę yai hagede aga ugwa sugwa sabo tiwai, dagego duga homu bugagia dodola selama dąų wao. Tama dage deli deli duga digi bugagia tonaluao, te homu kęnai we bidi bidao. Tama te Jisas Krais aga asobo hanilabo sogo agai dagebolo te wiegi yai olo tau sabo sę mawaibao. Dagego tede duga homu bugagia dąų olama, dwagi yai homu eyu tonaluao.

Filipai 3:21

Magi baso meni. Agai bomo te gasa tigidali bomo aiyaba elalubo dao. Tama agai bomogo agai tigidali nai deliba sisinama, tama aga dologoba muabo te bomo tede usu dao. Tama aga tǫba ma asama, tama dago bomo meni yai polo isibo tigi, te tigi agai bomogo hasegelaibao, tama dago tigi aga wiegi yai ula elalubo tigi tiwai si pedalaibao.

Dwagi Yai Gesi Po Jongo Asęani 17:24

“Aya, eno homugo nago ena mani bidi dabe augwali ena bidibo bulude ena dali da hodobo nosali bidaio, augwaligo eno bomo yai ula dali bomo dali sumainogo yaibao. Polobadu, te tǫ pedalisiąbadi, te sogo nago ena godolo mu eyu, tama nago te bomo yai ula dali te bomo dali enabolo mawai dao.

1 Pita 5:4

Tama dage te kibu sipsip tonalubo bidi dabe tiwai bidiyu, tama Krais aga te sipsip tonalubo bidi dabego tuni bidi mu tiwai dao. Tama aga ma asiyu hanilibo si, te sogo dagego te bomo yai ula saibao, te bomonama udayu nai sabo bidi agai te wiegi yai tobolu au yabo nai sabo tiwai. Tama agai au yabo nai osogo elaluyu dolai goli, te dagego sabo bomo yai ula te dolisiąbo nai mu dao.

1 Jon 2:28

Awe, eno wai dabe, dage aga dali bidao. Magi baso meni, nosali aga hania pedalaibao, te sogo da bomo elama dolaluaibao, te aga ma asobo sogode, te tama da hale eyu geme duala sogobeo.

Hibru 9:28

Te tiwai me Kraisgo te aga bidibo ula aga digi te Godibolo deli sogo naga mani, te we bidi hauwago sęgę sela sąwainogo eyu tama tiai. Nosali te aga si sogo ma asiyu, te agai te sęgę sela sąwainogo me asogobeo. Menio. Te aga ma asobode te dwagi yai homu elama tonaluyu bidali te we bidi dabe augwali naga te agai mu ma sagasaibao.

Kraisgo Geme Dualali Sę Pedelabo Po Jonbolo Ola Mani 22:14

Te we bidi augwaligo augwa ugwa we telabo bage, te we bidi augwaligo wiegi yai homu yao. Augwaligo te bidabo ula sabo nide te du sabo usu yaibao. Tama augwali te hanu tomoba pabo tųdu pabo usu yaibao.

1 Korin 15:43

Te tigi dago pubalobo, te sawi isąwai dwai mu yali. Te ma hodalobo tigi, te wiegi yai sawia pai mu yaibao. Te dago tǫba pubalobo tigi, te bomo me elalubeo. Te ma hodalobo tigi, te bomo hauwa elaluaibao.

Kraisgo Geme Dualali Sę Pedelabo Po Jonbolo Ola Mani 22:1

Tama te ensel mobo bidigo pabo ąį me deli ena ola mawai, te bidibo ula mabo wę, tama te wę te dula ula mu gegemani ebo tiwai ula yai. Tama te ąį aga gomo, te God dali te Sipsip Wai augwali sigo tuni bidi duabo sai pagede te ąį gomo elalubao.

Jutgo Asęani Pas 1:24

Te God agai bomo elalubaso, agai dage bugagia tonaluyu, dage me tulalugobeo. Tama agai dage tau siyu, tama dage dwai sę me isiąwai, dwagi yai homu pemene mu eyu, tama agai dage aga moni ula elaluyu gegemani ebo madigi teba sela pabo usu yaibao.

1 Jon 5:12

Bidigo Godigo Ogwa dali kęą pali bidi, aga dali te bidibo ula elalubo dao. Tama bidigo Godigo Ogwa dali kęą pisąwani bidi, aga dali te bidibo ula elalubeo.

Taitus 2:13

Tama dago te ola mani po odolama, tama te tiwai kolesaga eyu bidibadi, tama dwagi yai homu eyu, te wiegi yai sogo asobo dago tonalubo dao. Tama te sogo asobo si, teda dago genuai God te da ma dobola sali bidi Jisas Krais agai bomo yai ula dali, genuai nogi dali, te hania ulaba pedalaibao.

Matyu 13:43

Tama te sogo te doloba pai we bidi augwali augwa Ayago we bidi tonalubo madide bidiyu, tama augwali tigide te giliga ula tiwai eyu bidaibao. Odo elalubo bidi dabego te po bugagia odiąo,” Jisasgo te po wai.

Polgo Si Wali Pas Timotiba Asęani - 2TI 4:8

Megi da te udabo dąį ilaliba pedalali bidigo genuai nogi yai namba te sisi elama ena tonalubao. Te genuai nogi sabo namba te tiwai yaibao: te Genuai Bidigo ena te doloba pai bidi nogi poaibao. Genuai Bidi aga te doloba pai po tų ebo bidi jas, tama te genuai sogo pedalubode agai te doloba pai bidi nogi enabolo mawaibao. Tama agai enaduba delibolo naga te me magobeo. Menio. Te aga hania pedalubo suainu godolo homu ebo bidi dabe tigidalibolo te doloba pai bidi nogi mawaibao.

2 Korin 4:17

Te e tiwai: te da Godigo po pusubo bidi dabe, te dabolo pedalubo sęgę te dwasianu dao, tama te pęwadage sogo naga osogo elaluaibao. Tama da e tǫde bidibadi te sęgę tolobaso, nosali dagalude dago te sesemane sogo bugagia bidada peyu, bidada pabo wiegi yai nai mu saibao. Tama te dagalude bugagia bidabo te wiegi yai sęgo te dago megi elalubo dwasianu sęgę aiyaba mu elaluaibao, te wiegi yai mu naga yaibao.

Dwagi Yai Gesi Po Jongo Asęani 14:6

Jisasgo Tomasbolo te po wai, “Ena digi ena te pabo tų dao, tama ena mu po wabo page dali, bidabo ula page dali te enade elalubo dao. Tialima bidi me deli Aya pageba gasa tųdu nogo habu sugunai tųdu me pogobeo. Pabo tų ena deli dao.

Dwagi Yai Gesi Po Jongo Asęani 14:3

Tama eno dage bidabo bulu dodoligi peyu da, tama ena ma aselama, dage selama, ena dali bidigi paibao,” Jisasgo aga bidi dabebolo te po wai. “Ena bidibo bulude, dage me ena dali te bulude hodobo bidaibao,” Jisasgo te po wai.

Godigo Nogi Ugwaba Sabo Tęąbi Po Wabo Buku Dabe 17:15

Tialima, ena da, eno augwalide dwai sę me deli isąma, tama nosali eno nage mu sueibao. Nosali ena piali tagalama, ena hodaluama, tama nage ena dali bidibo sulama, ena dwagi yai homu mu yaibao.

Polgo Si Wali Pas Timotiba Asęani - 2TI 1:1

Ena Pol dao, ena Krais Jisasgo po sela pabo sę bidi dao. God aga homugo digi ena te sęba muani. Da te Krais Jisas dali wadolobaso da, teda Godigo te bidibo ula dabolo mawaibao. Agai te ula mabo po mu dąų walali. Tama agai ena te po we bidibolo pusigi pomainogo agai ena tagala palai dao.

1 Tesalonaika 4:17

Tama te sogo da tǫde isisiąwani we bidi, Godigo da te ma hodolali we bidi dali pǫgo odasa dagaluba holaibao, te da te asobo Genuai Bidi tiąba pomainogo yaibao. Tama elama, da te Genuai Bidi Jisas dali sesemane sogo bidada peyu, mu bidada paibao.

1 Korin 1:7

te Godigo dagebolo maiabo wiegi yai sę yabo bomo tigidali dagego sai dao, tede dage sǫą peyu habuge me ebeo. Tama dagego tama selama, dagego dago Genuai Bidi Jisas Krais hania pedalabo sogo asobo tonaluyu bidibo dao.

Dwagi Yai Gesi Po Jongo Asęani 20:31

Te bidi Jisas da, te Godigo sa muyu nosali asaibao wali bidi Krais dao, aga da te Godigo Ogwa dao. Tama dagego te po mu po dao homu emainogo, eno Jisasgo yali bomo yai sę po meba e bukude asęani. Tama dagego Jisas da te Krais dao, te aga Godigo Ogwa dao, dagego te homu eyu, aga dali wadoloyu, mu bidada pabo ula dagego somainogo eyu, eno agai yali sę po asęani.

Godigo Nogi Ugwaba Sabo Tęąbi Po Wabo Buku Dabe 73:24

Nago ena bugagia bilimainu ebo po mawai, tama nosali nago ena sobaso, tama ena nage dali te dagalude bidaibao.

Kraisgo Geme Dualali Sę Pedelabo Po Jonbolo Ola Mani 2:7

“Te olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elaluyu da, te bidibolo eno aga usu da weyu, tama agai te bidi bidibo ula mabo ni du sela tumainao waibao. Tama te bidi bidibo ula maiabo ni te God aga gide elalubo dao.’”

2 Timoti 6:14

nago te Godigo po bugagia tonaluao. Nago te gasa bagego te Godigo pode dolobo po wabo gogologio. Te nago bugagia tonaluali da, teda te pode dwai po wainogo yabo te usu meni yaibao. Nago tama tonalua pidubadi te dago Genuai Bidi Jisas Krais te ma asobo sogoba usu nagasu tama Krais aga hanilama hania pedalaibao.

Godigo Sęba Tagala Palai Bidigo Po 3:15

Te bidi Barabas da, te bidi ela mubo bidi da. Dagego Jisas agai da bida bida pomai hagede tau sabo bidi, te dagego ela muai dao. Tiali goli, Godigo aga gų pagede ma hodolali. Dadi sigo suali, aga ma bidibo. Tama dadi sigo koneama, te po dagebolo obe dao.

Dwagi Yai Gesi Po Lukgo Asęani 17:30

Te tiwai pedelaibao, nosali, ena e tǫba ma asobo sogode.

Polgo Po Pas Rom Dabeba Asęani 8:18

Te da e tǫde bidibadi te da God wali pabo we bidi dali dwai homu ebo bagego dabolo dene dali sęgę dali mabo dao. Tiali goli eno te Godigo dabolo nosali maiabo ula yai bomo dali, haniani wiegi yai nai dali, te naide eno homugo kone palobo si, te eno e po wabo dao, “E, te eno megi tolobo sęgę te genuai menio, te dwasianunu naga dao, te olo nai tiwai dao,” eno te homu ebo dao.

Polgo Po Pas Rom Dabeba Asęani 8:19

Te nosali Godigo da ugwaba selama, tama da agai wai dabe te hania hanilaibao. Tama te sę yabo sogo asobo te Godigo nigali tigidali naigo tonaluyu bidibo dao, te bidi aga homu memenege eyu, tama aga wiegi yai nai asobo sogo tonalubo tiwai gilama.