Kolosi 3:23 - Godigo dwagi yai po buku

²³ Tigidali sę dagego ebo, te sę dagego bomo elama yao. Tama dagego duga sę ebadi e homu yao, “Eno e sę ebo, te bidi naga tau siyu ebo menio, te eno e sę ebogo te Genuai Bidi Krais tau sabo dao,” te homu yao.

Kolosi 3:23 Referans Kwoze

Kolosi 3:17

Tama tigidali sogo dagego po obadi ma dagego nogogo sę ebadi, te tigidali ebo kolesaga dagego dago Genuai Bidi Jisasgo nogide yao, tama agai dage dali yali sęde dagego dago Aya Godibolo puba hwi po weyu bidao.

Polgo Po Pas Rom Dabeba Asęani 14:8

Menio. Te da bidibo ula elalubo sogo da, ma da isibo si da, te dago te Genuai Bidi dwagi yai homu ilabo sę yao. Tama tibaso, da bidibadi me, ma da isai digi yaibaso, da te Genuai Bidigo we bidi hani dao.

Tuni Bidi Dabego Po Elalubo Buku Si 31:21

Te king Hesekiago yali sę tigidali te Godigo tempel bede sę dabe tigidali ma hodolobo sę iyu, me Godigo bomai po me wali bugagia peyu yabo sę hodolali, Hesekiago aga homu kolesaga tomode Godigo homu kolesaga wali pabo homu bomo mu yali. Tama tiyu, agai ebo sę dabe tigidali wiegi yai mu pedelali.

Kolesaga Koneai Bidigo Pusali Po Elalubo Buku 9:10

Te nago sę me deli ebaso da, teda nago sągą dili tǫde dąų walama dolalu, te sę mu tama yao. Magi baso meni, te nago sę me isiąyu, ma homu kolesagade kone paliyu, ma te wiegi yai homu kolesaga konea sabo sę te isali bidi dabego bulude me egobeo, te nage pabo bulude te tama sę dabe me egobe dao.

1 Pita 2:15

Te Godigo homugo te dage te tuni bidi dabe dologode bidiyu, tama dagego te dwagi yai sę naga ebogo te homu kolesaga meni yai bidi dabego kedu meni yai po wabo pedauwali dąų waibao.

1 Pita 2:13

Te augwaligo gedude te dago Genuai Bidigo nogi tulaluidali weyu, augwali tigidali tuni bidi dologode dage bidao, augwaligo po wali pao. Tama tiyu, tama te genuai gavman tuni bidi dologode bidiyu agai wabo po odiąo.

Godigo Nogi Ugwaba Sabo Tęąbi Po Wabo Buku Dabe 119:10

Eno homu deli naga elalubao. Tama eno homugo nago sę yainogo ebo dao. Eno nago bomo yai po wali pabo tagalidali weyu, nago ena tau sao.

1 Pita 1:22

Te dagego Godigo wiegi yai mu po bugagia wali peyu tama duga homu kolesagade elaluali dwai kolesaga sela sąnama, tama dagego duga hasi we bidide dwagi yai homu ebo gagalali. Tama tiyu, megi dage bomo eyu, homu mu elaluyu duga hasi godolo mu yao.

Polgo Po Pas Rom Dabeba Asęani 14:6

Bidigo homugo deli sogo te polalubo genuai sogo da homu eyu da, te bidigo te Genuai Bidigo nogi ugwaba somainogo tama tebo dao. Te tigidali nai tubo bidi me, te bidigo te Godibolo te tubo naide puba hwi po obaso tama te nai tubo si agai te Genuai Bidigo nogi tama ugwaba sabo dao. Me ma, te tigidali nai me tusiąbo bidi me, agai te Genuai Bidigo nogi ugwaba siyu, tama Godibolo te puba hwi po weyu ebadi, aga nai meba tubo menio.

Godigo Nogi Ugwaba Sabo Tęąbi Po Wabo Buku Dabe 119:34

Nago te dwagi yai po enabolo hania bugagia ola mayu da, te eno wali paibao. Eno homugo ena hodolobaso da, te eno te dwagi yai po tigidali wali paibao.

Jeremaia 3:10

Judago ena tagalama, te dwai kolesaga ela biliyu, tiali te agai haliga munu ma begelama, enaba ma begasa asobeo. Menio. Agai haliga tibo begelainogo ebo tiwai yagasali. Ena Genuai Bidi, eno te po wai dao,” wali.

Godigo Nogi Ugwaba Sabo Tęąbi Po Wabo Buku Dabe 119:145

Genuai Bidi, eno gedu haluasa po bomonama mu nageba obao. Eno gedu haluasa po odao, tialima te eno nago po tigidali wali paibao.

Matyu 6:16

“Te dagego Godibolo po wainu tama nai osogo gisilidu gebo si, teda dagego dwai gesabi siyu, te hulia sabo te tiwai te ugwadu homugo naga po wabo bidi dabego nai osogo gisilama gesabi hulia sabo tiwai egimio. Te menio. Augwaligo gesabi doloyu, hulia sabo te we bidigo augwaligo nai gisilali sulama konemainogo ebo dao. Eno mu po dagebolo obao, augwaligo te tobage sę elama, tama we bidigo augwaligo nogi ugwaba sai goli, te tama dao, te Godigo te sę ebode augwalibolo wiegi yai nai me magobeo.

Efesus 5:22

Tama tiyu, te we dabe sibi deli deli dagego duga bidigo po bugagia wali peyu, te dagego te Genuai Bidi Kraisgo po wali pabo tiwai gilama te duga bidigo wabo po wali pao, augwali dologode bidiąo.

Godigo Nogi Ugwaba Sabo Tęąbi Po Wabo Buku Dabe 103:1

Eno Genuai Bidigo nogi ugwaba saibao. Ao, eno tigi me homu kolesaga tomode elalubo nai tigidaligo Genuai Bidigo dwagi yai nogi ugwaba sainogo ebo dao.