Kolosi 3:20 - Godigo dwagi yai po buku

²⁰ Wai dabe, dagego duga aya ida sigo wabo nai po tigidali odoyu wali pao. Te dwagi yai kolesaga ebogo te dago Genuai Bidi dwagi yai homu ilibo dao.

Kolosi 3:20 Referans Kwoze

Ma Dobola Sali 20:12

“Nago naga aya ida dologode bidama, tama augwaligo po wali pao. Nago tama tiyu da, te nage polo me isigobeo. Menio, te nage hauwa sogo te tǫde bidimainogo te God eno nago Genuai Bidi eno nage mawainogo homu ebo tǫde bidagameo.”

Bugagia Bidibo Kolesagade Po Asęai Buku 30:17

“Te aga aya idago po sela sąbo bidigo, tama te posobo po augwali siba obaso da, teda aga te isibo sogo te aga tigi me pubalugobeo. Teda te gedeli dabe, me te genuai kemodage ba dabe aselama, aga gedu gudulama, tama aga tigi mi tuaibao.”

Bugagia Bidibo Kolesagade Po Asęai Buku 6:20

Ogwao, nago te naga ayago po wali pao, tama nago idago po me sela sągio.

Bomai Po 27:16

“Te Livai dabego ma weyu, tama wao, ‘Tialima, te bidi mego aga ida ayago nogi dolai baso da, teda Godigo te bidi dolomainao.’ Tama te we bidi sesego te po waibao, ‘Mu tama dao. Godigo te tama timainao.’”

Kolosi 1:10

Tama agai te homu kolesaga dagebolo mobaso, teda dagego ebo kolesaga te dago Genuai Bidigo gedude te usu yaibao, tama te kolesaga tigidaligo aga homu dwagi yai ilaibao. Tama dagego haniani dwagi yai sę yaibao, te dwagi yai ni aga du walobo tiwai yaibao. Dagego God koneama tama te konebo sę genuai pedalaibao.

Matyu 19:19

Nago naga aya idago po wali pao. Tama nago gasa bidi dabe dali dwagi yai homu eyu godolo yao, te nago naga digi naga dwagi yai homu eyu godolo ebo tiwai kolesaga te gasa bidi dabe dali me tama naga tiao,” wali.

Malakai 1:6

Te Tigidali Bomo Elalubo Genuai Bidigo te tiwai po te pris dabeba wali, “Ogwago te aga ayago po wali peyu, te aya dologode bidaibao, me te sę ebo bidigo me te aga tonalubo bidigo po wali paibao. Odiąo. Ena duga aya dao. Magi baso dage ena dologoba aselama bidisąbo meniwe? Ena duga tonalubo bos bidi dao. Magi baso dagego eno po wali pisąma ebawe? Dagego ena tudiba muyu, te eno nogi te olo nai dao homu eyu ebo dao. Tiali goli dagego enaba hanalu, ‘Dago magi ilama nage tudiba mubawe?’ te po wali.

Bugagia Bidibo Kolesagade Po Asęai Buku 30:11

“Te meba bidi dabego te po wabo dao, Godigo te augwa aya idabolo te dwai sę emainao wabo dao.

Pris Sę Ebo Bomai Po 19:3

Dage deli deligo duga ida aya dologode bidu, te augwaligo po wali pao. Dagego te olo toma nabo sogo, te Sabat side, sę me igio, dage olo toma naga tuyu, bidao. Ena Genuai Bidi, ena duga God, eno te po wai dao,” wali.

Taitus 2:9

Nago te masigi sisąwai olo sę bidi augwalibolo te po wao: augwaligo tigidali sę ebode te augwa tonalubo bidigo augwali dali dwagi yai homu emainogo tama augwaligo augwa tonalubo bidigo po odolama, tama augwali dologode naga bidao. Tama augwaligo augwa tonalubo bidi dabebolo po wei ponoyu te dwai po me olamuo.

Efesus 5:24

Tama tibaso agai po wali pabo we bidi te Krais aga dologode bidibo gilama, te tiwai dage we dabego me tama naga tiyu, sesemane sogo dagego duga bidigo po bugagia wali peyu duga bidi dologode bidao.

Bugagia Bidibo Kolesagade Po Asęai Buku 20:20

Te bidigo i ola mabo po te aga aya idabolo wali da, teda aga isaibao, te lam sole isiyu, te be hulia sabo tiwai gilama yaibao.

Filipai 4:18

Dagego mani tigidali nai usu elama eno selama, ena sǫą pabo meni. Te dagego dwagi yai nai dabe te bidi Epafroditus nogoba munama, tama agai tolasa asai, te eno sai, tama megi ena pągąna pabo. Te dagego tolali nai dabe augwali da te Godibolo olo maiabo denami ebo ofa nai tiwai dao, te agai gedude te usu dao, tama agai homu dwagi yai ilibo nai dao.

Esekiel 22:7

Te Jerusalem taunde mena bidi me deligo te aga aya idago po dologoba me pabeo. Te dage dali bidibo gasa tǫ kantri bidi dabeba dagego dwai sę ebao. Te wilawe we dabeba te dagego dwai sę yali, te tiana wai dabeba me te tiwai dwai sę ebo dao.

Tigidali Nai Gagalama Nigali Side 28:7

Tama agai koneani, Jekopgo te aga aya idago po wabo odama, tama aga te Mesopotemia buluba pai.

Kolosi 3:22

Dage sęde dąų olama masigi sisąbo sę ebo bidi dabe, duga tonalubo bidigo po tigidali wali pao. Augwaligo dage dali dwagi yai homu emainu tama augwaligo dage tonalubadi naga dagego duga sę bugagia egimio. Te meni. Tigidali sogo dagego dago Genuai Bidi Krais dali wi eyu aga dologode bidibaso, tama homu mu eyu dagego duga sę bugagia yao.

Bomai Po 5:16

“‘Dage duga ida aya dologode elaluyu, tama augwaligo po wali piąo, te ena God, dagego Genuai Bidi, eno dagebolo wabo yali gilama. Tialima, dagego te tama sę eyu da, teda dagede tigidali sę wiegi yai mu pedelaibao. Tama dage eno megi te mabo te tǫde dage bobobage sogo mu bidaibao,’ wali.”

Rutgo Po Elalubo Buku 3:5

Tama Naomigo po ola silibo si, teda, Rutgo po wei ponani, “Wiegi yai dao! Te eno nago po tigidali wali paibao,” wali.

Jeremaia 35:8

Tama sesemane sogo dago te po tigidali wali paibao, dena wąį nǫų Jonadapgo dabolo mawai. Dago dali, te we wai dabego me, dago te wain tubo menio.