Kolosi 3:2 - Godigo dwagi yai po buku

² Sesemane sogo dagego te Godigo bidibo digide elalubo naide homu dąų wao. Dagego tǫde naiba duga homu mugio.

Kolosi 3:2 Referans Kwoze

Tuni Bidi Dabego Po Elalubo Buku Deli 22:19

Tama tialima, megi da, dagego homu deli naga elalu, tama dagego bomo mu elama, te dago Genuai Bidi Godigo homu wali pao. Tialima megi da, dagego te Genuai Bidi Godigo be sę ebo gagalao. Tama nosali dagego te Genuai Bidigo Dąų Wali Bomai Po Munalubo Halobage me te dis plet agai nai dabe selama, tama te beba muagameo, te be da te we bidi augwali te Genuai Bidi pageba aselama lotu wagasabo be dao,” Devitgo te po wai.

Kolosi 3:1

Dage Krais dali hodobo gų pagede ma hodaluama tama gesi noma bidabo ula elaluyu bidibao. Tama tialigo da, dagego bomo elama, duga homu te dagalude elalubo naiba muao, tede elalubo nai sabo homu yao. Tede Krais aga tuni bidi duabo saide bidibao, te God aga dolo nogo badu.

Matyu 16:23

Tama Jisas begelama, Pitabolo te po wai, “Satan, nage ena tudi badu soao. Nago eno pabo tųde tųą palobo nai tiwai dao. Nago Godigo homu kolesaga wali pabeo. Menio. Nago e tǫde bidigo homu kolesaga naga wali peyu, enabolo te po wai,” Jisasgo Pita dali te po wai.

Matyu 6:19

“Dagego duga wiegi yai doado bage e tǫde sabogimio. E tǫde dwai asibago me te yaba ilibo nai dabego te nai doloyu, me te nai wi sabo bidi dabego te be tomode munalubadi aselama, nai wi sabo dao. Tama tibaso, te nai e tǫde sabogimio.

Kolosi 3:5

Dage Kolosi bulude bidibo we bidi, dage Krais dali hodobo gų pagede ma hodaluali ąǫ tiwai ebaso, dagego te duga tigigo ebo dwai kolesaga tigidali isilao, te tǫde kolesaga ebo tagalao. Te tobage kolesaga e dao: dwai penani ebo kolesaga dali, meda yai kolesaga dali, te homu hodolobo dwai sę yabo kolesaga dali, te habu selali nai sabo homu ebo dali, tama doado bage hauwa sainogo godolo ebo kolesaga dali. Te doado bage hauwa sabo kolesaga da, te tibo god selama tama agabolo lotu po weyu aga dologode bidibo kolesaga tiwai dao.

Dwagi Yai Gesi Po Lukgo Asęani 12:15

Te we bidi dabebolo agai te po wali, “Dua dao, duga tobage nai yogo idali weyu. Nai hauwa mu mubo te bidi geswai bidibo menio. Nai hauwa mu mubo te bidi te aga bidibo ula sabo te usu menio,” wali.

Godigo Nogi Ugwaba Sabo Tęąbi Po Wabo Buku Dabe 62:10

Tama tibaso, dagego te tama homu igimio, “Te hwįbo kolesaga me, te nai dabe wi sabo kolesaga me, te wiegi yai kolesaga da weyu, tama da te mone bidi pedalubaso, te usu yaiba,” homu me igio. Ma, te dagego mone me doado bage te hauwa pedalubaso da, teda dagego te nai dabeba naga duga homu mugio. Te usu egobeo.

Godigo Nogi Ugwaba Sabo Tęąbi Po Wabo Buku Dabe 91:14

Godigo te tama po wali, “Te eno te ena wei mu ebo bidi dabe augwali ma saibao, tama te eno te ena mu koneani bidi dabe seselalubo dao.

Dwagi Yai Gesi Po Lukgo Asęani 16:11

Tama tibaso, nage e tǫde bidibo doado bage bugagia tonalusąbaso da, teda bidi mego nage te doado bage mu me magomeo.

Filipai 1:23

Eno homu si ebao, tama te homu sigo ena augwali si tomode dąų walali. Te homu me e dao: ena Krais dali bidigi pomainu ena isaio homu bomo elama ebo dao. Te aga dali bidibogo te e tǫde bidibo kolesaga aiyaba mu elaluaibao.

Bugagia Bidibo Kolesagade Po Asęai Buku 23:5

Te nago mone hauwa sobadi goli, te tagala, te polo tama sia saibao. Te mone te ba bogo tiwai elama, tama te ba kemodage tiwai ugwaba bola holobo dao. (8)

Kolesaga Koneai Bidigo Pusali Po Elalubo Buku 7:14

Te nago bidibo ulade sę dabe te bugagia dolalubaso da, teda nage wiegi yai homu pemene yao. Te dwai sogo nageba pedalubaso da, teda nago te tama homu yao, Godigo te wiegi yai sogo dabolo tagala palu, te dwai sogo me dabolo asomainu tagala palaibao. Tibaso, magi sę nosali daba pedelabo, te dago konebe dao.

Tuni Bidi Dabego Po Elalubo Buku Deli 29:3

Eno te sisinani nai dabe daide ugwadu, eno te ena gol dabe me silva digi mawai. Magi baso meni, eno te ena Godigo tempel bede dwagi yai homu godolo genuai ebaso eno te tama sę yalio.