Kolosi 3:19 - Godigo dwagi yai po buku

¹⁹ We sai bidi dabe, dage deli deligo duga we dali abagi homu eyu aga bugagia tonaluao. Tama sesena pai bidigo kolesaga tiwai naga we dali egio.

Kolosi 3:19 Referans Kwoze

1 Pita 3:7

Te dage we sai bidi dabe me, dage Godigo we bidi hani dali dwagi yai homu eyu, tama dage deli deli duga we dali tau sabo homu eyu, abagi homu eyu, bugagia bidao. Tama dagego koneani, te bidi me aga we me augwali sibolo God agai te bidada peyu, bidada pabo bomo olo mawaibao. Tama dagego augwali bomo genuai meni homu ebadi, te bidi agai aga wego nogi ugwaba sao. Bidigo tama tiyu bidibaso da, teda Godigo augwali sigo aga hanalu wabo po odaibao.

Kolosi 3:21

Aya dabe, dagego duga wai dabe dali wado po tigidali sogo olamuo, te augwali dwai homu ilibo kolesaga egimio. Dagego augwali dali te tobage kolesaga eyu da, teda augwaligo te sębę sabo homu eyu, tama dwagi yai kolesaga ebo tagalaibao.

Efesus 5:25

Tama bidi dabe deli deli, dagego duga we dabe dali abagi dao homu eyu, godolo mu yao, te Kraisgo aga po wali pabo we bidi godolo mu yaligia tiwai yao. Agai da godolo mu eyu, aga bidabo ula tagalama da tau siyu aga te ni pedaide elama isai dao. Tama agai da dali godolo eyu tau sabo homu tiwai dagego duga we dali tama naga tiao.

Efesus 4:31

Tama dagego boi bidi homu ebo me, te wado po weyu tama homu sębę ebo me, te genuai po daga wabo me, te posobo po me, te moni dwai homu ebo me, te tigidali dwai kolesaga ebo tagaliyu sela sąyao.

Efesus 5:33

Tiali digi agai dage deli deli bidi dali me te po wali, “Nago naga tigi dali dwagi yai homu eyu godolo mu ebogia, nago naga we dali dwagi yai homu eyu, godolo mu yao.” Me ma, we dabe dagego duga bidigo nogi ugwaba selama augwali dologode bidao.

Kolesaga Koneai Bidigo Pusali Po Elalubo Buku 9:9

Dago bidibo ula te olo nai tiwai ebao, te aga page meni yai elalubao. Tialima, nago te we deli godolo homu mu ebaso da, teda tigidali side te Godigo nage da olama, dąį ilali te tǫde bidibao, nago te we dali wiegi yai homu pemene yao. Godigo te kolesaga yabo sę nageba dąį ilali, te nage tǫde bidibo sogo nago te sę emainogo yali.

Tigidali Nai Gagalama Nigali Side 24:67

Tama Aisakgo Rebeka te aga ugwa beba odasa pelama, tama agai aga salio. Aisakgo te Rebeka godolo mu elama, tama aga homu wiegi yai ma yali. Polobadu te aga ida isibaso, tama aga homu dene eyu, homu sęgę elaluai dao.

Jems 3:14

Tiali goli, dagego dwai homu gasa we bidi dabe dali elaluyu, tama dagego augwaligo nogi ugwaba sabo eno hagelabo homu eyu da, tama dage nai yogo homu eyu da, dage te tobage dwai homu eyu da, teda geda muyu dagego te po wabo dao, “Da da, te wiegi yai homu eyu, te dwagi yai po konebo bage dao.” Te tobage tibo po wabo tagalao, duga nogi ugwaba sabo po wagimio.

Dwagi Yai Gesi Po Lukgo Asęani 14:26

“Niwai bidi ena wali pai hagede homu ebaso da, te ena godolo mu tama eyu, ena wali pai hageda, te usu da. Tama agai aga ida aya dali, aga we wai puluba dali, aga ama dede, abe dede godolo mu eyu, tama agai ena dwasianu godolo homu eyu da, tea te tobage bidi ena wali pogobeo. Tama te agai aga digi aiyaba munama, agai ena ugwaba muyu, aga ena wali pabo, te usu dao.

Polgo Po Pas Rom Dabeba Asęani 3:14

Sesemane sogo augwaligo dwai dwai i ola mabo po odu geyu, te bidibolo sęgę mayu tebo dao.