Kolosi 3:18 - Godigo dwagi yai po buku

¹⁸ Dage bidigo sai we dabe sibi, dage deli deli duga bidi dologode bidiyu agai po odao. Dage dago Genuai Bidi Krais wali pabo we bidibaso tama tiao.

Kolosi 3:18 Referans Kwoze

Efesus 5:22

Tama tiyu, te we dabe sibi deli deli dagego duga bidigo po bugagia wali peyu, te dagego te Genuai Bidi Kraisgo po wali pabo tiwai gilama te duga bidigo wabo po wali pao, augwali dologode bidiąo.

1 Korin 11:3

Me ma, te dagego ena te po hanalu wali, “Te da deliba sisinama tama Godibolo po weyu, tama Godigo po odoyu tebo sogo, te dago we dabe sibi augwaligo augwa tobolu te nami ugwago haluaibawe ma meniwe?” te po dagego ena hanalu wai dao. Tiali goli eno homugo hasia dagego te po konemainogo obao: te bidi Kraisgo tobolu bidi te God dao, tama tigidali bidigo tobolu bidi te Krais dao, tama wego tobolu te aga bidi dao.

Tigidali Nai Gagalama Nigali Side 3:16

Tama Yawe Godigo te webolo te po wai, “Te nage haliga elalubadi, te eno nagebolo genuai sęgę mawaibao. Tama nago wai ame nabo sogo, te nage genuai dene yaibao. Tiali goli, te nago naga bidi godolo mu eyu, tama agai nage tonaluaibao,” wali.

2 Timoti 2:12

Te Godigo po odobo we bidi hani tomode te eno te we me deli te po ola mabo tisa bidi ma te bidi dabego tobolu we bidimainogo me gogolobo menio. Te menio. Te we dabe sibi augwali te pedauwali pania selama, tama bidigo wabo po naga odao.

Esta 1:20

Nosali nago te po te nago tonalubo bulu tigidaliba te po bila silai madi, te tigidali wego te augwa bidigo po bugagia odomainogo, te nogi elalubo bidi, ma te nogi meni yai bidigo me, te augwa wego po odomainu yaibao,” Memukango te po wai.

Godigo Sęba Tagala Palai Bidigo Po 5:29

Te tiali goli, Pita dali, me badu Jisasgo tagala palai bidi dabe, augwaligo te po wei ponoyu, te po wai, “Te dago dagego wali po wali pogobeo. Godigo dabolo mani genuai po mu dago wali paibao.

Efesus 5:3

Te God agai dage aga hani we bidi nigaligo da, teda te penani ebo kolesaga me, te dwai dwai meda yai kolesaga me, te mena gasa bidigo nai pesa eyu godolo ebo kolesaga tigidali, te tebo dwai kolesagago ebo sę dwasianu munu me dage tomode te pedalamuo. Gasa we bidi dabe augwaligo dagego te tobage dwai kolesaga yali po waidali weyu, tama dagego doloba peyu bidiąo.

Efesus 5:9

Tama te gide bulali nai bugagia holama, tama geninama walobo gilama tama te tiwai me te ulago agai te tigidali dwagi yai kolesaga ebo me, te doloba pai kolesaga me, te homu mu sai wiegi yai kolesaga, te tigidali hania bugagia ugwaba hanilama pedalobo dao.