Kolosi 3:1 - Godigo dwagi yai po buku

¹ Dage Krais dali hodobo gų pagede ma hodaluama tama gesi noma bidabo ula elaluyu bidibao. Tama tialigo da, dagego bomo elama, duga homu te dagalude elalubo naiba muao, tede elalubo nai sabo homu yao. Tede Krais aga tuni bidi duabo saide bidibao, te God aga dolo nogo badu.

Kolosi 3:1 Referans Kwoze

Polgo Po Pas Rom Dabeba Asęani 8:6

Te augwa homude elalubo dwai sę ilibo kolesagaba naga homu dąų wabo we bidi, augwali da dwai sęgo dolama te bidada peyu bidada pogobeo. Tiali goli bidigo homugo te Mobo Bidigo wiegi yai kolesagaba homu dąų weyu da, te bidi te bidibo ula bidiyu, tama homu nagame elama bidada peyu, bidada paibao.

Matyu 6:33

Tama tibaso, te naide moni homu isiąma, tama dagego hasia bolo te Godigo we bidi tonalubo sę dali, me te wiegi yai doloba pai kolesaga sabo sę bolo wali piduama sao. Dagego te tama kolesaga ebaso da, te nosali agai gasa nai dabe tigidali me dagebolo mawaibao.

2 Korin 4:18

Magi baso meni. Dago te gedugo e tǫde subo nai dabeba dago tonǫlǫ me ebo meni. Te menio. Dago koneani, dago gedugo subo nai, te pęwadage sogo naga elaluaibao. Tama dago gedugo te susiąbo nai, te sesemane sogo bidada peyu, bidada paibao. Tama tibaso, te tobage naiba naga dago dena gedugo tonǫlǫ ebo dao.

Kolosi 3:2

Sesemane sogo dagego te Godigo bidibo digide elalubo naide homu dąų wao. Dagego tǫde naiba duga homu mugio.

Matyu 6:20

Te menio. Te dagalude te dwai asiba dabego me te doloyu, te dwai yaba ebogo te nai me dologobeo, tama te nai wi sabo bidi dabego te be aluama te nai wi me sagasogobeo. Tama tibaso, dagego duga wiegi yai doado bage te dagaluba naga saboama muiąo.

Hibru 12:2

Tama tiyu dago gedugo Jisasba naga tonono iyąo, aga te dago agade konealubo po dąų wabo kolesaga page bidi, tama nosali agai dago agade tią pabo kolesaga ebo mu usu naibao. Polobadu Jisas aga homugo te wiegi yai homu pemene yabo sę te nosali sabo homu elama, tama aga bomo elama bidali, tama aga dene bugagia tolama aga ni pedaide isai. Agai homugo te ni pedaide hale sabo te olo nai tiwai da, te homu yai. Tama megi da agai genuai nogi elalubaso, aga te God dulalubo sia saide te dolo nogo badude megi dulaluyu bidibo dao.

Dwagi Yai Gesi Po Lukgo Asęani 12:33

Duga munalubo nai dabe tigidali gasa bidibolo menama, mone ge selama, nai meni yai we bidibolo maiąo. Dagego tama tiyu da, ta duga wiegi yai nai dabe dagalude muiąo. Tama tede te nai me dologobeo, bidi mego wi sogobeo, mano dabego me tugobeo.

Godigo Nogi Ugwaba Sabo Tęąbi Po Wabo Buku Dabe 16:11

Nago digi ena te bidibo ula te tų ola mawai. Nage ena dali pąde bidibaso, nago te eno dwagi yai homu mu ebo dao. Tama nago ena sesemane bidada pabo sogo tau sabo, eno dwagi yai homu mu ebo dao.

Hibru 1:3

Te Ogwa agai te Godigo wiegi wiegi yai homu kolesaga te dabolo hania ola mabo bidi dao, tama aga te God tiwai gagawai mu tama. Agai po da te genuai bomo elalubo, tama te bomai pogo agai te tigidali bidibo nai me bidaluao odubadi tama te bidalubo dao. Agai te we bidigo sęgę sali sela sąbo sę te silama, tama megi da te Tigidali Bomo Elalubo Tuni Bidi, te God dolo nogo badu dulalubao, aga genuai bidi mu dao.

Dwagi Yai Gesi Po Lukgo Asęani 22:69

“Tiali goli, megi me, tigidali sogo nosali me, te Godigo Bidi Mu te bomo tigidali elalubo Godigo dolo nogo badu bidaibao, polalubo bidi bidabo madide. Ena da te Godigo Bidi Mu dao,” Jisasgo te po wai.

Kolosi 2:20

Dage Krais dali hodobo isali tiwai yai. Tama tialigo da, teda megi dage te tǫ dali dagalu dali si tonalubo dwai genuai mobo bage dologode me bidibeo. Tama tibaso, magi baso dage tǫde bidi tiwai me bidibawe? Magi baso dagego tǫde bomo yai po dologode bilibawe?

Hibru 8:1

Te dago te wabo po page mu, te po e dao: dago te tobage polalubo pris bidi elalubao, tama aga genuai nogi elalubaso, aga te dagalude te Polalubo Tuni Bidi Godigo dolo nogode dualaluyu megi bidibo dao.

Polgo Po Pas Rom Dabeba Asęani 8:34

Te dego da dali te dwai sę yali bidi te dwai dene sabo po wagawe? Menio. Magi baso meni. Krais Jisas aga digi isąma, tama ma hodalubadi yai. Tama aga digi te Godigo dolo nogode genuai bidi bidiyu, tama God hanalu wabo po wabogo me da tau sabo dao.

Hibru 10:12

Tiali goli Kraisgo aga digi te sęgę sela sąbo ofa te deli sogo naga mani, tama te ofa te tigidali sogo usu nama elalua paibao. Agai tama tilama, tama aga megi te Godigo dolo nogode dulalubao.

Matyu 26:64

Jisasgo agabolo te po wali, “Awe, nago po wali ena te tiwai dao. Tiali goli eno dagebolo obao, nosali dagego te Godigo Bidi Mu te Tigidali Bomo Elalubo Godigo dolo nogo badude dualalubo sueibao. Tama aga te ugwadu daide elalubo pǫde bidama asobo, te me dagego sueibao,” wali.

Efesus 4:10

Tama hasia dulali bidi, aga me te nosali ugwaba holali bidi dao. Aga holali, te dagaluba holai, tama te dagalu ela soali, te sigiba mu holali, agai te tigidali bulude elalubo sese isąwai nai tigidali te ma siminainogo aga holali.

Dwagi Yai Gesi Po Makgo Asęani 14:62

Tama Jisasgo te po wai, “Te ena tama dao. Tama nosali dagego te Godigo Bidi Mu te Tigidali Bomo Elalubo Godigo dolo nogode dualama asobo dagego sueibao. Tama aga te dagalu tomodu te pǫ me deli daidu dualasa asaibao,” wali.

Hibru 1:13

Polobadu Godigo te po wai, “Nage genuai bidi ena dali hodobo bidimainogo eyu, tama eno dolo nogo badu duayao. Tama dualubadi, te eno nago boi bidi dabe augwali te nago sągą dologoba muaibao.” Tiali goli me sogo Godigo te po te ensel mobo bidi me deli dali waliwe? Menio.

Godigo Sęba Tagala Palai Bidigo Po 2:34

Tama Devit aga digi dagaluba pai menio, te Jisas yaligia. Me ma Devitgo e tǫba wai, ‘Eno Godigo eno Genuai Bidibolo te po wai, “Nage eno e dolo nogo badu dugayao.

Dwagi Yai Gesi Po Lukgo Asęani 20:42

Buku me nogi Sam, te lotu tęąbi po wabo buku tomode te bidi Devitgo te po asęani, ‘God agai eno Genuai Bidibolo te po wai, “Nage eno dolo nogo badude duayao.

Dwagi Yai Gesi Po Makgo Asęani 16:19

Genuai Bidi Jisas agai po augwaliba pusa silama, tama Godigo aga selasa te dagaluba holai. Tama megi da, aga te Godigo dolo nogo badude dualalu bidibao.

Dwagi Yai Gesi Po Makgo Asęani 12:36

Te polobadu Godigo Tedali Mobo Bidigo te Devitbolo te homu kolesaga mobaso, tama Devitgo digi te po wai, ‘Genuai Bidi agai te eno Genuai Bidibolo te tiwai po wai dao: “Nage eno dolo nogo badu duayagasao, te nosali te eno nago boi bidi dabe aiyaba elaluama, tama augwali nago dologoba muabo sogo usu nagasaibao,” te po wai.’

1 Pita 3:22

Tama te Jisas Krais aga te gų pagede ma hodolama, tama Godigo dagalude bidibo madiba sabolama tama genuai nogi sobaso, aga te Godigo dolo nogo badu megi bidibao. Tama aga tede bidiyu, tama ensel mobo bidi dabe tigidali dali, te noma bidi tuni bidi dabe dali, te bomo yai noma bidi dabe dali, augwali tigidali Krais aga dologode bidibo dao.

Godigo Sęba Tagala Palai Bidigo Po 7:55

Tiali goli, Godigo Dwagi Yai Mobo Bidi aga homu kolesagade pągą yanio. Tama agai ugwaba dagaluba tonalubadi, Godigo dwagi yai ula suali. Tama agai suali, Jisas te Godigo dolo nogode dolalubo suali.

Matyu 22:44

‘Genuai God agai eno Genuai Bidibolo weyu, te po wai, “Nage eno dolo nogo badu duayao, tama te eno nago boi bidi dabe nageba munama, tama nago dologoba mubo sogo pedelabo tonaluao.’

Bugagia Bidibo Kolesagade Po Asęai Buku 15:24

Te wiegi yai homu elalubo bidigo da, te sunumidu ugwaba holama, te aga bidabo ula saibao. Tama tialima, aga te isali bidi dabego pesageba me dulugobeo.

Godigo Nogi Ugwaba Sabo Tęąbi Po Wabo Buku Dabe 110:1

Yawe Genuai Bidigo eno genuai bidiba te tama po wali, “Nago eno dolo nogode dugulalu, te nago boi bidi dabe te eno nage dologoba mubo sogoba usu naibao.”

Kolesaga Koneai Bidigo Pusali Po Elalubo Buku 10:2

Te wiegi yai homu kolesaga elalubo bidi agai wiegi yai kolesaga ebo dao. Tialima, te wiegi yai kolesaga elalusiąbo bidi, agai te dolo isąwai kolesaga ebo dao.

Efesus 5:22

Tama tiyu, te we dabe sibi deli deli dagego duga bidigo po bugagia wali peyu, te dagego te Genuai Bidi Kraisgo po wali pabo tiwai gilama te duga bidigo wabo po wali pao, augwali dologode bidiąo.