Kolosi 2:5 - Godigo dwagi yai po buku

⁵ Magi baso meni. Ena dage dali megi bidibo meni goli, eno homugo dage dali kone palobo dao. Tama dagego Kraisde konealubo po bugagia dąų olama, tama hani deli naga wadoloyu, tama dage homu dila pai we bidi bugagia bidibao. Eno dagede tama konebaso, ena dwagi yai homu pemene ebao.

Kolosi 2:5 Referans Kwoze

1 Tesalonaika 2:17

Dago abagi dabe, Juda bage augwaligo da dage dali bidibadi ela gudulai dao. Tama tiyu, da aya ida meni yai wai bidibo tiwai yai dao, osogo. Dago dage gesabi subeo. Tialima, dago homu dage dali bidibao. Tama dago dage gesabi suainogo asabo tų gegebo sę bomo mu yai. Dago dage suainogo dago homu bomo mu yai dao.

1 Pita 5:9

Tama dagego duga Godide konealubo homu bugagia dąų olama, tama dolaluyu te boi bidi sela sąyao. Dagego koneani, te augwaligo dage dene mabo tiwai gilama eyu, te gasa bidi dabego te Godigo hani we bidi tigidalibolo te tobage dene mabo dao, te tigidali tǫde.

1 Korin 16:13

Dagego bugagia tonaluyu, tama te Kraisde konealubo pode bomo elama bugagia dolaluao. Dage bidi mu sesemane sogo bidiyu, tama bomo elama bidaloao.

Hibru 3:14

Magi baso meni. Polobadu dago Godide konealubo po dąų wali, teda te konealubo po megi me dago bugagia dąų weyu, teda da isiboba usu nigi paibao. Dago tama tiyu da, teda da te Krais dali wadolama, tama sę deli naga aga dali hodobo eyu tama bidaibao.

1 Korin 14:40

Tiali goli dage deliba sisinama tama lotu po obadi, te subigila egimio, te sę dodolama tama wiegi yai naga pedalomainao.

Hibru 6:19

Tama agai wali pode dago dwagi yai homu eyu tonalubo kolesagago te dago homu bugagia dąų wabo dao, agai po te genuai sęgę yai ain nai bonogo gebelama, tama te moni geba sip tede dąų olama, tama te tamu ąį sesegede te sip bugagia dąų ola sali tiwai dao. Tama te tonalubo kolesagade dago homu si ebo meni, tede dago mu koneani, te Godigo wali po mu po pedalaibao. Tama te homu eyu, dago dena homu te Jisasba muai dao. Aga te dagalude elalubo Moni Lotu Be tempel tomoba pelama, tama tede walali genuai nami ugwa tudi badu pelama, tama te God bidibo be habuba mu sabolai dao.

1 Tesalonaika 3:8

Magi baso menio. Dage Genuai Bidi agai bomode bomo elama, tama aga dali bugagia wadoloyu ebaso, teda te tebogo dago sęgę dali dene dali si aiyaba elaluali. Tama elama, da moni dwagi yai homu elama, da bugagia bidibao.

1 Korin 15:58

Eno ama dede muo, te da nosali ma hodaluama tama tebogo te isibo kolesaga aiyaba mu elalubaso, megi dage bomo elama bidiyu, tama wi homu eyu dwasianu ibaba kila selamuo. Te dagego Genuai Bidigo sę dene ebo, te olo me tagalogobeo, te sę ebogo aga du mu walaibao. Dagego te tiwai koneama, tama sesemane sogo dagego dago Genuai Bidigo sęde sę bomo mu yao.

Godigo Nogi Ugwaba Sabo Tęąbi Po Wabo Buku Dabe 78:37

Augwaligo agai po wali me pabe, tama augwaligo te aga dali dąų walali bomai po bolama, togalio.

Godigo Nogi Ugwaba Sabo Tęąbi Po Wabo Buku Dabe 78:8

Tiyu, augwali te augwa wąį nǫų dabe tobage tiwai pedelabuo. Te wąį nǫų dabego te hagoma eyu, tama Godigo po sela sąnama, tama augwa konealubo homu agaba dąų mu me wasiąwai, tama augwaligo te agai po sesemane wali me pabeo.

Tuni Bidi Dabego Po Elalubo Buku Si 29:35

Te pris dabego iside mu dela silibo ofa hauwa mu yali. Tiali goli augwaligo te sę deli naga ebeo. Menio. Augwaligo homu deliba ebo ofa kibu ili me ulali, tama augwaligo te we bidigo te isigo mu dela silibo ofa dali ulabo wain me augwaligo sali, tama augwaligo ofa tiwai gelali. King Hesekia me te we bidi augwaligo Godigo augwali tau selama, te sę dabe polo silimainu yali kone palali. Tialima augwaligo Godiba wiegi yai homu pemene mu yali. Tama te kolesagago augwaligo te ofa ebo kolesaga me Genuai Bidigo tempel be tomode lotu wabo kolesaga ma gagalali.

Kolosi 2:1

Eno homugo dagego tama koneao: eno sę dene eyu, eno dage Kolosi bage dali, te Laodisia hanude bidibo Godigo po odobo we bidi hani dali, te gasa ena gesabidi susiąwai bidi dabe tigidali dali, eno dage dali augwali dali tau sabo sę yai dao.

1 Korin 11:34

Te me deli moni nasi ebaso da, te agai bede nai tuao. Tiyu dage deliba sisinibo kolesagade Godigo dagebolo sęgę magobeo. Te gasa kolesagade elalubo po, te nosali ena dageba asobo sogo te eno dodolaibao.

Godigo Sęba Tagala Palai Bidigo Po 2:42

Tama augwali wadolali we bidi augwaligo Jisasgo tagala palai sę bidi dabego augwalibolo po hauwa mu ola momaina homu yali. Tama augwali deli hani tiwai bidali. Tama augwali deli madi hodobo nai tubo da, augwali Jisasde homu dąų wai dao weyu yai. Augwali Godibolo hodobo po wabo da.

Rutgo Po Elalubo Buku 1:18

Naomigo koneani, Rut aga dali painogo bomo mu yali, tibaso agai po me wabeo.

Godigo Sęba Tagala Palai Bidigo Po 20:21

Sesemane sogo eno dagebolo po bomonama weyu, te po wai dao, ‘Te Juda bidi dabe me, te Grik bidi dabe me, dagego dwai sę ebo kolesaga me tudiba tagalama, homu begelama, God pageba aselama, dagego homu Jisasba mu muao.’ Te dage tau sabo po eno dagebolo tigidali sogo konelai dao.

Israel Hanigo Namba 7:11

Magi baso meni, Genuai Bidigo Mosesbolo e tama po walali, “Te deli deli bidigo te ofa ebo te alta eno dao olama sa muao. Te deli bubugade te deli bidigo ofa eyu, tama nosali bubugade gasa bidi me deligo ofa eyu tama yao, tama te tiwai augwali tigidaligo te ofa tigidali siligi pao,” wali.