Kolosi 2:21 - Godigo dwagi yai po buku

²¹ E tobage bomo yai habu selebo po elalubao, “E nai nogogo tugio, u nai tula sugio, te gasa nai nogogo diągio.” Dagego te bomo yai po magi baso odobawe?

Kolosi 2:21 Referans Kwoze

2 Timoti 4:3

Tama tiyu, augwaligo e tiwai po ola mabo dao, “Dagego te we sabo sę elamuo, te sę habu selai sę dao,” te po augwaligo ola mabo dao. Tama me augwaligo haniani tubo nai me badu habu selebo dao. Tiali goli Godigo te nai dabe nigali te da bidigo konealubo po dąų weyu tama agai mu po koneani we bidi, dago te nai dabe selama tuyu, tama Godibolo gedu haluasa po weyu ‘Nage usu da’ omainogo yai.

Tigidali Nai Gagalama Nigali Side 3:3

Tiali goli, te tomode dolalubo nedu du me deli digi da, te da si go tusiąma habu selai. Godigo te tiwai po wai, ‘Dage sigo te nedu du togola tugio, ma dage sigo nogogo diągio. Tiyu, dage si isabuo,’ wali,” wego te po wai.

Aisaia 52:11

Dage tigidaligo te Babilon tagalama, asiąo. Te bugagia dua dao, tiyu dage te God gedude wiegi yai isąwani naide pania sabuo. Dage te hanigo te pou dis dabe, me pou dabe, te Genuai Bidigo bede nai sela paibao, dagego duga digi te God gedude wiegi yai pedalubo kolesaga wali pao. Dage tigidali te magi meda meni yai bidama, asiąo.

2 Korin 6:17

Tama Genuai Bidigo te aga we bidigo te dwai sę ebo bage tagalamainogo eyu po ma wai, “Tama tibaso, dagego augwali tagalama, tama gasa madi bidigi pao, tedali mu bidao. Tama dagego te augwaligo dwai sę yabo meda yai nai munu me tolamuo. Tama ena digi eno dage saibao.

Kolosi 2:20

Dage Krais dali hodobo isali tiwai yai. Tama tialigo da, teda megi dage te tǫ dali dagalu dali si tonalubo dwai genuai mobo bage dologode me bidibeo. Tama tibaso, magi baso dage tǫde bidi tiwai me bidibawe? Magi baso dagego tǫde bomo yai po dologode bilibawe?

Kolosi 2:22

Te bomo yai po te naide wabo dao, tiali goli dago te nai tubaso da, te nai mu ela silibo dao. Te tobage bomo yai po dabe, te bidigo naga augwa homugo nigilama tama ola mabo dao.