Kolosi 2:2 - Godigo dwagi yai po buku

² Magi baso meni. Eno homugo te dage me, augwali me, dage tigidaligo homu kolesaga bomo emainu eyu, tama augwa hasi dwagi yai homu eyu godolo ebo kolesaga ebogo augwali deliba kęą somainogo ebo dao. Tama eno homugo me te augwaligo te Godigo gesi dwagi yai po page sese kuna koneama, tama te konebaso augwaligo tede homu si munu me egobeo. Tama bidiyu, augwali tede te doado bage hauwa elalubo bidi tiwai bugagia bidaibao. Tama tiyu, augwaligo Godigo dualai po page hania koneaibao, te page da te Krais aga digi naga dao.

Kolosi 2:2 Referans Kwoze

Kolosi 1:27

Te Godigo homu e dao: agai aga polobadu dulaluai po agai we bidi mu augwalibolo hania hanilaibao. Tama te dulaluali pogo te gasa hani we bidi tigidali tau sabo po dao. Te dulaluali po wiegi yai mu dao, te bomo yai ula umabo elalubo po dao. Te dulaluali po page e dao: Krais aga digi dage deli delide hodobo bidibao, tama aga tama bidibaso dagego Godigo bomo yai ula dali, genuai nogi dali, bomo dali te meba saibao, tama tede dagego dwagi yai homu eyu bugagia tonalubo dao.

Kolosi 4:8

Tikikus agai te da ede bidibo bage te daba pedalali sę po dagebolo omainogo, tama dagego te po odama homu kolesaga bomo emai yainogo eno aga dage bidibo digi tamadi tagala palaibao.

Efesus 6:22

Tama eno aga dage bidibo digi tagala paliyu, da ede mena tama bidibo wenama tama agai pusaibao, dagego homu dąų walomainu tama yaibao.

Kolosi 3:14

Tama te duga hasi dwagi yai homu eyu godolo ebo kolesaga me te eno megi nogi yali haniani dwagi yai kolesagaba te polalubo kolesaga dąų walao. Te duga hasi dwagi yai homu eyu godolo ebo kolesagago te gasa haniani wiegi yai kolesaga deliba sisinama, tama wiegi yai mu pedalama tama usu niba kadu mu waibao.

Polgo Po Pas Rom Dabeba Asęani 16:25

Dago Godigo nogi ugwaba mu sinao. Eno aga gesi wiegi yai po pusubogia tama God agai dage te Kraisde homu kęą pai we bidi mu dąų wabo usu yaibao. Te wiegi yai gesi po te Jisas Kraisde elalubao. Tama polobadu tigidali sogo te po te geme dualali po geme dualaluali,

Filipai 3:8

Tiali goli te da Juda dabego ebo kolesagade naga eno homu te augwali te ena tau sisąbo nai dao. Tede naga menio. Te ena Godigo gedude doloba pai bidi pedalomainogo eyu, polobadu eno haniani gasa kolesaga hauwa me eyu bididuai dao. Te kolesaga tigidalide me megi eno e homu ebo dao, te augwali ena tau sisąbo kolesaga dao, te olo nai mu dao, te homu eno megi ebo dao. Magi baso meni. Te wiegi yai kolesaga me deli naga eno megi subo dao. Te kolesaga e dao: ena te eno Genuai Bidi Krais Jisas dali mu wadolama, tama ena aga dali abagi mu kisasa bilibao, te kolesaga da te genuai wiegi yai kolesaga mu dao, tebogo te gasa kolesaga tigidali aiyaba elalubo dao. Tama aga tobade eno te gasa ena tau sabo kolesaga tigidali tagalai dao. Eno Krais tama somainu eyu, tama te gasa kolesaga tigidali te dwai olo pobele bage naga dao, eno te homu ebo dao.

Filipai 2:1

Te dage Krais dali wadolama tama bidu, tama dagego bomo tama elalubo dao. Tama agai dage dali dwagi yai homu eyu godolo ebaso, tama dagego homu nagame elama bugagia bidibo dao. Dage agai Tedali Mobo Bidi dali deli homu eyu kisasa biliyu bidibo dao. Tama dagego duga hasi tomode te abagi homu eyu, homu dene eyu duga hasi tau sabo dao.

Aisaia 53:11

Te aga genuai sęgę tolama da, nosali te aga wiegi yai nai hauwa pedalubo sulama, te aga wiegi yai pemene umabo mu yaibao. Genuai Bidigo te tiwai po wali, “Eno te doloba pai sę bidi, agai ena bugagia koneai. Agai te hauwa we bidigo dwai sę yali sęgę tolama, te kolesagade agai te augwali doloba pai we bidi pedelaibao.

2 Pita 1:3

Te God agai aga bomogo te dabolo te da God tiwai bidibo usu ilabo bomo tigidali mawai dao. Tama agai aga bomo yai ula me, te aga wiegi yai kolesaga me te dabolo mawainogo agai da i wai. Tama dago aga koneyu, tama tebogo te agai te doloba pai bidabo bomo dabolo mabo dao.

Polgo Po Pas Rom Dabeba Asęani 15:13

God da, aga te dago homu agaba tialuama tama dwagi yai homu eyu te agai dabolo nosali yabo sę tonalubo kolesaga page bidi dao. Tama eno gedu haluasa po weyu tama wabo dao, “God, te Rom bulude bidibo we bidi augwaligo nageba te konealubo po dąų wali dao. Tama tebogo nago augwali wiegi yai homu pemene genuai elama, tama nagame yai homu te augwaliba pedalama tama pągąnalumainogo yao, te eno homugo dao. Tama nago Tedali Mobo Bidigo bomogo augwali tau siyu tama augwaligo te nago nosali yabo sę bugagia tonalubo kolesaga te geninama mu pedalomainao,” eno te tobage po te Godibolo hanalu wabo dao.

Dwagi Yai Gesi Po Jongo Asęani 10:30

Ena dali Aya dali si page deli tama dao,” Jisasgo te po te Juda bage dali wai.

Dwagi Yai Gesi Po Jongo Asęani 6:69

Tama dago te pode bomo yai homu dąų olama, bidibo dao. Me dago nage koneai, naga digi naga Godigo doloba pai bidi mu dao, Godigo tagala palai bidi dao, te dago konebao,” Pitago Jisas dali te po wai.

Hibru 10:22

Tama elalualigo da, teda da homu mu eyu, tama homu si me esiąyu dago Godiba konealubo po dąų mu olama, tama da aga pąba pinao. Agai dago yali dwai sę sęgę sela sąnama, tama dago homu wiegi yai ma ilali. Me agai dago tigi sese te wiegi yai ąįgo mu telawali.

2 Timoti 3:16

Awe, mu tama, te polobadu geme dualali po, te Godigo dabolo waselali konealuabo po page te genuai mu elalubo, tama bidigo te pode te po mu menio wabo te usu me egobeo. Te konealuabo po e dao: Aga te tigi elalubo bidi mu pedalali, tama hania hanilai. Tedali Mobo Bidigo we bidibolo ola mani, te bidi aga dolo mu yali. Te dagalude mobo bidi ensel dabego aga suai. Tama po pusubo bidi augwaligo agade po te tigidali we bidi hanibolo pusigi pali. Te tǫde bidi dabe augwaligo konealubo po agade dąų wai. Te Godigo aga dagaluba odasa holama, tama megi aga bomo dali, genuai nogi dali selama bidibo dao.

Hibru 6:11

Tama bomonama eno homugo dage tigidali deli deligo te tiwai sę bomo naga eyu, tama dwagi yai homu ebadi duga konealubo po dąų weyu, tama Godigo duga ma sabo te tonaluao. Dagego te tiwai sę ela pidu, te duga e tǫde bidibo sogo te silibode te usu nigi pao.

Kolosi 1:9

Te Godigo po dage tomode te tobage dwagi yai sę yali baso, dago dagede te po odali sogo gagalama tama eduali tama megi usu nagasama tama dago Godibolo po wabo dao. Tama tiyu, dago Godibolo e po hanalu wabo dao, “God, nago te Kolosi we bidi augwalibolo te nago Mobo Bidigo maiabo wiegi yai homu kolesaga tigidali augwalibolo mao. Tama mobaso, augwaligo nago sę yabo homu kolesaga gisiga koneaibao,” dago dagede te po Godibolo wabo dao.

Galesia 3:28

Tama aga homu kolesaga siyu, tama dage Krais agai we bidi bidiyu, tama dage deli hani naga bidaligo da, teda dage haniani tedali tedali bage dao, te homu egio. Polobadu dage meba Juda hani we bidi bidai, meba Juda hani isiąwai bidi bidai. Meba nogi meni yai we bidi bidai, meba genuai nogi elalubo bidi bidai. Dage meba bidi, meba we dao. Tiali goli megi dage te haniani tedali tedali bidali kolesaga mu sila palio. Dage te Krais Jisasde wadolama, tama dage tigidali megi Jisasde we bidi hani deli naga mu bidibo dao.

1 Korin 2:12

Tama dago e tǫde we bidi tonalubo mobo me sabeo. Menio. Dago te Godidu asali Mobo Bidi sali, tama dago te Godigo dabolo olo maiabo tigidali nai konemainogo yalio.

Dwagi Yai Gesi Po Jongo Asęani 17:3

Tama te bidada pabo bomo page e dao. Augwaligo nage koneyu, nage God deli mu dao. Augwaligo Jisas Krais koneyu, nago aga tagala palobaso asai bidi dao. Augwaligo te si mu koneyu da, teda te bidada pabo page te dao.

Dwagi Yai Gesi Po Jongo Asęani 16:15

Ayago tigidali nai te eno nai dao. Tama tibaso, eno te po tamadi tama wai dao, te Mobo Bidi agai eno po selama, dage dali te pusaibao,” Jisasgo te po aga wali bilali bage dali wai.

Dwagi Yai Gesi Po Jongo Asęani 10:38

Dagego duga homu eno wali poba musiąwai goli, eno Godigo enabolo yao wali sę eyu da, teda dagego duga homu te yali sęba muiąo. Magi basowe? Te eno yali sęba duga homu mubaso da, te dagego homu bugagia mu koneaibao, God Aya enade bidiyu, ena God Ayade bidiyu ebao, te dagego konemainogo duga homu eno yali sęba muao,” Jisasgo te po wai.

Dwagi Yai Gesi Po Jongo Asęani 5:23

Magi baso meni. Tigidali bidigo Godigo Ogwa nogi ugwaba samainogo, te Godigo nogi ugwaba sabo gilamao. God Ayago aga Ogwa e tǫba tagala palobaso, tama bidi te Godigo ogwago nogi ugwaba sisąbo bidi da, agai Godigo nogi me ugwaba sisąbo bidi da,” Jisasgo te po wai.

Dwagi Yai Gesi Po Jongo Asęani 5:17

Tialima, Jisasgo po wei ponoyu, te po wai, “Eno Aya agai sę polobadu yali sę megi tama te ela asobao. Tama eno me ena sę ebao,” Juda dabe genuai bidi dali Jisasgo te po wai dao.

Matyu 11:27

Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deligo agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.

Matyu 11:25

Tama te sogo Jisasgo Godibolo te po wai, “Ayao, nage te dagalu dali tǫ dali nigila tonalubo Genuai Bidi dao. Eno nage dali deli homu eyu, nagebolo usu da po obao. Tǫde homu kolesaga koneai bidi dabe augwaligo koneidali weyu tama nago te eno tamadi pusali po page nago geme dualai dao. Tiali goli te tǫde elalubo homu kolesaga konesiąwai we bidi augwalibolo nago te po page ola mawai dao.

Jeremaia 9:24

Te bidi aga pemene yabo homu ebaso, aga te nai delide naga pemene yao. Agai ena Genuai Bidi koneani da homu elama, wiegi yai pemene yao. Agai enade e tiwai koneao, sesemane sogo eno tigidali tǫde we bidi homu godolo eyu, te eno wiegi yai doloba pai kolesaga augwaliba ebo dao. Ena Genuai Bidi, eno te tobage kolesaga ebode wiegi yai homu pemene ebo dao,” Genuai Bidigo te po wali.

Aisaia 40:1

Duga Godigo te po odubao, “Eno we bidigo haliga dąų walama, te augwa haliga dua nagame ilibo po pusao.

Aisaia 32:17

Tama te doloba pai kolesagago te bidi hasi godolo ebo kolesaga ilaibao. Tama te we bidi wi me isąma elama, tama augwali tigidali sogo bugagia dili elama, dolaluaibao.

Godigo Nogi Ugwaba Sabo Tęąbi Po Wabo Buku Dabe 133:1

Te Godigo we bidi dabe deliba bugagia dugulalu, tama te deli haliga elama, te ama dabe tiwai mu elama bidiyu ebaso da, te wiegi yai mu dao, tama augwa bugai haliga elama bidimainu yao.

1 Jon 5:7

Awe, sela augwaligo te da ola mabo da, te Krais aga Godigo Ogwa dao.

1 Jon 3:19

Te eno megi tama wali kolesagade, te dago te kolesaga ebaso da, teda dago koneagameo, da te mu po naga wabo Godigo we bidi dao. Dago te gasa we bidi dabe dali dwagi yai homu eyu godolo ebo kolesaga eyu da, teda da God pąba pabo sogo te da agade wi egobeo.

2 Pita 3:18

Me ma, dage te dago Genuai Bidi me te da ma sali bidi Jisas Kraisgo olo tau sabo kolesagade bidiyu, tama dagego aga koneanio. Tama dagego te olo tau siyu mabo kolesaga me mu siyu, tama dagego Krais aga konebo kolesaga hauwa siyu bidiąo. Tama agai te genuai ula yai bomai nogi megi elalubao, tama te nogi sesemane sogo mu bidada peyu, bidada paibao. Mu dao.

2 Pita 1:10

Eno ama dede, u haniani dwagi yai kolesaga ebode eno po me elalubao. Godigo dage aga sa muyu, tama agai dage i wai dao. Tama agai dage dali yali sę bugagia dąų omainogo te dage bomo eyu, te u haniani dwagi yai kolesaga yao. Dagego tama tiyu da, teda dage munu me tulalugobeo.

1 Tesalonaika 5:14

Dago abagi dage tuni bidi dabebolo dago po bomo elama dage dali obao. Dagego te sę hagela ebo bidi dabe augwalibolo po bomo elama, augwali homu kolesaga dagego bugagia ma dodolao. Tama te wi ebo bidi dabe augwaligo homu kolesaga dąų walao. Tama te bomo meni yai bidi dabe augwali dali dagego dwagi yai kolesaga naga eyu bidao, sębę egimio.

1 Tesalonaika 3:2

Tama te homu elama, da sigo dago ama Timoti dage bidibo digiba tagala palai. Timoti aga te Godigo sę ebo bidi dao. Aga te Jisas Kraisde po pusubo bidi dao. Da sigo Timoti dage pageba tagala palai, tama agai dage bomo mayu, tama dagego Kraisde konealubo po dąų walomainogo, tama augwaligo dage dene mobaso da, dage meba bidi te Jisasgo po tagalidali weyu yai. God aga digi da te dene dali sęgę dali te somainogo, agai da te bodolu mawai.

1 Tesalonaika 1:5

God agai dagebolo te homu yali dago mena tama koneaniwe? Dago te Godigo po dagebolo pusagasali sogo, te olo po dali naga wagasai menio. Te pode Godigo Mobo Bidi agai bomo mu eyu, tama dagego te po mu po dao homu yali, te dagego te pode homu si ebeo. Duga digi dago dage dali hodobo bidiyu tau sabo kolesaga, te dagego konebo dao.

Godigo Sęba Tagala Palai Bidigo Po 4:32

Te bidi Jisas konealubo we bidi augwali homu deli, kolesaga deli elama, bugagia bidali. Bidi mego “Te nai ena naga dao” po me wabe. Augwali tigidaligo augwa doado bage dobolama, tigidali we bidi usu yai.

Te Israel me Juda Hani Sigo Tuni Bidigo Po Elalubo Buku Deli 3:28

Nosali te king Solomongo te we sigo po dodolali kolesagade po te tigidali Israel we bidigo te po odolama, tama agai te koneani wiegi yai kolesagade te augwali dwai noma mu sai. Tama augwaligo agaba te genuai nogi mawai, magi baso meni, augwa koneani, te Godigo digi te wiegi yai koneani homu kolesaga te kingba menama, tama te kingo te we bidi dabego po tų bugagia dodolumainogo te homu kolesaga mani da, te homu yai.

Matyu 13:11

Agai po wei ponoyu te po wai, “Godigo agai we bidi tonalubo sę geme dualaluali po page haninama te agai dagebolo ola mawai dao. Tiali goli e bidi dabebolo te geme dualali po page te haninai menio.

Dwagi Yai Gesi Po Lukgo Asęani 1:1

Genuai bidi Tiofilus, polobadu te bidi hauwa augwaligo te Godigo polobadu da tomode yali sę po asębo homu eyu bugagia sina wai dao.

Polgo Po Pas Rom Dabeba Asęani 2:4

Te ma, nago e homu ebawe, “Te Godigo ena wiegi yai bugagia iliyu, tama ena bobobage sogo tonaluyu, tama agai te dwai sę ebo wei enabolo polo me ponogobeo.” Te homu egio. Te Godigo wiegi yai polo wei ponosiąbo kolesaga ebode, te nago homugo te olo nai tiwai da, te homu ebawe? Godigo homugo nage homu begelemainogo, tama agai dwagi yai kolesaga naga nagebolo eyu tonalubo dao. Te kolesaga page nago konebewe?

1 Korin 14:31

Te kolesaga ebogo da, teda dage tigidali deli deligo Godigo po pusagameo, tama dage tigidali we bidigo koneama kolesaga selama, tama dage tigidali bomo somainogo yaibao.

Efesus 1:7

Te Krais aga ni pedaide isilama, tama agai kanemego te da dąų wali nai pisigina sąwai, tama megi da olo mu bidibo dao. Te po page e dao, te Jisasgo kanemede te God agai dago yali dwai dwai sęgę tigidali te mu sela sąwai dao. Godigo da dali yali olo tau sabo kolesaga te dwasianu menio, agai te kolesaga umabo mu da dali yai.

Efesus 3:3

Te Godigo yabo kolesaga po te po polobadu geme dualaluali. Tama te po God agai enabolo ola mani, te agai yabo kolesaga page eno hania konemainogo yai. Tama Godigo tede ena hania ola mani kolesaga eno megi tama pęwadage asęani pogo dagebolo pusali.

Efesus 3:16

Tama tibaso eno gedu haluasa po e tama wabo dao: “Aya God, nago naga we bidi dali wiegi yai sę yabo homu umabo mu elalubo dao. Tama tiyu, eno homugo nago te Efesus hani we bidi dali dwagi yai sę eyu, tama nago Mobo Bidi agai nago bomo meba selama, tama agai augwalibolo te bomo mao, augwaligo homu bomo ilimainogo, te Mobo Bidigo bomogo augwali dąų mu walomainogo tama tiao,” eno God dali te tobage hanalu wabo po wabo dao.

Kolosi 1:26

Tigidali sogo polobadu te po page tigidali bidi hanigo gedude dulaluai. Tialima megi God agai aga we bidi mubolo te po page hania waselai dao.

Kolosi 2:19

Te po wabo bidi agai Krais aga homugo dąų wabo tagalai dao. Krais aga da te tobolu tiwai dao, tama da Godigo po odobo we bidi te tigi tiwai dao. Tama te tobolugo te tigi sese bugagia tonaluyu te dili dabe te kigibiligo deliba bugagia dąų olama, tama nai tulama tama te tigi dwagi yai pedalobo dao. Tama da Godigo po odobo we bidi me te dago tobolu bidi Krais dali tama wadolama, tama Godigo bomo selama da bugagia holobo dao.

Kolosi 4:3

Dagego gedu haluasa po obadi, Godigo da me tau somainogo te po wao, “Aya, nago po, te Kraisde polobadu geme dualali po, te po augwaligo te we bidibolo pusumainogo tų dayao,” dagego te po hanalu wao. Eno gasa we bidibolo agai po pusubaso, augwaligo ena e kalabusiba muai dao.