Kolosi 2:1 - Godigo dwagi yai po buku

¹ Eno homugo dagego tama koneao: eno sę dene eyu, eno dage Kolosi bage dali, te Laodisia hanude bidibo Godigo po odobo we bidi hani dali, te gasa ena gesabidi susiąwai bidi dabe tigidali dali, eno dage dali augwali dali tau sabo sę yai dao.

Kolosi 2:1 Referans Kwoze

Kolosi 1:29

Tama te sę emainogo eno bomo eyu tama ena sę dene mu ebo dao. Kraisgo enabolo aga genuai bomo menama, tama te bomogo naga eno bomo eyu te sę ebo dao.

Filipai 1:30

Tama dagego te Krais tobade dene sobaso, te dage ena dali hodobo te tobage dene sabo sę ebo usu dao. Polobadu ena dage dali bidibadi eno hwįbo dagego suai dao, augwaligo Kraisde ena dene mani. Tama megi me dagego odali, augwaligo e bulude me enabolo dene mę mabo dao.

Kraisgo Geme Dualali Sę Pedelabo Po Jonbolo Ola Mani 1:11

Tama te wali pode te po wai, “Nago naga gedugo subo sę po tigidali te bukude asęnama, te Godigo po odobo we bidi bidibo bulu a naga olama me badu nogo si, te buluba nago te sę po asęna tolao. Nago te po Efesus buluba asęna tolobadi, me te Smerna buluba, me te Pergamum bulu, me Taiataira, me Sardis, me Filadelfia buluba tolobadi, me te Laodisia buluba te po asęna tolao,” weyu te po enabolo wai.

Kolosi 1:24

Ena megi e kalabus bede bidiyu tama dene sobao. Tiali goli eno dage tau somainogo eyu, tama te dene sobaso, eno dwagi yai homu ebao. Magi baso menio. Da Godigo po odobo we bidi da, te Krais aga tigi tiwai bidibao. Tama aga tigi tobade te dene tolobo sę me elalubao. Tama eno tigide te dene me sobaso da, teda eno te agai aga tigi tau sabo dene meba toloyu, tama te dene silibo sę eno tama tau sabo dao.

Godigo Sęba Tagala Palai Bidigo Po 20:38

Tama augwali moni homu dene yali. Magi basowe? Agai te po wali, “Ena gesabi dagego munu ma sugobeo,” wali. Tialima, te we bidi tigidali augwaligo aga odasa pelama, moni gebaba tagaligi pali, te tamu ąį sanide.

1 Pita 1:8

Tama dagego duga gedugo aga munu me susiąwai digi, dagego Kraisde dwagi yai homu eyu godolo ebo dao. Dagego megi me aga susiąbadi digi, dagego duga homu tigidali agaba muyu, tama wiegi yai homu mu ebo dao. Tebogo te tigidali gasagi yai dwagi yai homu ebo aiyaba elalubo dao. Tama te dagego wiegi yai homu ebo te genuai mu dao, augwaligo Godigo bidibo digide ebo wiegi yai homu ebo sabi si dao. Tama tialigo da, dagego pedauwaligo tede po wabo usu egobeo.

Kolosi 2:5

Magi baso meni. Ena dage dali megi bidibo meni goli, eno homugo dage dali kone palobo dao. Tama dagego Kraisde konealubo po bugagia dąų olama, tama hani deli naga wadoloyu, tama dage homu dila pai we bidi bugagia bidibao. Eno dagede tama konebaso, ena dwagi yai homu pemene ebao.

Galesia 4:19

Eno wai puluba, polobadu dagego homu kolesaga Kraisde dąų wasiąbadi, te sogo dagede ena moni homu eyu dene sai dao. Tama te tiwai megi me ena te dene ma sabo dao. Te wego wai ame nainogo dene ebo tiwai, dene megi eno ebo dao. Tama ena te dene sesa pidubadi tama dagego homu kolesaga te Kraisgo homu kolesaga tiwai ebo side te eno homu wiegi yai eyu usu yaibao.

Godigo Sęba Tagala Palai Bidigo Po 20:25

Polgo te po me wali, “Mu tama dao, dagego te po odao. Tama eno homugo te po megi silibo dao. Tialima, ena polobadu dage tomode biliyu, dage tigidali we bidibolo eno ola mawai dao, God aga dago Genuai Tobolu Bidi, agai da tonaluaibao wali. Tama megi eno koneanio, dagego ena munu ma sugobeo.

Dwagi Yai Gesi Po Lukgo Asęani 22:44

Jisas aga homu sęgę mu ebaso, Godibolo aga hanalubo po bomonama wai. Tama Jisasgo tigide te posolo wę kisu yai, te wę te tǫba tuloluai, te kaneme tiwai.]

Hibru 5:7

Polobadu Jisas te e tǫde bidi tiwai bidibadi, te sogo agai po Godibolo wai. Godigo aga te isibode ma sabo homu yali, tama tiyu agai gedu haluasa po aga dali weyu genuai i wali, tama aga gela hauwa mu wai. Agai aga homu kolesaga te aga digi aiyaba elaluama tama imilai bidi bidama, tama aga God dologode bidali, tama tibaso Godigo agai gedu haluasa po wabo odai dao.

Tigidali Nai Gagalama Nigali Side 30:8

Tama Reselgo te po wai, “Eno te ena ama dali bomonama mu hwįanigo tama megi eno nogi ugwa sali.” Tama agai te wai nogi Naptali poai.