Kolosi 1:29 - Godigo dwagi yai po buku

²⁹ Tama te sę emainogo eno bomo eyu tama ena sę dene mu ebo dao. Kraisgo enabolo aga genuai bomo menama, tama te bomogo naga eno bomo eyu te sę ebo dao.

Kolosi 1:29 Referans Kwoze

1 Korin 15:10

Tiali goli Godigo olo mu tau sabo kolesagago ena tau selama, tama agai ena megi bidibo tiwai ilali, ena te aga sę ebo tagala palali bidi dao. Tama agai ena olo mu tau sali wiegi yai kolesaga te olo me hagabeo. Mu menio. Eno aga sę bomo mu elama yai, te gasa Godigo po sela pali bidi dabe augwaligo yali sę eno yali sę ebogo aiyaba elaluali. Tiali goli eno ena digi me ebeo. Menio. Te Godigo olo tau sabo wiegi yai kolesaga ena dali bidiyu, agai naga te sę ebo dao.

Efesus 1:19

Tama eno God dali po weyu, eno po me deli dage tau somainogo wabo dao. Eno homugo te Godigo agai bomo dagebolo ola menama tama dagego te bomo bugagia koneaibao. Te bomo dwasianu meni. Tama agai bomo te bidigo usu nigo usu sobaso, te usu egobeo, te bomo genuai mu elalubo. Tialima God agai te bomogo da Kraisde konealubo po dąų wali we bidi da tomode tau siyu sę ebo dao. Tama te da tomode sę ebo bomo naga eyu, tama Godigo Krais te gų pagede ma hodoloyu, tama aga dolo nogo badu munama, tama megi aga God dali hodobo dagalude bidibao.

Efesus 3:7

Te God agai wiegi yai po eno pusigi pomainogo ena te sęba muai dao. Tama agai te olo tau sabo wiegi yai sę enabolo eyu, tama agai bomo me enabolo mani, te ena dąų olama eno te sę emainogo tebo dao.

Filipai 2:13

Magi baso meni, te dagego aga homu wali pabo homu emainogo, te dagego aga homu wali pabo bomo me elalumainogo, te God aga digi dage tomode aga sę eyu, tama dagego homu agai hodolobo dao.

Kolosi 2:1

Eno homugo dagego tama koneao: eno sę dene eyu, eno dage Kolosi bage dali, te Laodisia hanude bidibo Godigo po odobo we bidi hani dali, te gasa ena gesabidi susiąwai bidi dabe tigidali dali, eno dage dali augwali dali tau sabo sę yai dao.

2 Tesalonaika 3:8

Tama da dage dali bidibadi dago dagego nogode tubo nai olo me sabe. Menio. Dago abeleyu naga yai. Dago sę bomo elama, tama siade me hulide me te sę dene hauwa mu eyu, tama dago dagebolo naga sęgę maidali weyu tiwai dao, dage habuge idali weyu.

1 Tesalonaika 2:9

Dago abagi dabe, da dage tomode bidibadi, dago sę dene ebo te tigidali dagego koneai dao. Tama dago dagebolo Godigo dwagi yai po pusubadi, tama dago te masigi sabo gasagi yai sę yai dao, te siade me hulide me yai dao. Te yali sę dagego koneai dao. Dago te sę magi baso yaliwe? Te dago dagebolo sęgę maidali weyu, dago te sę yai dao.

Kolosi 4:12

Epafras agai dagebolo siade dao po ola tolobao. Aga me dage hani deli dao, tama aga Krais Jisasgo sę ebo bidi dao. Sesemane sogo agai gedu haluasa po weyu homu dąų olama, tama bomo elama weyu dage tau sabo dao. Agai homugo dage Godigo homu tigidali bugagia wali peyu, tama tede homu si munu me isąyu, tama dage bidi mu pedalama tama bomo elama bugagia dolalumainogo eyu agai gedu haluasa po Godibolo weyu, “Augwali te tiwai pedalomainogo, tau sao,” agai te po wabo dao.

1 Korin 12:11

Eno megi tama nedada pali haniani sę yabo homu kolesaga augwali tigidali te Godigo Mobo Bidi deligo naga te nigibo dao. Te aga homugo digi agai te gasa sę yabo kolesaga te gasa bidi me delibolo dobayu, tama gasa bidi mebolo te gasa sę yabo kolesaga mayu ebo dao.

Polgo Po Pas Rom Dabeba Asęani 15:20

Tama tiyu, te sęde eno homugo te Kraisgo nogi polobadu konesiąwani bage bidiboba pelama, tama augwalibolo eno te wiegi yai gesi po pusabo homu godolo mu yalio. Te po digi po begelama tama e tiwai dao, eno te gasa bidigo tulai be ni daide eno be me sę idali weyu, ena te digibulu buluba pai dao.

Kraisgo Geme Dualali Sę Pedelabo Po Jonbolo Ola Mani 2:3

Tama te bidi dabe augwaligo nage suali, te nage ena wali bilibo dao, tama augwaligo nage dali dwai sę yali dao. Tiali goli nago bomo elama dolaluyu, te dwai sę nage dali eyu sęgę mabo nago bugagia tolalubo dao. Te nago tigi dene ebo hagela ebeo. Nago te sę ebo te eno konebo dao.

Polgo Si Wali Pas Timotiba Asęani - 2TI 2:10

Tama tibaso, eno ena homu dąų walama, tama eno te sęgę tigidali tolobode bomo elama dolalubo dao. Eno te Godigo aga sa muani we bidi tau sainu ebo dao. Eno homugo te Krais Jisasgo yali sęgo te Godigo augwali ma dobola selama, tama dagalude bugagia mu bidada peyu, bidada pomainu ebo dao.

Filipai 1:30

Tama dagego te Krais tobade dene sobaso, te dage ena dali hodobo te tobage dene sabo sę ebo usu dao. Polobadu ena dage dali bidibadi eno hwįbo dagego suai dao, augwaligo Kraisde ena dene mani. Tama megi me dagego odali, augwaligo e bulude me enabolo dene mę mabo dao.

Filipai 1:27

Te enade nosali pedalabo sę te dago megi konebeo. Tialima te tagalao, te sęgę menio. Te sęgę nai, te e dao: te dago Kraisde ola mabo wiegi yai po, te po te da usu sabo usu ni tiwai dao, tama te dagego ebo kolesaga te usu niba kadu wao. Dagego tama tiyu da, teda ena dage bidibo digi pabo ma gasa bulude bidibo, te usu dao, eno dagego ebo kolesagade dwagi yai po naga odaibao. Dagego te Kraisde ola mabo wiegi yai po bugagia wali pobaso da, teda dage duga hasi deli homu naga eyu, tama bomo elama dolaluaibao. Tama me dagego ebo kolesaga deli naga eyu, tama duga hasi tau siyu, tama te Kraisde dwagi yai konealubo po aiyaba elaluabo dwai sę ebo bage augwaligo dage dologobeo. Dagego tama ebo kolesaga po eno odaibao.

Efesus 3:20

Te dago Godigo nogi ugwaba mu sinao. Tama agai te wiegi yai kolesaga ebo bomogo da we bidi tomode genuai sę ebo dao. Te sę ebo bomogo te da Godibolo hanaluyu gedu haluasa po wabo me, te dago homude ebo kolesaga te tigidali agai aiyaba elaluyu, tama agai wiegi yai kolesagade sę ebo te genuai mu ebo dao.

2 Korin 13:3

Dagego enade e tiwai homu ebao, ‘Te Kraisgo Polgo pedauwalidu dabolo po wabo meni dawe, ma po wabo dawe?’ Te homu dagego enade yaligo da, teda dagego hania bugagia konemainogo eyu eno te bagebolo augwa sali sęgę mawaibao. Te Krais dage dali bomo kimi me isiyu me egobeo. Menio. Agai dagede sę bomo mu ebo dao.

2 Korin 11:23

Augwali te Kraisgo sę ebo bidi dabe da wida, agawe? Megi eno po te aga digi nogi ugwaba sabo kolesaga meni yai polobo bidigo po tiwai mu obao. Eno augwali te Kraisgo sęde aiyaba mu elaluali. Te sę dene idu gealigo eno edelama ugwanu igulali. Te eno Kraisde po pusubaso, te boi bidi dabego ena kalabus beba hauwa sogo muani. Tede eno te tibo po ola mabo bidi dabe ela holai dao. Te boi bidi dabe augwaligo ena hauwa sogo mu elali, bidigo nedebo usu egobeo, tede eno e bage augwali aiyaba mu elaluali. Hauwa sogo ena pąde isabo tiwai yai.

2 Korin 6:5

Bidi dabe augwaligo da elama tama da kalabus iliyu yai. Te boi bidi dabe augwaligo da pobesa bilama tama moni po dagą weyu, po dwai i olama dabolo wai. Da moni sę dene mu yali. Da hauwa sogo bugagia godege me pisąwai. Tama da nai sili bidiyu yai dao.

2 Korin 5:9

Tama da dena tigide me bididubadi, ma tigi tagalama gasaba bidigi pai, te magigo menio. Sesemane sogo dago homu bomo elama, te Genuai Bidigo godolo yabo kolesaga tigidali naga inao homu ebo dao.

1 Korin 12:6

Te haniani tau sabo sę ebo homu kolesaga elalubo, tiali goli te God deligo naga te tigidali bidibolo bomo dali homu kolesaga dali si menama, tama augwaligo tigidali tau sabo sę ebo usu yaibao.

Polgo Po Pas Rom Dabeba Asęani 15:30

Eno ama dede, eno homugo dagego te dago Genuai Bidi Jisas Krais homu koneama, tama te Tedali Mobo Bidigo da tomode hodolali duga hasi godolo ebo kolesaga me homu kone palao. Tama te side homu kone palama, dage homu hodolama, tama te gedu haluasa po wabo sę dene ena dali emainu eno te homu godolo ebao. Dagego te Godibolo gedu haluasa po weyu ena tau somainogo yao,

Dwagi Yai Gesi Po Lukgo Asęani 13:24

Te Jisasgo te we bidibolo te po wali, “Te be tų dwasianu goli, dage bomo elama, te sunumi tomoba piąo. Magi baso meni. Eno dagebolo obao. We bidi hauwa Godigo we bidi tonalubo madigi tomoba pai hagede, ebadi, tiali goli te augwali usu egobeo.

Hibru 12:4

Te Godigo po odobo hagela homu ebo bage augwaligo dage dali dwai sę elama, tama dage bomonama eyu, te Godide konealubo po dąų wabo kolesaga tagalobeo. Tama tiyu dage bomonama ebadi te boi bidi dabe augwaligo dage elama, pąde isainu yai. Te gasa bidi dabe augwaligo Jisas dali dwai sę eyu aga ela muyu yali. Tiali goli te dagede meni.

Kolosi 2:12

Magi baso meni. Te dagego duga homu begelama tama ąįba dulali sogo, te sogo dage Krais dali hodobo pubulali tiwai yai. Tama te sogo me te dage te ąįdu ma hodaluali sogo, te dage Krais dali hodobo gų pagede ma hodaluali tiwai yai. Aga te isali we bidi tomode osogo bidama tama Godigo aga tedu ma hodolali, agai sę yabo bomogo. Tama dagego te bomode duga homu bugagia dąų obaso, God agai dage me Krais dali hodobo hodolali tiwai yai.