Kolosi 1:28 - Godigo dwagi yai po buku

²⁸ Tama tibaso, dago Kraisde po te tigidali bidibolo pusubo dao. Dago homugo tigidali we bidi deli deli augwali Krais dali wadolama, tama bugagia holama, tama wiegi yai we bidi mu bidimainogo eyu, tama dago augwali Godibolo mawaibao, bidigo aga wiegi yai nai ofa te Godibolo mabo tiwai. Tama emainogo dago tigidali wiegi yai homu kolesagago augwali ola mayu, tama dua dao, e pode geda mugio, te tobage po weyu dago tigidali we bidi Kraisde po ola mabo dao.

Kolosi 1:28 Referans Kwoze

Jeremaia 3:15

Tama eno wiegi yai tonalubo bidi te ena kolesaga tiwai wali pabo bidi dabe nigilaibao. Augwaligo wiegi yai homude koneani kolesaga elalubao, te augwaligo dage bugagia tonalueibao,” wali.

Efesus 5:27

Tama Krais agai homugo aga po wali pabo we bidi agai gedude augwali te wiegi yai mu pedalomainu yali. Tama augwali te husugwa sai me, bedogola sai me, te tiwai elaluidali weyu, tama augwaligo te magi dwai sę me esiąyu wiegi yai kolesaga naga eyu bugagia mu bidimainao. Te homu Kraisgo aga po wali pabo we bidi dali yai.

Matyu 5:48

Tiali goli dage, te dage wiegi yai kolesaga dali bugagia doloba pai mu bidiąo, te duga dagalude bidibo Aya aga bugagia doloba pai mu bidibo tiwai gilama yao,” Jisasgo te po wai.

Kolosi 3:16

Krais agai ola mani po te wiegi yai po mu naga dao. Tama te po dagego homude bugagia elalumainao. Duga hasi dagego wiegi yai homu kolesagago Kraisgo po ola mayu tama dua dao, e pode geda mugio, te tobage po weyu duga hasi ola mao. Tama tiyu, tama dagego haniani balia po wao, tama te lotu balia wabo buku nogi Tęąbi Po Buku, te bukude elalubo Godigo nogi ugwaba sabo po me, te Kraisgo nogi ugwaba sabo tęąbi po me, te Godigo Mobo Bidigo mabo haniani tęąbi pogo me duga hasi ola mao. Dagego duga homude Godibolo usu da po weyu tama te balia po wao.

1 Korin 2:6

Te tǫde kolesaga koneai bidi dabego kolesaga eno dagebolo ola masiąwani goli, te Godigo Mobo Bidigo te Godide ola mabo po page kuna konebo usu yali we bidi augwalibolo eno te koneani kolesaga po pusubo dao. Tiali goli te tǫde bidi dabego koneani kolesaga po me wabo meni. Tama te tǫde tobolu bidi dabego kolesaga me dago wabo meni, te augwaligo bomo kimi megi meni ebo.

Kolosi 1:22

Tiali goli megi aga Ogwago tǫde bidali tigi isali kolesagago agai dage aga abagi ilai dao. Agai homugo dage tedali mu we bidi, dage bugagia magi sęgę me meniama wiegi yai agai gedude nigiliyu, tama agai dage aga pageba odasa asomainogo agai dage aga abagi dabe ilai dao.

2 Korin 11:2

Te gasa bidi dabe augwaligo te dagego Krais wali pabo kolesaga dolidali weyu, eno augwalide dwai homu ebo dao, te Godigo augwalide dwai homu ebo tiwai gilama. Magi baso meni. Bidigo aga penani sę munu me isąwai wiegi yai bidibo gesi wegi noma te bidi delibolo naga mabo tiwai, te eno dage te bidi deligo naga somainogo eyu sa muanio. Eno dage Kraisbolo maiabo homu ebo dao.

2 Korin 4:5

Dago denade po te we bidibolo me pusugobeo. Mu menio. Dago e tiwai po pusubo dao: “Te Krais Jisas aga dago Genuai Bidi dao, tama Jisas tobade da te dagego sę ebo bidi bidibao,” te tiwai po pusubo dao.

Godigo Sęba Tagala Palai Bidigo Po 20:31

Tama dage bugagia suao, te tiwai bidi gegabo. Tama dagego homugo eno yali sę tagalamuo. Ena dage dali bidibadi, te kibu be sela silai dao. Tama te hulide me, kigamu me, eno dagebolo dwagi yai tau selama, dąų walabo po ola mawai dao. Tama hauwa sogo eno dage moni homu dene elama, gela wai dao.”

Godigo Sęba Tagala Palai Bidigo Po 8:35

Filipgo agabolo te aga bukude nedali po page bugagia pusa mobadi, tama agai Jisasde dwagi yai po agabolo pusa manio.

Hibru 10:14

Te me te we bidi augwali agai te usu niba kadu mu wagasomainu ilali, agai te ofa deligo naga augwali wiegi yai mu pedalomainogo yali, te augwali bugagia mu bidada pabo ula somainogo tama tiai dao.

2 Timoti 3:2

Tama nago te Godigo we bidi tonalubo bidi nigiyu tama aga e tama bidao. Aga dolo mu bidao, tama te bidi dabe augwaligo agade te dwai sę ebo me gegegobeo. Aga te we deligo bidi naga bidao. Aga homu bugagia dodolama tama dulaluao. Agai aga digi kolesaga bugagia tonaluao. Aga subigila bidibo bidi bidamuo. Te aga te Godigo po odobo gasa buludu asali we bidi agai aga beba sabo bidi bidao. Tama aga te Godigo po ola mabo sęde aga usu yao.

Kolosi 2:10

Tama dage aga dali wadolobaso, agai dagebolo te bidabo ula sese mawai dao, tede dage sǫą pogobeo. Krais agai te bomo elaluyu tonalubo sę ebo genuai mobo bidi dabe tigidali aiyaba elaluama, tama aga polalubo bidi dao.

1 Korin 12:8

E tiwai dao. Te Godigo we bidi hani tomode te bidi me delibolo te Tedali Mobo Bidigo te we bidi dabebolo te Godigo wiegi yai homu kolesaga ola maiabo homu kolesaga agai olo mabo dao. Tama te gasa bidibolo te Tedali Mobo deligo naga te Godigo kolesaga te we bidi augwaligo bugagia konemainogo te po pusubo sę ebo homu kolesaga mabo dao.

Efesus 3:8

Tama Kraisgo we bidi tomode te eno nogi augwali tigidali dologode elaluali goli, God agai enabolo olo tau sabo kolesaga eyu, tama agai ena te wiegi yai po pusubo sę gasa we bidi, te Juda hani isiąwai we bidi augwalibolo te po pusumainogo ena te sęba muai. Tama te wiegi yai po page hagede eno augwalibolo te tobage po pusubo dao, te Krais agai da dali ebo olo tau sabo kolesaga te moni genuai mu, tama bidigo te kolesaga konemainogo eyu gegebo usu egobeo.

2 Korin 10:14

Tama dage te dąį tomode bidaligo da, teda da pologi solama tama Kraisde wiegi yai gesi po dageba sela asali sogo, te sogo dago dena sę yabo madi dąį mu edelebeo.

1 Korin 15:12

Sesemane sogo da Godigo gesi wiegi yai po pusubo bidi dabe dago te Krais isąma tama Godigo aga ma hodolali po pusubo dao. Tama tialigo da, magi ilama tama dage tomode meba augwaligo e tiwai tibo po weyu ebo dao: “Te isai bidi, aga ma hodalugobe, dago te homu ebo da,” te po wabo.

1 Korin 1:30

Tiali goli Godigo dage Krais Jisas dali wadolali, te agai tilama tama Kraisgo da wiegi yai homu kolesaga elalubo we bidi nigali. Te Kraisde God agai da agai wiegi yai we bidi hani mu ilali, tama dago dwai sęde sali sęgę sela sąnama tama da olo bugagia bidibao.

Dwagi Yai Gesi Po Lukgo Asęani 21:15

Ena digi ena koneai bidigo po dage pedauwaliba muaibao. Te baso, dagego boi bidi dabego te po sela sąnama aiyaba elalugobeo.

1 Korin 2:15

Tialima, te Tedali Mobo elalubo bidigo, agai te tigidali nai dagalama, tama te nai page konebo usu ebo dao. Tiali goli te bidi me deligo te Tedali Mobo elalubo bidi dagalainogo ebo te usu me egobeo.

Polgo Po Pas Rom Dabeba Asęani 16:25

Dago Godigo nogi ugwaba mu sinao. Eno aga gesi wiegi yai po pusubogia tama God agai dage te Kraisde homu kęą pai we bidi mu dąų wabo usu yaibao. Te wiegi yai gesi po te Jisas Kraisde elalubao. Tama polobadu tigidali sogo te po te geme dualali po geme dualaluali,

Godigo Sęba Tagala Palai Bidigo Po 17:3

Te sogo agai augwalibolo te po hania wali, te Godigo sa muani bidi, te we bidi tau somainu sa muai bidi Kraisde po agai ola mani. “Suao,” wali. “Godigo po elalubo bukude e po elalubo, te bidi Godigo dabolo tagala palaibao,” wali. “Agai moni dene tolama, isaibao. Tama nosali aga gų pagede ma hodalueibao. Tama megi eno dagebolo Jisas aga digi te Godigo sa muani bidi Krais dao obao,” Pol agai te po wai.

Godigo Sęba Tagala Palai Bidigo Po 10:36

Godigo te dwagi yai po da Israel we bidibolo mawai dao. Tama te dwagi yai po page e tiwai da, Jisas Krais da, te tigidali we bidigo Genuai Bidi da. Da tigidaligo aga godolo eyu da, te da dwagi yai homu elama, bugagia bidaibao.

Godigo Sęba Tagala Palai Bidigo Po 9:20

Agai te Juda dabego bomo yai po ola mabo be dabeba polo pali. Tede agai Jisasgo po pusa mabo gagalali. Agai te po wai, “Jisas da, te Godigo Ogwa dao,” wali.

Godigo Sęba Tagala Palai Bidigo Po 8:5

Me bidi nogi Filip, agai te Samaria buluba dulama, tama agai te we bidi dabebolo te po wai, “Te Jisas da, Godigo we bidi tau somainu sa muai bidi Krais dao,” te po wai.

Godigo Sęba Tagala Palai Bidigo Po 5:42

Tama te Moni Lotu Be tempel tede me, te we bidigo bede me, augwaligo sesemane sogo te Dwagi Yai Po te we bidibolo pusa mayu ola mani, te Jisas da, Godigo sa muai bidi Krais dao po wai.

Godigo Sęba Tagala Palai Bidigo Po 3:20

Tama te elama, Genuai Bidigo dage dwagi yai toma tuabo sogo mawaibao, te agai dagego kolesaga dąų walaibao. Tama nosali Jisas tagala palaibao, aga Godigo sa muani bidi Krais, tama da tau somainu yaibao.

Dwagi Yai Gesi Po Makgo Asęani 6:34

Tama Jisas te gebadu pelama, te wę pedai badu tugi pelama, tama agai te we bidi hauwa bidalubo suali. Tama agai augwali homu dene genuai mu yali. Augwali te sipsip kibu tonalubo bidi meni yai tiwai bidaluali. Tama tibaso agai gagalama, te wiegi yai po hauwa augwaliba ola mawai.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Matyu 3:7

Tiali goli Jongo suali, te lotu po wabo bidi hani si te Farisi bage me te Sadyusi bage me te augwali me baptais somainogo asali, tama agai augwalibolo te sesanobo po weyu te po wali, “Dage te dwai hasamani dabego wai dabe, te Godigo te dwai sę yali we bidibolo dene ilabo sogo mu asaibao. Tama tialima mena bidigo dage dali po obaso, tama megi dage wi painogo ebawe?

Jeremaia 6:10

Tialima, eno tama po wei ponani, “Genuai Bidi, eno te nago po deba pusaibawe? Tama dego eno po odogowe? Augwaligo olo te mu palia sali. Augwali tego Godigo po odisąbo hani bage tiwai elama, te nago po odobo hagela homu ebao. Augwaligo homu nago po te augwali hale ilibo po dao, nago po te olo bage te dwai nai tiwai ebao. Augwaligo tede wiegi yai homu pemene me ebeo.

Kolesaga Koneai Bidigo Pusali Po Elalubo Buku 12:9

E buku asęani bidigo koneani kolesaga wiegi yai mu elalubaso, tama agai te we bidi dabe augwali ola manio. Agai te tobage wiegi yai po dabe me begelama pusubo po bugagia dagalama wali, tama agai homugo te po dabe mu po da homu ebaso da, teda agai te po dabe e buku asęai dao.

Bugagia Bidibo Kolesagade Po Asęai Buku 8:5

Dage kolesaga konesiąwani bidi, te kolesaga koneiąo. Dage te homu kolesaga siąo.

Bomai Po 4:5

“Edao. Eno dage tigidali haniani bomai po ola mena silali, te God dago Genuai Bidigo dabolo wali gilama tiai dao. Megi da, dage te bulu sigi pelama, tama tede duagi paibao. Tama dage te bulude bidiyu da, teda dagego te bomai po tigidali wali piagameo.

2 Pita 3:15

Tama Genuai Bidigo me tonaludu tama agai da dali dua ebao. Tama dagego te kolesaga ebode tama kone palao, te agai da ma sainogo ebao. Tama Godigo wiegi yai homu kolesaga te dago dwagi yai ama Polbolo menama, tama agai me te tobage po dagebolo asęna tolai dao.

2 Timoti 3:16

Awe, mu tama, te polobadu geme dualali po, te Godigo dabolo waselali konealuabo po page te genuai mu elalubo, tama bidigo te pode te po mu menio wabo te usu me egobeo. Te konealuabo po e dao: Aga te tigi elalubo bidi mu pedalali, tama hania hanilai. Tedali Mobo Bidigo we bidibolo ola mani, te bidi aga dolo mu yali. Te dagalude mobo bidi ensel dabego aga suai. Tama po pusubo bidi augwaligo agade po te tigidali we bidi hanibolo pusigi pali. Te tǫde bidi dabe augwaligo konealubo po agade dąų wai. Te Godigo aga dagaluba odasa holama, tama megi aga bomo dali, genuai nogi dali selama bidibo dao.

1 Tesalonaika 4:6

Tama God agai ebo homu e dao. Dagego te we sabo sę po bolama, tama duga abagi dali dwai sę egimio. Magi baso menio. Genuai Bidi Jisas agai te tobage dwai sę ebo kolesaga ebo bidi augwali tigidali agai wei ponobo dao. Tama polobadu da dage dali bidibadi, e sęgę yai po dao homu eyu, dago te po hanilama, dage dali wai dao, dage tau somainogo.

1 Korin 4:14

Te ena dali Apolos da si hobedagia bidibadi dage bugagia te po asęanigo te dage hale eyu dwai bidimainu homu me ebeo. Menio. Eno wai puluba tiwai dage eno dwagi yai homu eyu godolo ebaso, tama eno dage homu tau sabo po ola momainu obao.

Godigo Sęba Tagala Palai Bidigo Po 13:38

“Ama dede, dagego te sę bugagia koneao. Dago dagebolo Jisasgo tigidali yali sę dagebolo pusa mobe dao. Tama agai dago tigidali dwai sę ebo sela sąyabo tų nigali. Duga bugagia koneao. Niwai we bidi augwaligo augwa homu Jisasba mubaso da, teda Godigo augwaligo yali dwai sę sela sąwaibao. Tiali goli, Mosesgo bomo yai po dabe augwaligo dagego dwai kolesaga ebo sę sela sągobeo.

Godigo Sęba Tagala Palai Bidigo Po 11:20

Tialima, te Saiprus bidi dabe me, te Sairini tǫ bidi dabe me badu augwali Antiok buluba sabolama, tama te Israel hani isąwai bidi dabebolo Jisas Genuai Bidigo dwagi yai po pusa mani.

Esekiel 7:10

Tama Genuai Bidigo po enabolo ma weyu, te tama po wali, “Te dolabo genuai sę pedelabo bodolu pąba yagasalio. Sesemane sogo te Israel dabe augwa abagi dabe dali dwai sę idualio. Tama augwaligo te hagoma ebo kolesaga ebo sę bomo yai dao.

Godigo Sęba Tagala Palai Bidigo Po 17:18

Tama te Epikuria hani po ola mabo bidi dabe me, te Stoik hani po ola mabo bidi dabe me, augwaligo Polgo po aiyaba elaluai hagede, pogo wąbi hwįai ąǫ yali. Te bidi me badugo te po wai, “Te bidi aga da, te mu konesiąwai bidi da. Agai dabolo magi po obawe?” Me badu bidigo te po wali, “Agai te po wabo gasa habuba bidibo Godigowe?” te po wai. Pol agai te Jisasde po ola mobadi yaide, isai bidi te gų pagede ma hodaloabo po ola mobadi yaide, augwaligo te tobage po tama wali.

Esra 7:25

“Tama Esra, odao. Nago Godigo nageba te homu kolesaga hauwa mu mani, tama tiyu nago te kiap dabe nigiliyu, tama te tigidali we bidigo po tų dodolobo bidi dabe dali, te jas bidi te Godigo tigidali bomai po tonaluabo bidi dabe nigilama, tama te wę Yufretis u badu tǫ pedaide bidimainu yao. Tama dage we bidi mebago te Godigo bomai po konesiąbaso da, teda nago augwali bugagia ola mayu, te augwaligo me wali pomainao.

Kolosi 2:3

Aga da te Godigo wiegi yai homu kolesaga dali konebo homu dali si dabolo waselai bidi dao. Te homu kolesaga dali konebo homu dali si polobadu dualalubadi bidai dao, te bidigo umabo wiegi yai doado bage geme dualali tiwai elaluali.

Kolosi 4:12

Epafras agai dagebolo siade dao po ola tolobao. Aga me dage hani deli dao, tama aga Krais Jisasgo sę ebo bidi dao. Sesemane sogo agai gedu haluasa po weyu homu dąų olama, tama bomo elama weyu dage tau sabo dao. Agai homugo dage Godigo homu tigidali bugagia wali peyu, tama tede homu si munu me isąyu, tama dage bidi mu pedalama tama bomo elama bugagia dolalumainogo eyu agai gedu haluasa po Godibolo weyu, “Augwali te tiwai pedalomainogo, tau sao,” agai te po wabo dao.