Kolosi 1:25 - Godigo dwagi yai po buku

²⁵ Tama God aga digi ena aga we bidi hanigo sę bidi nigilai dao. Eno dage tau somainogo eyu agai e sę enabolo mani, te Godigo po sese eno gisiga ola mayu, tama we bidi augwaligo te po page kuna konemainogo ebo dao.

Kolosi 1:25 Referans Kwoze

Efesus 3:2

Dagego polo odai, te Godigo wiegi yai homu elama, olo tau sabo te kolesaga agai enabolo mani, te eno te dage tau somainogo yai. Eno homu dagego agai ena dali te sę yali po odalio.

Kolosi 1:23

Tialima dage, dagego bomo elama, te Godigo gesi dwagi yai pode homu kęą pai we bidi bidiyu tama dolaluao. Te bugagia sę yai be aga tǫba tuluali ni tigi augwali te tǫde mu dąų obaso, te be peme egobeo. Te tiwai me dagego duga homu agai pode kęą pai we bidi bidao. Dagego polobadu te po odoyu, tama te Godigo dagebolo nosali maiabo naide dagego dwagi yai homu eyu tonalubo gagalali. Megi dage te tonalubo kolesaga tagaligio. Te gesi dwagi yai po augwaligo tigidali tǫde we bidibolo pusigi pai dao, tama ena Pol, ena te gesi dwagi yai po pusubo sę ebo bidi pedalai dao.

2 Timoti 4:6

Nago te eno megi asęani po te dago ama dedebolo mobaso da, teda nage te Jisasgo wiegi yai sę bidi bidaibao. Tama tiyu, te konealubo pode me, te nago wali pabo tigidali wiegi yai kolesaga ola mabo po me, te po side nago genuai bomo bugagia sidu bideibao.

1 Tesalonaika 3:2

Tama te homu elama, da sigo dago ama Timoti dage bidibo digiba tagala palai. Timoti aga te Godigo sę ebo bidi dao. Aga te Jisas Kraisde po pusubo bidi dao. Da sigo Timoti dage pageba tagala palai, tama agai dage bomo mayu, tama dagego Kraisde konealubo po dąų walomainogo, tama augwaligo dage dene mobaso da, dage meba bidi te Jisasgo po tagalidali weyu yai. God aga digi da te dene dali sęgę dali te somainogo, agai da te bodolu mawai.

1 Korin 9:17

Te ena homugo digi eno te sę egi da, teda eno te sęde sabo usu egi da. Tiali goli, eno homugo te sę eno yabo homu me isąbaso da, teda Godigo te sę enabolo emainu mawai dao.

1 Korin 3:5

Dagego bugagia homu kone palao. Apolos wali te de dawe? Ena Pol, ena de dawe? Da si da te sę bidi naga bidibao. Genuai Bidigo gasa gasa sę da sibolo mawai, tama da sigo te yali sęde dagego konealubo po te Kraisde dąų wali.

Efesus 3:7

Te God agai wiegi yai po eno pusigi pomainogo ena te sęba muai dao. Tama agai te olo tau sabo wiegi yai sę enabolo eyu, tama agai bomo me enabolo mani, te ena dąų olama eno te sę emainogo tebo dao.