Kolosi 1:18 - Godigo dwagi yai po buku

¹⁸ Godigo po odobo we bidi augwali da te Krais aga tigi tiwai dao, tama aga da te aga tigigo tobolu dao. Tama aga da te tigigo bidabo bomo page bidi dao. Aga naga te tigidali naide polalubo bidi bidimainogo eyu, tama aga da te Godigo hasia ogwa da, tama aga hasia mu gų pagede hodaloai bidi dao.

Kolosi 1:18 Referans Kwoze

Kraisgo Geme Dualali Sę Pedelabo Po Jonbolo Ola Mani 1:5

Tama Jisas Krais me, agai dagebolo te kolesaga si dagebolo momainao, te eno homugo. Aga te Godide homu kęą pai bidi bidiyu, tama agai Godigo po tigidali dolo mu pusali bidi dao. Aga da te isama, tama isali we bidi dabe tomode bidama, tama aga te hasia mu gų pagede ma hodaloali bidi dao. Aga da, te tigidali tǫde bidibo tuni bidigo polalubo genuai bidi dao. Agai da dali dwagi yai homu eyu godolo mu ebo dao, tama aga isaligo dago dwai sę yali sęgę tigidali sela sąwai dao, tama da megi olo bidibo dao.

Godigo Sęba Tagala Palai Bidigo Po 26:23

Tama Moses me, te Godigo pedauwalide po sali bidi me, augwaligo te po wali, ‘Te bidi Israel we bidi tau somai hagede Godigo sa muai bidi Krais da, agai moni dene selama, isaibao. Tama aga hasia mu gų pagede hodalobo polali bidi dao. Tama agai tigidali pogo te Juda hani me, te Juda hani isąwai bidi me, dwai kolesaga sela sąbo sę dwagi yai konelai bidi aga dao, tigidali bidigo agai po odama, hulide pabo dwai kolesaga tagalomainu yaibao,’” Pol agai te po wali.

Matyu 28:18

Tama Jisas pąba aselama, augwalibolo e tiwai po wali, “Godigo enabolo te tigidali dagalude me tǫde elalubo nai tonaluabo bomo mawai dao.

Godigo Nogi Ugwaba Sabo Tęąbi Po Wabo Buku Dabe 89:27

Tialima, te eno polalubo gomunai wai aga munama, tama aga te polalubo king pedelama, te tigidali tǫde king aiyaba elalueibao.

1 Korin 11:3

Me ma, te dagego ena te po hanalu wali, “Te da deliba sisinama tama Godibolo po weyu, tama Godigo po odoyu tebo sogo, te dago we dabe sibi augwaligo augwa tobolu te nami ugwago haluaibawe ma meniwe?” te po dagego ena hanalu wai dao. Tiali goli eno homugo hasia dagego te po konemainogo obao: te bidi Kraisgo tobolu bidi te God dao, tama tigidali bidigo tobolu bidi te Krais dao, tama wego tobolu te aga bidi dao.

Kraisgo Geme Dualali Sę Pedelabo Po Jonbolo Ola Mani 22:13

Ena da, ena digi te hasia bididuali bidi dao, ena te nosali sogo mu bididueibao wai bidi mu dao. Ena naga te polasa mu peyu, te ena nosali mu eyu ebo bidi dao. Te ena tigidali nai page bidi, tama eno ebo sę tigidali ela silibo dao,” agai te po wai.

Efesus 5:23

Tama Krais aga te aga po wali pabo we bidide tobolu bidi bidibo gilama, tama bidi me aga wede tobolu bidi bidibo dao. Te agai po wali pabo we bidi te agai tigi tiwai, tama Krais aga digi augwali ma dobola sabo bidi dao.

Kraisgo Geme Dualali Sę Pedelabo Po Jonbolo Ola Mani 21:6

Agai enabolo te po ma wali, “Te sę tigidali pedela silalio! Ena da, ena digi te hasia bidaluali bidi dao, ena te nosali mu sogo bidalueibao wali bidi mu dao, te ena tigidali nai page bidi, tama eno ebo sę tigidali ela silibo dao. Tama niwai bidi aga te ąį nogone ebaso da, teda eno te bidibo ula sabo ąį te wę ulude selama tama agabolo olo mawaibao.

1 Korin 15:25

Magi baso meni, Krais te tuni bidi bidimainu eyu, tama bidada pidubadi tama Godigo te boi bidi tigidali augwali aiyaba elaluama siligi pabo si usu nigi paibao.

Kraisgo Geme Dualali Sę Pedelabo Po Jonbolo Ola Mani 11:15

Te nogo a naga olama me badu nogo si wali te ensel bidi me deli agai te ona tiwai nai elali, tama tebadi, dagalude ensel mobo bidi meba augwaligo i bomonama weyu te po wali, “Dago Genuai Bidi God dali, te Godigo sa muani te we bidi tau somainogo tagala palali bidi Krais dali, augwali sigo te tigidali tǫde we bidi tonalubo bomo megi selama tama elalubao. Tama aga sesemane sogo te tuni bidi bidada peyu, bidada paibao,” te po wai.

Kraisgo Geme Dualali Sę Pedelabo Po Jonbolo Ola Mani 1:18

Ena bidibo ula dali bidibao. Polobadu ena isai, tiali goli nago ena bidibo subao, te ena sesemane sogo bidada peyu, bidada pabo ula selama, megi bidibo dao. Tama tibaso, eno bomo elalubao, te isibo kolesaga dali, te isai bidi dabe osogo bidabo madi dali, te si tonalubo bomo eno elalubo dao.

Kraisgo Geme Dualali Sę Pedelabo Po Jonbolo Ola Mani 1:8

Te Tigidali Bomo Elalubo Genuai Bidi God agai aga bidibo pagede te po wai, “Ena da, ena digi te hasia bididuali bidi dao, ena te nosali sogo mu bididueibao wabo bidi mu dao,” agai te po wai. Te God aga te megi bididubao, tama polobadu mu aga bididuai, tama nosali aga ma asaibao.

Kolosi 1:24

Ena megi e kalabus bede bidiyu tama dene sobao. Tiali goli eno dage tau somainogo eyu, tama te dene sobaso, eno dwagi yai homu ebao. Magi baso menio. Da Godigo po odobo we bidi da, te Krais aga tigi tiwai bidibao. Tama aga tigi tobade te dene tolobo sę me elalubao. Tama eno tigide te dene me sobaso da, teda eno te agai aga tigi tau sabo dene meba toloyu, tama te dene silibo sę eno tama tau sabo dao.

Efesus 1:10

Tama te sę e tama dao, God agai tigidali nai dodolo piduainu, agai bodolu mani sogo asobo si, te tigidali dagalude elalubo nai me, te tigidali tǫde elalubo nai me, te Kraisba tigidali nai deliba sisinaibao. Tama te sogo Krais aga tigidali naigo tobolu bidi bidaibao.

Dwagi Yai Gesi Po Jongo Asęani 1:27

Te bidi aga ena tudi badu nosali asaibao. Ena digi ena dwagi yai bidi menio. Teyu, eno agai sągą nadoba bono eno pisigagobeo,” Jongo te po augwali dali wai.

Dwagi Yai Gesi Po Jongo Asęani 1:16

Aga te olo tau sabo sę hauwa mu ebo dao. Tama dabolo agai ma eyu, ma eyu idu gebo dao.

Dwagi Yai Gesi Po Jongo Asęani 1:1

Polobadu polobadu mu, te tigidali nai pedalisiąma, meni yai digi, Po bolo bidai. Po God dali bidai. Tama te Po aga digi God dao.

Kraisgo Geme Dualali Sę Pedelabo Po Jonbolo Ola Mani 3:14

Te eno suali bidigo enabolo te po me ma wai, “Te megi nago te Laodisia bulude Godigo po odoyu bidibo we bidi tonalubo ensel mobo bidibolo e po asęna tolao: ena te mu po wabo page bidi mu, ena te Godide homu kęą pai bidi bidiyu, tama eno te Godigo po tigidali dolo mu te we bidibolo pusubo dao. Sesemane sogo eno mu po naga pusubo dao. Ena te Godigo nigali nai tigidali page mu dao. Eno e po nagebolo ola tolobao.

1 Jon 1:1

Dago te gesi noma bidibo ula elalubo pode, te pode dagebolo e po asęna tolobao. Te Godigo nai me deli me nigisiąbadi te po hasia bidaluai dao. Te po polobadu mu elaluali goli dago te po dena ologo odali dao, tama dena gedugo suai. Awe, dago gedugo suali, tama dago nogogo tuyu yai.

Polgo Po Pas Rom Dabeba Asęani 8:29

Magi baso meni, te Godigo augwali polo koneani bidi dabe, agai augwali me hagea siyu tedali muani, te aga Ogwa tiwai pedalomainogo yai, tama ama name hauwa bidimai hagede yali, tama Krais te augwaligo ama gomunai bidi bidaibao.

Matyu 23:8

“Tiali goli, te bidi dabe augwaligo dage nogi eyu, ‘Tisa, po ola mabo bidi da’ olamuo. Menio. Te bidi me deli naga te aga dagego te po ola mabo bidi dao, tama dage tigidali te ama dede ama dede naga bidibo dao.

Aisaia 52:13

Genuai Bidigo te tiwai po wali, “Suao, bugagia konea sao. Tigidali sę eno sę bidigo ebo te bugagia mu pedelaibao. Te bidi dabego agaba genuai nogi mayu, te aga nogi ugwanu mu saibao.

Solomon 5:10

Eno abagi wali bidi te aga bomai bidi mu da, te agai gesabidi gasa sawia pai mu da, tama te tǫde bidi nedabo usu isiąbo te hauwa tausen bidi mu aiyaba elaluai dao.

1 Korin 12:27

Tialima dage da, da tigidali deliba wadolama, tama dage da te Kraisgo tigi tiwai dao. Tama dage deli deli te Kraisgo tigigo haniani sę yabo badu dabe dao.

Kolosi 2:19

Te po wabo bidi agai Krais aga homugo dąų wabo tagalai dao. Krais aga da te tobolu tiwai dao, tama da Godigo po odobo we bidi te tigi tiwai dao. Tama te tobolugo te tigi sese bugagia tonaluyu te dili dabe te kigibiligo deliba bugagia dąų olama, tama nai tulama tama te tigi dwagi yai pedalobo dao. Tama da Godigo po odobo we bidi me te dago tobolu bidi Krais dali tama wadolama, tama Godigo bomo selama da bugagia holobo dao.