Kolosi 1:11 - Godigo dwagi yai po buku

¹¹ Dago homugo Godigo agai moni ula yai wiegi yai bomo meba selama, tama te bomo dagebolo mao, tama te bomogo dage bomai we bidi ilao. Tama agai dwagi yai bomogo dage bomo elama dolaluyu, tigidali sęgę bugagia tolaluyu, tama dagego boi bidi homu egobeo, dagego augwali wei ponobo homu egobeo.

Kolosi 1:11 Referans Kwoze

Efesus 3:16

Tama tibaso eno gedu haluasa po e tama wabo dao: “Aya God, nago naga we bidi dali wiegi yai sę yabo homu umabo mu elalubo dao. Tama tiyu, eno homugo nago te Efesus hani we bidi dali dwagi yai sę eyu, tama nago Mobo Bidi agai nago bomo meba selama, tama agai augwalibolo te bomo mao, augwaligo homu bomo ilimainogo, te Mobo Bidigo bomogo augwali dąų mu walomainogo tama tiao,” eno God dali te tobage hanalu wabo po wabo dao.

Filipai 4:13

Krais agai aga bomo ena menama, tama te bomogo eno tigidali sę ebo usu ebo dao.

Efesus 4:2

Dagego tama kolesaga wali peyu, duga digi duga nogi ugwaba sisiąma, tama imila pai we bidi mu bidiąo. Tama bidigo dage dali dwai kolesaga ebaso da, te dagego te sę emainu sulama tona tagalao, wei sigimio. Tama tiyu, dagego duga abagi dabe dali wiegi yai homu elama godolo mu yao, tama augwaligo mabo sęgę te dagego tolao.

Efesus 6:10

Te eno po silagasu wabo po e dao: dage te Genuai Bidi Krais agade wadoloyu, tama dagego agai genuai bomo meba siyu, tama dage bomo eyu bidao.

2 Korin 4:7

Tiali goli ena dali, te ena dali deli sę ebo bidi dabe dali, dena te bomo yai ulade po pusubo wiegi yai sę elalubo, te tǫgo nigai olo sene tomode elalubo tiwai ebao, te dena isibo tigide naga elalubo dao. Te tigidali bidigo konemainogo ebao, te Kraisde wiegi yai gesi po pusubo sę ebo wiegi yai genuai bomo mu, te Godigo bomo naga dao. Te dago menio.

Godigo Sęba Tagala Palai Bidigo Po 5:41

Tega sigo te kaunsil be tagalama pali. Tama te kaunsil bagego elali goli, mu ma bugai homu yali. Tama augwaligo te homu yali, ‘Da Jisasgo po wali pobaso, Godigo usu da olama, da te bidigo gedude naga moni hale mu selama, Jisasgo sę tau sali,’ te homu yai.

Kraisgo Geme Dualali Sę Pedelabo Po Jonbolo Ola Mani 14:12

Tama tibaso, Godigo we bidi augwali bomo elama, tama augwaliba pedalabo sęgę bugagia toloyu bidao. Te we bidi augwaligo Godigo bomo yai po wali peyu, tama Jisasde homu mu kęą pai we bidi bidibo dao.

2 Pita 1:6

Tama te kolesaga ebadi, te duga digi duga tigi dali homu dali si bugagia tonalubo kolesaga, te me yao. Tama te kolesaga ebadi, e kolesaga me yao, te dagego dene hauwa sogo bugagia tolao. Tama dene bugagia tolobadi, dagego Godigo kolesaga naga dolo mu wali pabo kolesaga yao.

Ma Dobola Sali 15:6

“Genuai Bidi, nago dolo nogogo bomo genuai elalubao, tama agai te boi bidi ągąlama, tama augwali mu mia sąwai.

Polgo Po Pas Rom Dabeba Asęani 2:7

Tama mebago da, te dwagi yai kolesagade bomo elama bidiyu, tama tebo kolesagago augwaligo te genuai nogi me te wiegi yai nogi me te me dolisąbo bidada pabo ula te tų gegebo sę ebo dao. Tama Godigo te tama kolesaga ebo bidi dabe augwalibolo te bugagia bidada peyu, bidada pabo bidibo ula mawaibao.

Godigo Sęba Tagala Palai Bidigo Po 1:8

Me ma, e dagego koneagameo, te Godigo Mobo Bidi dageba asobo si, teda Godigo dage bomo ilaibao. Tama duga enade po te we bidi dabebolo pusa maiyąo, te Jerusalem be nanide me, te Judia tǫ pedai tigidalide me, te Samaria tǫ pedai tigidalide me, te moni digibulu tǫ pedai dabede me te po pusa mao,” te po wali.

Aisaia 45:24

Te augwaligo te tama po waibao, ‘Genuai Bidigo naga te da tau siyu, te da dąų waliyu, te doloba pai kolesaga ugwa igulama, ugwa ela holomainu yaibao,’ te po augwaligo waibao,” wali. Tigidali we bidi agaba asobaso, te agaba haliga sębę ebo hani dabe te augwali dwai hale mu yaibao.

Bugagia Bidibo Kolesagade Po Asęai Buku 24:10

Te dwai sogogo nage gegelama, tama nago tigi dili te kimi isilibaso da, teda nago bomo te mu meni ebao. (25)

Godigo Nogi Ugwaba Sabo Tęąbi Po Wabo Buku Dabe 63:2

Eno nage te naga mena wiegi yai bede mu suabo homu elama, tama eno homugo te nago genuai bomo te enabolo ola momainu homu yali, tama nago genuai nogi yai ula me te ola momainu yai.

Jutgo Asęani Pas 1:25

Tama God agaduba deli naga bidibo dao. Agai da tau siyu ma dobola somainogo, tama agai dago Genuai Bidi Jisas Krais e tǫba tagala palali. Tama tibaso, dago Godigo nogi ugwaba sinao. Awe, tama tiyu, God aga polalubo tuni bidi bidimainao, tama aga genuai bomo mu dali, agai moni ula dali si elalubaso, tama dago aga nogi ugwaba sinao. Te tigidali sogo polobadu aga tama bidai, te megi me aga tama bidibao, te tigidali sogo nosali God aga tama bidada peyu, bidada paibao. Te po mu po dao. Tama dao.

1 Korin 16:13

Dagego bugagia tonaluyu, tama te Kraisde konealubo pode bomo elama bugagia dolaluao. Dage bidi mu sesemane sogo bidiyu, tama bomo elama bidaloao.