Josua 9:9 - Godigo dwagi yai po buku

⁹ Tialima, augwaligo agabolo te tiwai po wai, “Da te digibulu bulu me delidu asali, magi baso meni, dago te dagego Genuai Bidi Godigo genuai nogi elalubo po odalio. Dago te tigidali sę agai te Isip tǫde yali odai dao.

Josua 9:9 Referans Kwoze

Josua 9:24

Tama te Gibeon dabego te po wai, “Dago e tiwai po odali, te dagego God, Genuai Bidigo, te aga sę bidi Mosesbolo weyu, te tǫ tigidali dagebolo mawaibao po wai, tama dage sabalubo sogo da, teda dagego tede bidibo we bidi tigidali ela siliąo po walio. Tama tibaso, da dwai wi mu dagede ebaso, tama dago te usu sabo po wai dao.

Bomai Po 20:15

Dagego te tama sę dabe te gasa meba hanu dabe dagego bulu digibulu elalubo hanu dabede me tama naga tiao,” Mosesgo te po wai.

Aisaia 66:19

Te eno augwali tomode te dąį me deli pedalumainu ilaibao.” “Tialima, eno te hani meba, te dolisąwani hani bage, te digibulu tǫ kantri we bidiba tagala palama, te eno genuai nogi me bomo te eno genuai bomo ebo po odisąwani we bidi dabeba pusugi pomainu yaibao. Te augwali eno te hani dabe Tarsis, me Pul dabe, me Lidia, te haniba tagala palaibao, te Lidia bage augwali enesigigo ene enebo mu konea pai bidi dabe mu, te Tubal me Gris dabeba, te digibulu bidalubo gasa we bidiba me tagala palaibao.

Aisaia 55:5

Mu tama, te dagego polobadu konesiąwai te bulu tǫ kantri we bidi dabe augwali i wabo sogo, te augwaligo me dage me konesiąwai, te augwali dageba polo udada asaibao. Magi baso meni, ena Genuai Bidi, dage Israelgo God, ena te Wiegi Yai Doloba Pai Kolesaga Mu Ebo God, eno dage te genuai nogi dali bomo dali si mu elalumainu ebao,” Genuai Bidigo te po wali.

Godigo Nogi Ugwaba Sabo Tęąbi Po Wabo Buku Dabe 148:13

Mu tama, tigidaligo te Genuai Bidigo nogi ugwaba sao. Te agaduba genuai nogigo deli te tigidali we bidigo genuai nogi aiyaba mu elalubao. Agai genuai nogi te ugwanu mu elalu, te dagalu me tǫ aiyaba elaluai dao.

Godigo Nogi Ugwaba Sabo Tęąbi Po Wabo Buku Dabe 83:18

Eno homugo nago te tiwai yao homu ebao, teda augwa mu konemainu ebao, nagaduba deli naga, nage te Genuai Bidi, tama nage te Ugwade Mu Bidibo God da, tama nago te tigidali tǫ tonalubo dao.

Godigo Nogi Ugwaba Sabo Tęąbi Po Wabo Buku Dabe 72:19

Te agai wiegi yai nogi te sesemane sesemane sogo ugwaba sao. Te agai Genuai nogigo te tigidali tǫ badu usu nai dao. Te mu tama dao.

Nehemia 9:5

Tama nosali te Livai mebago te we bidi dabeba po weyu, te augwaligo Godiba lotu ma waiąo po wai. Te Livai dabego nogi e tiwai, Jesua, Katmiel, me Bani, me Hasapnea, me Serebia, Hodia, Sebania, me Petahia. Augwaligo te tama po wali, “Dage dolugulama, te dena Genuai Bidi God nogi ugwaba siąo Sesemane bidada pabo sogo sesemane dago te aga nogi ugwaba sao,” wai dao. Tama augwa te gedu haluasa po wali, “Genuai Bidi, dago te nago genuai nogi ugwaba sainu ebao. Tiali goli, dago te wiegi yai pemene ebo homu te olo nai tiwai ebao. Nago nogi te genuai mu da, tama tiyu dago konebao, dago pemene ebo te nago gedude usu meni ebao.

Te Israel me Juda Hani Sigo Tuni Bidigo Po Elalubo Buku Deli 8:41

“Te gasa bulu tǫ pedaide bidibo Israel hani isąwai bidi dabego te nago genuai nogide po odoyu, tama te nago te naga we bidi dabe tau siyu, te genuai sę dabe mu ebo po wali. Tama te bidi dabe augwali me deligo te nageba lotu wabo homu ebaso, tama te aga page bulu tagalama, tama te tempel be pąba aselama, tama nageba gedu haluasa po obaso da,

Israel Hanigo Namba 14:15

Tama tialima, nago naga we bidi tigidali sese tama eliyu da, te gasa we bidi hanigo nago genuai nogi odali bagego te e tama po waibao,

Ma Dobola Sali 15:14

Tama meba tǫde bidibo bage augwaligo te sę yali po odolama, tama augwali wi mu eyu, tama augwali noma saibao. Tama te Filistia bage augwaligo me te po odolama, wi mu yaibao.

Ma Dobola Sali 9:16

Tiali goli, eno nage hodolama, te tuni bidi nigiliyu, te eno genuai bomo dagebolo ola mayu, tama te we bidigo eno genuai nogi te tigidali tǫba te po pusugi pomainogo tebao.

Godigo Sęba Tagala Palai Bidigo Po 8:7

Tama dwai haubo mobo dabe we bidi hauwa tudi badu polobadu aselama, dagą yagaselama elalu tede bidibadi, tama Filipgo po obaso, te dwai mobo haubo dabe te we bidide bidali taga peyu, moni hwą mu wai. Me badu sągą isai we bidi Filipgo ma dwagi yai ilali, sągą dwai we bidi me.

Israel Hanigo Namba 20:14

Te Israel dabe te Kadesde bidibadi, Mosesgo Idom tuni bidiba po sela pabo bidi meba taga palali. Augwaligo agabolo e tama po wagi pali, “Dago naga deli hanigo po sesebao. Te augwali te Israel dabe dao. Augwaligo nagebolo e tama tiwai po walali, ‘Nago koneani, dade te haniani sę pedalali nago koneani.

Josua 9:10

Dago agai te Amor dabego tuni bidi si dali, te wę Jordan te sia ge pedalubo badu yali sę po dabe odai. Augwali si da te Sihon, te Hesbon bulu tuni bidi, me Ok, te Basan tuni bidi dao. Aga te Astarot tede bidai dao.

Josua 9:16

Augwaligo te bomai po dąų ola sai madi, tama nosali sela sogo bidai digi, te Israel dabego te po wali page gegali, te bidi dabe augwali te digibulu bidi meni, te bulu pąde bidi naga asai yalio.

Josua 9:17

Tama tibaso, megi da, te Israel dabe augwali hogodama, te gasa badu poloba palio. Augwali pelama, te sela sogo dąį igi pabode, tama augwali te hani dabego hanuba sabolai. Te hanu dabe nogi e dao: Gibeon, Kefira, me Berot, me Kiriat Jearim. Te e tama hanuba augwali sabolai.

Bomai Po 20:11

“Augwaligo dagego pode usu dao olama, tama augwaligo hanu genuai sunumi dabe olo dabaso da, teda augwali dage dologode bidiyu yaide augwali kalabus sę emainao.

Godigo Nogi Ugwaba Sabo Tęąbi Po Wabo Buku Dabe 78:12

Te wąį nǫų dabego gedude Godigo bomai sę me deli te Soan bulu, te Isip tǫ pedaide, yai dao.