Josua 9:3 - Godigo dwagi yai po buku

³ Tama te Gibeon bulu bidi dabego me te Josuago te Jeriko de Ai hanu side yali sę po odama,

Josua 9:3 Referans Kwoze

Josua 10:2

Tibaso, aga de te Jerusalem hanude bidali we bidi dabe dali, augwali si wi dwai mu yai, magi baso meni, te Gibeon hanu te genuai hanu elaluali, te gasa genuai tuni bidi elalubo hanu gagawai elaluai. Te genuai hanu digi mu te Ai hanu te aiyaba elaluai elaluali, tama tigidali bidi te hwįbo bomai bidi naga bidai. Tama tibaso, te Jerusalem bidi dabe te augwalide wi umabo mu yalio.

Josua 9:17

Tama tibaso, megi da, te Israel dabe augwali hogodama, te gasa badu poloba palio. Augwali pelama, te sela sogo dąį igi pabode, tama augwali te hani dabego hanuba sabolai. Te hanu dabe nogi e dao: Gibeon, Kefira, me Berot, me Kiriat Jearim. Te e tama hanuba augwali sabolai.

Josua 9:4

tama augwaligo aga gagamu selainu usu sabo po miani. Tama augwaligo te tibo nai dabe selama, te badi waba buluyu, te poloba badi meme waligo nigai botol pepeda pai selama, tama augwaligo ma hobolai. Tama augwaligo te nai dabe te augwa donki daiba ugwadu muai dao.

Josua 9:22

Tialima, Josuago te Gibeon dabe i olama asobode, tama augwalibolo agai te po wai, “Magi baso dagego da tibo po ola maniwe? Dagego te dage digibulu me delidu asalio po wali. Tiali goli, dage pąde naga bidibao!

Josua 11:19

Te hanu me deligo te Israel dabe augwali dali nogo menama, tama augwali dali me bidibeo. Gibeon te Hivi dabego page bulu, te bulu deligo te Israel dabe dali nogo mawai. Tigidali te gasa hanu dabe te hwįanigo dolai dao.

Josua 21:17

Te Benjamingo hanigo te hanu me si me si augwaliba mani, Gibeon me Geba,

Jeremaia 28:1

Te kibu be me si me si wabo te Sedekaia te Juda king bidali, tama te kibu be te polua a naga wabode, te taun Gibeon bidi me deli, aga te profet Hanania, te Asurgo ogwa, aga te Genuai Bidigo beba asama, tama po me deli te Jeremaiabolo me, te pris dabeba me te we bidi dabego gedude pusalio. Agai te tiwai tama po wai,

Josua 10:1

Te Adoni Sedek, te Jerusalem tuni bidigo, te Josuago te Ai hanu pedela selama, tama tigidali bidi dolama, tama Ai hanu tuni bidi ela mubadi yai, te agai te Jeriko hanude te aga tuni bidi dali yali sę tiwai gilama yali po odai. Tama agai odali, te Gibeon dabego te Israel dabe dali abagi si olama, nogo menama, tama augwali dali deli madi bidibo po odalio.

Josua 10:28

Te sogo naga Josuago te Makeda hanu pedela sigi pelama, tama te hanude bidali tuni bidi pageabi yai. Tama agai te hanude bidali we bidi tigidali ela silai. Te deli me bidibeo. Agai te deli tobage tiwai kolesaga naga te Makeda tuni bidi dali yai, agai te Jeriko hanu tuni bidide yali sę tiwai gilama naga yalio.

Josua 10:30

Tama Genuai Bidigo te Israel dabe augwali tau selama, tama augwaligo te boi bidi dabe augwali aiyaba elaluama, tama te hanu selama, te hanude bidali tuni bidi me pageabi yai. Tama Josuago te hanude bidali bidi tigidali ela silama, tama deli digi me bidibeo. Agai te tuni bidibolo te Jeriko tuni bidibolo yali kolesaga tiwai naga yai dao.

Josua 18:25

Te e tama hanu me elaluali, Gibeon, Rama, Berot,

2 Samuel 2:12

Apner dali te Isbosetgo ami dabe hogodama, augwa te Mahanaim taun taga soyu, tama te Gibeon taunba sabolali.

Tuni Bidi Dabego Po Elalubo Buku Deli 12:4

te Ismaia te Gibeon taun bidi. Ismaia te bidi sese deli olama nogo si 30 te Devitgo ami bidi dabede polalubo ofisa bidi da, tama aga te wiegi yai ami bidi mu da. Te Benjamin hanide te gasa bidi dabe augwali nogi e tiwai elalubao, Jeremaia, me Jahasiel, me Johanan, me Josabat, aga te Gedera taun bidi me deli dao,

Tuni Bidi Dabego Po Elalubo Buku Si 1:3

Tama nosali augwali sese tama aga dali te lotu wabo pesage te hanu Gibeonba pali. Magi baso meni. Godigo ugwa be te hanude elalubaso. Te haus sel te polobadu Moses, te Genuai Bidi aga sę bidigo, sę yani te sel ugwa be dao, te nai meni yai wa pai bulude sę yani sel ugwa be.