Josua 9:13 - Godigo dwagi yai po buku

¹³ Te e meme tigiwali botol dabe te gesi elalubadi, te sogo dago te wain ąį buai. Tiali goli, megi da, suao! Augwali te pepeda pai. Tama dago gudali ugwa dabe me, te sągą nadoba me, te bobobage sunumidu asidubadi dolai dao,” te po wai.

Josua 9:13 Referans Kwoze

Matyu 9:17

Tama me, te bidi mego te gesi wain ąį te poloba kibu meme waligo nigai botol tomoba mubo menio. Ma agai tama tiyu da, teda nosali te wain wę du pągąna pelama, tama te meme wali botol peda peyu, tama te wain wę tǫba olo gea peyu, tama te meme wali me doyu hagawaibao. Tama tibaso augwaligo te gesi wain wę te gesi meme wali botolde buliyu, tama te si dali si te bugagia munalubo dao,” Jisasgo augwalibolo te po wai.

Josua 9:4

tama augwaligo aga gagamu selainu usu sabo po miani. Tama augwaligo te tibo nai dabe selama, te badi waba buluyu, te poloba badi meme waligo nigai botol pepeda pai selama, tama augwaligo ma hobolai. Tama augwaligo te nai dabe te augwa donki daiba ugwadu muai dao.

Josua 9:12

Te dago tubo nai bret suao. Te dago bidibo bulu taga soyu soali sogo, te bret tamadi tama ulama posolo elaluali. Tiali goli, suao! Te bret dabe te wa pelama, tama dwalio.

Josua 9:14

Tama te Israel bidi dabe augwaligo te Hivi dabego elalubo nai dabe suali. Tiali goli, hasia bolo te Genuai Bidi God aga homuba augwaligo me hanalubeo.

Bomai Po 29:5

Tama Genuai Bidigo te po wali, ‘Te kibu be bidi sese si 40 eno dage kemi sane buludu odasa pai dao. Tama dagego ugwa dabe me, su dabe me, togwa pai menio. Mu menio.

Josua 9:5

Tama augwaligo poloba badi ugwa gudubadi, te poloba badi sągą nadoba mubadi yai, tama te wa pai bret dwai mu yai selasa palio.

Dwagi Yai Gesi Po Makgo Asęani 2:22

Tama me, te bidi mego te gesi wain ąį te poloba badia pai kibu meme waligo nigai botol teba tabigobeo. Ma agai tama tiyu da, teda nosali te wain wę genuai bo delama, tama te meme wali botol peda peyu, tama te wain wę tǫba olo gea peyu, tama te meme wali me doyu hagawaibao. Tama tibaso, augwaligo te gesi wain ąį te gesi meme wali botolba tabibo dao, tama te si dali si te bugagia munalubo dao,” Jisasgo augwalibolo te po wai.

Dwagi Yai Gesi Po Lukgo Asęani 5:37

Ma mego me te gesi bomai wain wę te poloba sipsip tigiwaliba tabigobeo. Mego te eyu da, te gesi bomai wain węgo te sipsip wali aulua sanama, buluba gea paibao. Tama te sipsip wali aulua pelama, doaibao.