Josua 8:9 - Godigo dwagi yai po buku

⁹ Tialima, Josuago augwali tagala palobaso, tama augwali pelama, te sia ge dega sigi pabo bulu me deli badu geme duala sigi pali, te Ai hanu de te Betel, te bulu si tomoba duala sigi pelama, tama te nǫ muai. Tama augwali tonalu bidali. Tiali goli, Josua te bidibo pesagede te sogo hulide tede bididuai.

Josua 8:9 Referans Kwoze

Nehemia 7:32

Te Betel taun me Aį taun bidi te 123 bidalio,

Esra 2:28

Te taun Betel me Ai te bidi te 223 dao,

Josua 8:12

Tama Josuago te bidi sese hauwa umabo 5,000 bidi tiwai usu pąde ami bidi dabe selama, tama augwali te sia dega sigi pabo badu, te hanu Ai de Betel tomo agebele si tomoba pelama, geme duala sigi pomainu tagala palai dao, te do tama yai dao.

Josua 7:2

Josua te Jerikode bidiyu, tama bidi meba te bulu nogi Ai teba tagala palai, te hanu me deli te giliga pedalubo badu te Betel badu, te Betaven pąde elaluai. Agai augwalibolo te hanu susa biligi pao po wai. Tialima, te bidi dabe augwali pelama, tama tiwai igi pai.

Tigidali Nai Gagalama Nigali Side 32:21

Agai te maiabo nai dabe polasa tagala palama, tama aga bidali pesagede te sogo hulide bidai.

Tigidali Nai Gagalama Nigali Side 12:8

Nosali Abramgo te More bulu tagalama, ma pelama, tama dolo nogo pedai badu, te saut wabo, te badu peyu, tama te bulu du elalubo buluba sabolali. Te bulu du dabe elalubo badu te sia ge pedalubo pedai badu, te Betel hanu pąde elalubo madi, te badu bidigi pai. Tama agai te pesage me deli te Betel de Ai hanu si tomode aga ugwa be dabe dodolama, muani. Te hanu Ai te giliga dulubo badu elaluali, te Betel hanu te giliga pedalubo pedai badu elaluali. Tama Abramgo alta sai te bulude me nigilama, te Yawe nogi weyu, agabolo lotu po wai dao.

Josua 8:8

Dagego te hanu tomoba pedela sigi pabo sogo, dagego te Genuai Bidigo po wali tiwai gilama, te hanu siago ulao. Te eno po da, tama dagego bugagia wali piąo,” wali.

Josua 8:10

Tialima, te kigamu digi mu te Josua hodaluama, tama te ami bidi dabe deliba sisinagasomainogo i wai. Nosali, aga dali, te Israel dabe genuai bidi dabe dali, augwali polasa peyu, tama te ami te Ai hanuba odasa pai dao.

1 Samuel 30:27

Devitgo te wiegi yai homu pemene ilibo doado bage te e tama taunde bidibo bidi dabeba tolali, Betel me tama te taun bulu Rama te Juda pedai te saut badu elaluali, tama te Jatir buluba me,