Josua 8:5 - Godigo dwagi yai po buku

⁵ Tiali goli, ena dali, te eno ami bidi dabe dali, da te hanu dolo asaibao. Tama te Ai hanu bidi dabego te da dali hwįainogo buluba asobaso da, teda dago te hasia sogo yali tiwai gilama te da wi soaibao.

Josua 8:5 Referans Kwoze

Josua 7:5

Augwaligo te Israel dabe te hanu tomoba pabo te genuai sunumidu pobeasa pelama, te masigi pepedebo buluba usu nigi pai. Tama augwaligo te bulu duba aiya dulubo te sunumide te bidi te 36 tama bidi usu nama elai. Tama te Israel dabe augwali wi mu elama, tama bomo elama me dolalubeo.

Matyu 10:16

“Odao, eno dage te sipsip tiwai te uni yowi augwali tomoba tagala palobao. Tama tibaso dagego te hasamanigo ebo kolesaga tiwai wali peyu, tama hasia bolo dagego yabo sę bolo homugo kone palao. Tama dagego te ba higo ebo nagamea pai kolesaga tiwai wali peyu, tama dwai sę me deli yabo homu kolesaga egimio.

Josua 8:6

Teda augwaligo da pobeasa asomainu sula tagaliyu, te dago augwali te hanu tagalama, digibulu kegasa soabo usu tiwai yaibao. Augwaligo homugo da te polobadu augwalide wi soali tiwai gilama ebo, te homu yaibao.